حوامل الي من مسقط

انا من مسقط من السيب تحديدا ، عندي ثلاثة اولاد واقولك احسن مكان ممكن تراجعين فيه هو مركز الامل في الخوير او مركز بيت حطاط اللي في روي ، لان الدكاترة ممتازات وعارفين شغلهم زين... وفي كل حمل كنت اروح عندهم لاني ما اصدق كلام دكاترة المستشفيات اللي كانوا كل مرة يخوفوني ان البيبي صغير وان الدم نازل ... الخ.
بالنسبة لاحسن مستشفى تربين فيه فاذا كان عندك ملف في العسكري صراحة لا تترددي ابدا ابدا لان الرعاية والاهتمام اللي عندهم رائع وما له حدود سواء في الحمل او الولادة وما بعدها .... وربنا يسهل عليك...

اهلين والحمد لله اني حصلت حد انا من مسقط وساكنة في مطرح بالصراحة انا بعدني بكرية وما اعرف شي بس لحد اللحين اراجع بمركز صحي مطرح وبالفعل طيبات وحبوبات وما شكيت منهن شي لحد اللحين بس قالوا لي الولادة بالمستشفى السلطاني احسن من مستشفى خولة لان بالسلطاني اهنمام كثير بالام والمولود والله يعينا.

هلا وغلا باهل مسقط انا بعد ساكنه مسقط والحين لي ثلاث شهور اليوم رحت افتح الكرت الاخضر من المركز الصحي وان شاء الله الولاده في السلطاني بحكم اني اشتغل هناك بالنسبه حبيبتي للولاده ما احبذ انها تكون بمستشفى خاص لانه الحكومي اكثر خبره بس ما خبرتينا باي شهر الحين

فلق و ام ونس و ام عزوززززز

شكرا على مشاركتكم وانا فرحانه اني لقيت احد من بلدي
انا الحين في الشهر التاسع وبولد في السلطاني لأني ما عندي ملف في العسكري
وانا الحين اراجع في مركز صحي الخوير و الوطية و ادعوا ربي ان يسهل علي وعليكم وعلى جميع الحوامل

ام عزوززززز

بما انك تشتغلي بالمستشفى السلطاني من هي احسن دكتوره توليد وما هي التسهيلات الي تقدمها المستشفى لأني اتوقع الولادة في اول اسبوع من شهر ثمانية
وانتي في اي قسم تشتغلين