السلام عليكم كروشات
بصراحه احترت وين اسرد قصة ولادتي بهالموضوع ولا بموضوع الأمهات
قلت خليني احطه هنا عشان يكون اخر ذكريات مع الكروشات:
المهم يابنات مالكم يالطويله..
انا من دخلت الشهر التاسع كنت طبيعيه ومتى ماجت الولادة مشينا لكن من القل اللي سووه فيني الناس والأتصالات
وعلى الماسن هبل فين ..
حتى والله زميلات لي من زمااااااااان عنهم الوحدة منهم بدق اول ما ارد تقول هاه ماولدتي:humm:
عاد انا من جد يديت احس فيه شئ غلط مع انو تو ماجاء الموعد اللي حددوه لي..
المهم يوم السبت باليل كنت طفشاااااااااانه واسولف مع اخوي بالمسن حسيت بألم بسيط بظهري..قلت اكيد طلق كاذب..
المهم قلت خليني بس اروح منه اغير جو لأني لي فترة ماطلعت من البيت<<لاحظوا تغير جو وين!!
رحت لأبو الشباب لقيته نايم قلت فرصه عشان امثل :biggrin:
قلت فلااااااااان يالله بسرعة بسرعة..مسكين
المهم على طول طلعنا وانا مبسوطة وموحاسه بشئ بس اسوي نفسي اتألم عندة:hmh:
ما اتوقعت انه في شئ ..
حتى بيتي مارتبته ولا اخذت شنطتي <<قلت لكم بغير جو
المهم دخلنا صراحه انبسطت يوم حطت الأجهزة على بطني <<ماتدري وش بيصير له..
يوم كشفت على قالت 4 سانتي
قلت لا تكذب يالله نروح للبيت
قال زوجي اقول انثبري بس<<طبعايمزح:biggrin:
قالت خلاص ماتطلع..
قال زوجي اوك
قلت هيه وين اوكيه..بروح ارتب بيتي..واجيب اغراضي قال :اصصص
المهم قالت لازم تمشي ساعة الين تجي الميد وايف..طبعا هذا الساعة 12 باليل
المهم طلعنا على اساس امشي ووزززززززززززززززززز للبيت:3_10_6:
رتبت البيت واخذت شنطتي وقلت له ماودك نتعشى اخر مره بمطعم<<لأني عارفه اني بينصك على 40 يوم
قال اوك
رحنا واتعشينا عشى لذلذ وخفيف..
ورجعنا على اساس ان كل هذا مشي ماشاء الله
كشفت على قالت لسه ماتحرك شئ امشوا ثاني ..
عاد مشينا هنا صدق..
بعد ساعة رجعنا..وانا حاسه بألم مو طبيعي بظهري..
قالت :6 سانتي ..وجت الميد وايف..قالت تبغين ابره..انا اقول ايه وزوجي يقول لا..
ونهاوش عندهم وانا اقوله انت ماتحس فيني..قال :تحملي والله الأبره مو زينه..
قلت الا<<عنيدة وتستاهل ماجاه
المهم جت دكتورة اللي بتعطيني ابرة الظهر انا على ماقريت وسمعت انه مثل قرصت النمله والله والله يابناااات شفت الموت بعيوني..اتوقع عشان يد الدكتورة ثقيله شوي على الأبرة ..
وانا اتحرك ودموعي تطلع حااااااااارة من الألم..وهي تصارخ تقول لا تتحركي..موب قااااااااااااادرة:06:

ارتحت شوي على السرير..جت الساعة 8الصبح قالت الدكتورة 9 سانتي
..وبعد ساعة دخلوا كلهم..
وبدت حركات نص كم:humm: ويشيلون لبسي..ويغطوني بغطاء,
المهم..ويبداء البووووش بوووووش ..والله والله يابنااااات ولا كأني اخذت الأبرة..ما ادري من وين المشكلة..لكن الحمدلله على كل حال..
المهم من 8الين10 ونص بووووووش بووووش خلاص ماعاد باقي بي حييييييييييل :11retcher كنت اقول ماراح اصرخ وصبرت صبرت على اخر لحظة خربت ابوها وشوي واشوت النيرس ..
وتطلع احلى بنوته..الحمدلله ويحطونها على صدري..سبحان الله شعور لايوصف..والله اول ماجاء في بالي امي بعد قلبي ووشلون بلحق برها..الله يخليها لي..
وتوته توته خلصت الحتوته..:icon31:

اهلين امورة الامورة سوري ياقلبي الحبوب اخذتها من السوبر ماركت سينس بري ونفسها موجودة بالصيدلية
مايحضرني اسمها لون الكرتون اخضر عليه صورة حامل
انا ياقلبي عند جارتي حاليا بمجرد رجوعي البيت اعطيك اسمها واطلعلك صورتها

الحمد لله على سلامتك يارا

يازين سوالفك اقر واضحك دمك عسسسسل

الله يخليلك البنوتة يارب

الأمورة ..

بالنسبة للفيتامينات سألي الدكتورة غريبة ما وصفولك أنا من أول الثالث وصفتلي الفيتامينات و ما عطتني الفولك أسد توقعت تعطيني من بداية الحمل بس ما عطتني شي غير الفيتامينات ...

يارا ..

الحمدلله على سلامتك : )
وش رايك تنصحين بالإبرة أو لا ؟ لأني محتارة المدوايف قالت لي أغلب الولادات عندنا ياخذون الإبرة و حيرتني زود !!

إلا بنات بسألكم عن السونار كم مرة سويتوه ؟؟

أنا بس مرتين ببداية حملي ؟ أنا مستغربة منهم و ودي أسوي ألحين أنا بنهاية السابع و ودي اتأكد من جنس الجنين لأني جهزت و خايفة يطلع غلط و ودي أتطمن على البيبي ؟ بس مدري عنهم ليش ما يسوون ؟؟