SilenT EmotioN :

متابعة ردودكم شي يفرح .. خخخ .. اتذكر ايامي قبل شهرين .. :p .. الله يسهل على كل البناات ان شالله ويقومكم بالسلامة مع النونو .. بنات اهم شي بعد الولادة اهتموا بالاكل اللي يدر الحليب ولا تفكرون بالحليب الصناعي من اول شي .. ترى الطبيعي فيه فوايد الدنيا للبيبي ويحتاجها ضروري مب موجودة في الصناعي ... الاكل اللي يدر الحليب : حلبة - فستق - تونة - سمك وربيان - اممم بعد شنو .. واهم شي الحديد ،، المد وايف حرصت اني آكل اكلات فيها حديد لان وقت الولادة نفقد حديد .. الاكلات اللي فيها حديد : فرااولة وبرتقال .. سبانخ .. وطبعاً الكالسيوم حليب .. تجنبوا الاكلات اللي تسوي غازات .. البيبي يتأذى حيل منها ... زيتون زعتر بقوليات سمسم مشروبات غازية ملفوف .. واكثر اثنين يسوون غازات البصل والبروكلي .. وللمعلومية.. مابي اخرعكم .. بس ترى اول اسبوعين تقريباً راح تلتهب الحلمات ومع مص البيبي يزيد الالم وااايد ... انا اول شي تعبت نفسياً وقلت مو معقولة ببقى على هالحال وماراح اتحمل وووو ... بس الحمدلله كنت اتحمل واتحمل .. ليما شفت ان الالتهاب يقل مع الايام وآخر شي رااااح الى الابد والحمدلله والحين البنوتة من ترضع اصلاً ولا احس بالم وولا شي .. ألف الحمدلله .. وكريم lansinoh اللي قالت عنه الاخت sunsun_micro .. ممتااااز جداً .. بس ترى ماراح تحتاجونه كثير ... انا الصراحة ماشريته .. عطوني اياه مجاني من ضمن الهدايا بالمستشفى .. اللي يجي مربع صغنون للدعاية .. واكتفيت منه الحمدلله !! بالنسبة للـ breast pads ... افضل نوع هو lansinoh كمان .. جربت جونسون وغيره بس ماكان يفيد .. كريم إلتهاب منطقة الحفاظ .. افضل نوع جربته ونفع معاي هو drapoline .. بنتي كان معاها التهاب فضيع .. استمر معاها فترة طويلة .. بس من بديت استخدم درابولين الحمدلله خف وايد ليما رااح .. بس اهم شي في البداية تستخدمونه ساعة ورا ساعة حتى لو البيبي ما بلل الحفاظ .. بس مجرد تحطون الكريم وتسكرون الحفاظ مرة ثانية .. لغازات البطن انا استخدم دوا infacol .. المد وايف تبعي قالت لي عنه .. للغازات والمغص الخ ... احس انه يفيد فعلأً .. بس كمان اسوي لها شراب اليانسون مع هيلة وحدة ... واضيف له حبة نبات للتحلية .. اممممممم .. بعد شنو .... حالياً هذا اللي في بالي ،،، اي استفسار يا بنات انا في الخدمة ان شالله .. :)

متابعة ردودكم شي يفرح .. خخخ .. اتذكر ايامي قبل شهرين .. :p .. الله يسهل على كل البناات ان...

Samar86 :

الله يباارك فيكم يااااارب وعقبالكم ان شاءالله ولدت في اخر الاسبوع الـ40 بعد موعد ولادتي بـ 4 ايام بالضبط بدا معي الطلق يوم الخميس الساعه 11 كاان خفيف مررره ومو منتظم حتى ماكنت ادري انه طلق صدقي المهم نمت الساعه 12 ونص وقمت من الالم على الساعه 2 يوم شفت هالالم عرفت انه ولاده خلاص << بدري :o تروشت بسرعه وصحيت زوجي وشنطتي واغراضي جاهزين وصلت المستشفى الساعه 3 وكان الطلق مرررره حامي بس سبحان الله مدري وش صار يوم حطيت رجلي بالمستشفى اختفى الطلق نهائيا معد احس بشي :06: الظاهر من الروعه ههههههه عاد ركبو لي الجهاز اللي يقوس الالم ومرره مافيه الم كشفو قالو مفتوح 3 بس وقالو لي بنرجعك لين يجيك الطلق مره ثانيه بس بنشيك قبل على البيبي وشيكو ع البيبي لقو المويه مره ناقصه قالو خلاص يالله طلق صناعي يوم قالو صناعي بغيت انهبل لأني والده بنتي اللي قبل صناعي ولا كان ودي اجربه مره ثانيه صراحه الطلق الطبيعي اهون بكثيرررر بس الشكوى لله حطو لي الصناعي وطلبت ابرة الظهر بس ماامداهم يعطوني اياها لأنهم اعطوني الصناعي على 5 ونص والساعه 8 ولدت الحمدالله سبحان الله انفتح الرحم بسرعه وانفجرت المويه وخلاص البنت تبي تطلع معد فيها كلام :p عطوني ابرة مسكنه عن طريق الظهر برضو بس مفعولها مو ذاك الزود بس الولاده صراحه كلام ثاني ماتحسين بالالم مع الناس اللي حولك ويشجعونك بطريقة حلوه ستف كاامل من الدكتوره للميد وايف للمرضات كلهم يشجعونك ويحطون لك مرايه عشان تشوفين البيبي وهو يطلع وتتحمسين وتدفعيين :o عاد انا صرت كني مشفوحه معد وقفت دفع ابد ههههههه يقولون لي وقفي لاتدفعين الا وقت الطلقه واشكل ولا كني اسمع خخخخخخ تحمست بزياده يوم شفت طرف راسها ودي اشوفه كله عاد هههههه المهم الولاده كانت مره روعه الحمدالله اكيد فيه الم اكذب اذا قلت مافيه بس الاجواء اللي يحطونك فيها تخفف عليك وطلعت البنت بالسلامه وخلو زوجي يقص الحبل السري لو تشوفونه وهو يقصه هههههههههههههههه بغى يجيب العيد طلعت موب انا لحالي اللي متحمسه :D المهم نجي للكلام الثقيل اللي ادري انكم تدورونه هم ماشقووني وماكانو بيخيطون بس انشق شوي اللي كان مخيط لي في ولادتي الاولى واضطرو يخيطونه بس غرزة الظاهر وصدقوني انا جربت الولاده بشق والولاده بدون شق كلهاااااا نفس الالم ماتفرق لاتتوقعون انها اشد الم بالعكس بالنسبه لي اللي بدون شق احسن بكثيررر .. لأنك ترتاحين بعدها من سالفة الخيووط وبلاويها :09: المهم بنوتي شافت الدنيا على الساعه 8 وخلوني ارضعها بعد الولاده وبعدين خذوها عشان انام وارتاح وخليت زوجي يروح ماله داعي يقعد وانا نايمه نمت تقريبا الساعه 10 وقمت الساعه 11 واحس شي يتفجررر من تحت ناديت النرس على طول جت وشافت الدم وراحت تركض واعلنو حالة ER وكلمو زوجي يجي وانا مفتحه عيوني مدري وش صاير بس استوعبت طبعا انه نزيف بعدها على طول الغرفه امتلت دكاتره ودكتورات وممرضين وانا هنا عاد مدري وش صااار :D بس يوم قمت شفت فوق راسي دكتور ويقول خلاص اذا ماوقف النزيف خلال نص ساعه بنسوي لها عمليه عشان نوقفه ونشوف وش السبب لأنهم استغربو ان النزيف جا بعد الولاده بكم ساعه والطبيعي انه يجي مع الولاده بس ربي رحمني من الجراحه والحمدالله وقف النزيف قبل الموعد اللي حددوه قالولي بننقل دم بس رفضت .. والحمدالله اموري الحين اوكي قعدت بالمستشفى يومين طلعت الاحد على مسؤوليتي لأنهم عيو يطلعوني وانا حامت كبدي من القعده بالمستشفى واحس اني كويسه بس هم موسوسين شوي .. والحمدالله الحين انا وبنووتي بخيررررر وسميناها الجوهرة .. مع اني مو مقتنعه فيه بالمره بس يالله لأجل عين تكرم مدينه :( ان شاءالله هي تحلي اسمها :D

الله يباارك فيكم يااااارب وعقبالكم ان شاءالله ولدت في اخر الاسبوع الـ40 بعد موعد ولادتي بـ 4...

bbmm :

انا في الاسبوع 39

انا في الاسبوع 39

SilenT EmotioN :

مبرووك ماياج اختي عالية وتتربى بعزكم ان شالله وجعلها من حافظات القرآن والصالحات .. :) sunsun .. Hiii .. nice to see some one talk in English here .. hope we can improve it :) every thing is fine with me and al7amdullah for that.. even it's my first baby & i'm alone here , but i did manage it well along with my husband, al7amdullah 3ala kulli 7al the midwife helped me alot, every time i faced a problem with my baby i called her & she gave me advices .. yea you were right, this is my first baby but u can say i have some experience from my sisters and mother ! i agree with u that the girls should practice breast feeding from now by doing some massage as my midwife said, and give it a warm shower for few minutes as for the cream, it sure deponds on the child as you said .. as well as the nappies honestly u didn't know about the baby's gas ?? d: ..... poor baby ..then i bet u were very tired with him crying all the time .. allah ysaberik dear.. then make sure u give the new baby the "Infacol" every time u feel he is in pain وكمان اليانسون والهيل ينفع :) how is every thing going on with u ? hope it's not hard on u since it's ur 2nd baby ?? what did u prepared for the 1st child after ur birth ? will he/she be fine since u we will be very busy with the 2nd ? do u have some one with u to help ? الله يسهل امورج حبيبتي ويقومج بالسلامة انتي والبيبي .. :) by the way , my nickname is Silent Emotion .. not moon .. ^^" .. it's allright, typing mistake

مبرووك ماياج اختي عالية وتتربى بعزكم ان شالله وجعلها من حافظات القرآن والصالحات .. :) sunsun...