السلام عليكم ورحمة الله وبركاته

اختى ام ادهم الف شكر لك على سؤالك وان شاء الله مش راح ابعد عنكم ابداااااااااا

وهزهاكم منى ومن كلامى وهحكلكم على كل حاجه جديده تحصل معايه

اختى ام شهاب المنتدى منور بوجودك فيه انتى وام ادهم والله انكم زى العسل

وربنا يسعدكم ويتمم لكم على خير يارب

وادعولى ربنا يتمم لي على خير لانى السنه اللى فاتت حملت فى توام وكان عمر الحمل 3 شهور

ولكن للاسف وقعت فى الجنينه ومكنتش عرفه انى حامل وفضلت انزف اكثر من 10 ايام فى البيت

ولما تعبت اوى وكنت حسه انى هموت رحت كشفت والدكتوره قالتلى انى كنت حامل فى توام وكل واحد

فى كيس لوحدو وواحد نزل والثانى لسه عايش فى بطنى بس للاسف الدكتوره قالتلى لازم ننزل الطفل

الثانى علشان الكيس الاول نزف على الكيس الثانى وممكن يجيلك تسمم حمل وفعلا سمعت كلام

الدكتوره وعملت العمليه والله انى اتبهدلت اوى وتعبت اوى اوى اوى

بس الحمد لله على كل حال

وانا دلوقتى خايفه اكون حامل فى توام وانا معرفش لانى لغاية دلوقتى معملتش اشاعه تبين الحمل








المهم انا طولت عليكم بموضوعى عملى نفسى امينه رزق ههههههههه

اختى saramshmsh

سمى عبد لله من احلى الاسامى وبيليق يعنى ابنك يبقى اسمو عبد لله وليد

اسم حلو اوى وراكب جدا يعنى ابنك بيكون عبد لله وجوزك كمان بيكون عبد لله

اسمعى كلامى واتكلى على الله وسمى عبد لله




ملحوظه لو ربنا رزقنى بولد ان شاء الله راح اسميه عبد لله على اسم عمو

فى بنتى ريم قلت لو جبت ولد هسميه عبد لله بس ربنا ماردش ليه ولد

وفى ثانى مره نفس الحكايه وجاتنى بنت

ودى ثالث مره وربنا يستر

والله يخليكم ادعولى دعوه فى ظهر الغيب ان ربنا يرزقنى ولد

وربنا يقومك بالسلامه انتى وكل العضوات اللى فى المنتدى وكل المسلمات

من مصريات وجليجيات وشاميات وكل بلاد الاسلام اللهم امين

السلام عليكم ورحمة الله وبركاته
اولا كل سنه ووانتم جميعا بخير يا رب والسنه الجايه نكون فى الحج ومعانا اولادنا
ثانيا اكيد الكل نسينى لانى يمكن دخلت مره او اتنين بس
علشان كده هفكركم بنفسى تانى انا سماء 28 سنه وده اول حمل لى بعد 7 سنين زواج بعد اراده الله سبحانه وتعالى وعمليه حقن مجهرى انا مقيمه فى الكويت لكن طبعا بعد الحمل فى مصر انا حامل دلوقتى فى نص الشهر السابع دعواتكم لى لان القلق مش سيبنى ابدا وقلق نفسى رهيب
انشاء الله نقوم جميعا بالسلامه ونقر عيونا بشوفة اطفالنا سالمين معافين
انشاء الله اتواصل معاكم دائما

صباح الخيرررررررررررررررررررررررر جميعااااا وكل سنه وانتم بخير وصحه يارب

سماء انا فكراكى ربنا يتمم حملك على خيررررررررررر يارب يابنتى سيبك من القلق لا هيودى ولا هيجيب عيشي حياتك وان شاء الله خير

عاشقه حمد ام ريم ربنا يرزقك بولد صالح بار بيكى وانتى وابوه يارب يكون سليم معافى ان شاء الله
خلى بالك من نفسك و ربنا يتمملك حملك على خير انتى وكل المسلمات يارب

تحياتى

سومه

صباح الخير عليكم كلكم
معلش غيبت عليكم شويه غصب عني بس محتاجه جدا جد\ا دعواتكم ليا انا أول امبارح نزل عليا دم وكلمت الدكتور قالي خدي حقنه لو مفيش حد يطلع البيت خدي برشام لغاية لما يجيلك حد الصبح وفعلا عملت كده وخدت البرشام والصبح الحقنه .
واختي كلمته تاني قالها لو الدم مش كتير تيجي وفعلا رحت بس قالي كلام مش حلو خالص عملي اشاعة مهبلية وقالي اني عندي (كيس بدون جنين) واني ممكن اكون حاسبه غلط والجنين لسه مظهرش في الكيسيعني استني 10 أيام لكن انام علي ظهري وماخدش اي مثبت ولو حاسبه كويس يبقي لازم أعمل عملية تنظيف فورا .
بصراحة زعلت جدا وعيطت وكلمت جوزي لأنه مكنش معايا قالي اعملي العملية فورا وكلمت ماما قالتلي يا بنتي نستي شويه ليكون في حاجه ونشيل ذنبها.
المهم نزلت من من عنده رحت لدكتور تاني انا عارفه انه برده شاطر وكويس ومجربينه في العيله
أولا : معملش اشاعه مهبلية عمل سونار من البطن عادي .
ثانيا :قالي الحمل كويس وحجمه متوافق مع عمره وناقص عن حسابك 4 أيام .
ثالثا : أخد مثبت
انا قلتله علي كلام الدكتور ووريته السونار اللي علي الرحم اللي الدكتور لسه عامله قالي يا بنتي ده ممكن يكون في بيبي ويظهر بعد شويه وممكن يكون مفيش فينزل لوحده بدل منا انزله واشيل ذنبه قلتله بس انا عندي شغل ولازم أروح قالي روحي بس متجهديش نفسك ولو منزلش دم نزيف تستني وتجيلي بعد 15 يوم ولو نزفتي تجيلي فورا .
أنا اسفه طولت عليكم هو ده اللي حصل معايا كله ومش عارفه أعمل ايه واسمع كلام مين وبصراحه مش قادره اروح لدكتور تاني واسمع كلام تاني واتلخبك أكتر نفسيتي زي الزفت .
الله يقومكوا بالسلامه كلكوا أدعولي ربنا يكرمن بالي فيه الصالح وكمان اللي تعرف اي معلومات عن موضوع الكيس اللي بدون جنين أو عندها روابط لمواضيع زي دي تقولي
وربنا يخليكوا ليا مش عارفه اقلكوا كنت امبارح بليل هتجنن وأدخل النت عشان أقلكوا