كل سنة وانتم طيبين كلكم وان شاء الله كلكم السنه الجايه معاكوا النونات وفرحانين بيهم

اولا كل سنه وانتوا طيبين وبالف خير يارب انتوا واللي في ارحامكم
شيري

ازيك وربنا معاكي خلاص هانت وحاتخلصي من حرقة الاعصاب دي ربنا يقومك يارب بالسلامه وتتكون ولادة طبيعيه وياريت تسلميلي على ادهم ربنا يخليهولك هو واخوه اللي جي قريب

كنزي
ازيك وازي البيبي اخبار حركته ايه دلوقتي واشتريتي البس ولا لسه

ام شهاب
ازيك وعامله ايه مع الضغط دلوقتي يارب احسن وايه اخبار البرد

ام جميله
انتي فينك وخبارك ايه مع البرد والحموضه يارب تكوني تحسنتي

نظرة عتاب
ازيك دا اول تعارف ما بينا يارب اشوفك على طول

حبيبه
طمنيني عليكي عملتي ايه

تعالوا.........................بقى اسمعوا اخباري


انا امبارح رحت للدكتور لاول مرة لاني كنت رحت من اول الحمل للدكتورة مرتين بعدين قلت لاء الدكتور الراجل اكثر كفائه من االست

تعالوا............................................. بقى اسمعوا قالي ايه
اول حاجه شاف التحاليل اللي كانت لسه طالعه والدكتورة ما شفاتهاش عارفين لما شاف التحاليل قالي ايه........................انتي عندك سكر

والصدمه التانيه لما كشف عليا بالسونار قالي الرحم فاضي قلتله ازاي دانا عامله تحليل دم وكان ايجابي قالي لسه مش باين حاجه رغم اني دلوقتي ليا حامل شهر وعشرين يوم

طبعا خرجت من عنده وحدة تانيه .................
المهم النهارده الصبح اتصلت على معمل التحاليل وقلت لدكتورة التحاليل اللي حصل قالتلي مش ممكن
لان سكر صايم 100
وسكر فاطر 150
داا ما يعتبرش عندك سكر.....................
قلت برضه اتاكد من حد تاني اتصلت بصيدليه وسألته قالي نفس كلام دكتورة التحليل
دلوقتي قولولي اصدق مين واعمل ايه
انا بفكر ارجع لدكتورتي الاولى واشوف رأيها
اه نسيت اقولكم انه حولني على دكتور سكر عشان اتابع معاه وكمان كتبلي على فيتاميننات رغم اني بعرف ان الفيتاميننات مش في الشهور الاولى

هااااا قولولي رأيكم وياريت كل وحدة تقولي على السكر بتعها صايم فاطر كان كام
ومعلش دوشتكم بخباري الوحشه
اعمل ادي الله وادي حكمته

فزدقه سلامتك ياقمر

انا حللت سكر من كام شهر صايم كان 73 وفاطر 110
بتهيالى 150 عالى شوية يابنتى بس على فكره صايم 100 عادى لانه لغايه 120 عادى
دة اللى افتكره
حللى تانى وبطلى اكل الحلويات وان شاء لله خير

وكل سنه وانتم كلكم بخير وصحه

صباح الخير على اجدع مدامات مصريات حوامل :26: :26:
كل سنة وانتم طيبين وربنا بعود علينا وعليكم الايام بخير :) :) :)
اخبار العيد عندكم ايه الواحد نسي خلاص بقالنا 4 سنين محضرناش عيد في مصر :(
يالله ان شاء الله هانت

مساء الخير على كل الحوامل المصريين
كل سنة وكلكم طيبين بمناسبة العيد وبمناسبة السنة الجديدة يارب تكون حلوة علينا كلنا


يلا شدو حيلكو وبكرة كلة يصوم وندعى لبعضنا ان ربنا يقومنا بالسلامة ان شاء اللة وبيبيهاتنا تيجى بالسلامة
بس اللى فى الشهور الاولى بلاش صيام عشان التعب