شرين ممكن اقولك شرين من غير مدام
الحقنة اسمها ابيدورال
وهي اوقات حتى بيستخدموها في الولادة القيصري بتكوني واعية بس مغطيين عنك بطنك
بس هي متعارف عليها في الولادة الطبيعي اكتر ومابتحسيش بأي الم بالعكس بتقدري بقى تحزقي مع كل طلقة ويكون عندك طاقة....
وهي مالهاش اي اعراض جانبية بس المهم انك تولدي في مستشفى نضيفة ودكاترة التخدير فيهم كويسين....
كنزي
دا انت زيي تمام في الموضوع دا انا كمان خللت في الحمل وخلصت التاسع وفي الآخر اخدت اللبوسة اللي بتفتح الرحم بس ما اخدتش طلق صناعي والولادة استمرت اكتر من 12 ساعة بس الطلق انا جالي فجأة كان كله وجع في ضهري ولما جالي ادوني الأبرة على طول
دكتوري اسمه ايهاب حسن عبد الفتاح
هو استاذ في عين شمس

ام شهاب
الله يعينك ياحبيبتي على الوحم دا يقرف معلش
بصي في ادوية مستوردة بتخففه وحقن زي شيرين ماقالتلك اسألي دكتورك
واتفضلي الأسم ياستي

صباح الخير بنات في احد الان ولا نايمين؟؟؟؟؟؟؟؟

السلام عليكم ورحمة الله

بنات انا متبعاكم من بدرى بس بصراحة مكسلة اشترك معاكو بس قولت يلا بلاش كسل ونونس بعضينا انا اسمى نورا وعندى ابنى سنة و4 شهور اسمة مالك مجننى وانا دلوقتى فى بداية الرابع وخايفة قوى علشان لحد دلوقتى مفيش اى حركة لاكن الدكتورة بتعتى بتقولى النبض تمام والبيبى الحمد لله بس معملتليش سونار بس ناوى اروحلها الاسبوع الجاى واعمل سونار علشان اطمن وبالنسبة للترجيع ربنا ما يورى حد الى انا فية اهــــــــــــــــــــــــــــــــــــــــــــــــــــــــــــــــــــــه ثم اهـــــــــــــــــــــــــــــــــــــه وطبعاً مع ابنى فا ويلى ويلين وعلى فكرة انا كمان بشتغل فلكم ان تتخيلو الى انا فية لاكن الحمد لله حالى احسن من غيرى كتير وناوية اسمى الى جى اذا بنت ان شاء الله مريم لاكن لو ولد ان شاء الله مروان ادعولى تكون بنت انا نفسى فى بنت اه اه اه الولد مجننى
ايه رايكم فى الاسميين انا قولت دى احلا اسامى تبتدى بحرف م واية رايكم فى اسم ابنى مالك حلو مش كدة
طولة عليكو لاكن انا قولة اعوض الفترة الى مشتركتش فيها

وصحيص كل عام وانتم وجميع المسلمين بالف خير بمناسبة الشهر الكريم


والسلامو عليكو

السلام عليكم اخباركم ايه متشكره اوى يامدام شيرين وياكنزى ومش عايزه انسى اسم حد انتم طمنتونى بس انا اول مرة اسمع عن ابرة الضهر ديه يعنى قسدكم ابرة الطلق والا ديه غيرها ومستشفى كليوباترا ديه فين معلش انا مش عارفها ومدام نورا ممكن تقوليلى بتتابعى مع اى دكتوره عنوانها وكل تفاصيلها لو سمحتى يمكن تكون قريبه منى

السلام عليكم ورحمة الله وبركاتة
دارين
صباح الفل والياسمين عليكي
صوت الكناري
الله يسلمك ويتتم حملك علي خير ان شاء الله