ازيكم يا بنلت وحشتونى لى مدة مدخلتش معلش سمحونى اصلى والحمد لله بديت الثامن عقبالكم كلكم وانا فرحانة انكم بتزيدوا شايفة وجوة جديدة ربنا يصبركم كلكم على الوحم ان شاء الله حينتهى قريبا و تبدا مشاكل الثقل والحركة
رمضان قرب حتعملوا اية حتصوموا ولا اية الدكتور قال لى ان الصيام حسب الضغط هو لاقاة واطى شوية بس ممكن اصوم الا حسيت بدوخة يبقى وطى اوى يبقى لازم افطر يا رب نقدر نصوم كلنا
امال فين الباقيين جودي وبنوتة الاسكندرية و ماهى انت فين وعاملة اية
نورا اسم ابنك جميل جدا وشيرين اسم ابنك ادهم حلو كنت عايزة اسمى ادهم بس مفيش ديموقراطية فى البلد دي كل ما اختار اسم جوزى مبيرداش بية كان ناوي يسمى بدر ودلوقت مصمم على محمود انا مش فارقة معايا بس معترضة لمجرد ان مفيش ديموقراطية حسالة على مالك يمكن يرضى
انا معنديش وقت كتير ولكن لسة مجبتش اللبس ادعولى ابطل كسل احسن اعملها وملقيش حاجة يلبسها بس اللى مصبرنى انى محتفظة بلبس اخوة بس عايزة اجبله حاجات تانية
ساحاول ماتاخرش عليكوا تانى

صباح الفل عليكم جميعاً وعوداً حميداً ياnourhane
lolookasha
ام جميلة
دارييييين
كنزى
ام ادهم
فينكم طمنونى عليكو عاملين اية
lolookasha الحموضة عاملة عميلها معايا انا كمان لو شربة بق مية او حتى من غير اى حاجة على طول عندى حموضة مع انى لسة فى بداية الرابع لاكن معلش ربنا يقوينا ويصبرنا ان شاء الله

lolookasha الف سلامه عليكى طيب مافيش حاجه تهديها شويه يعنى الدكتور ماقالكيش على حاجه تساعدك على كده ؟
nourhane انا كمان مبسوطه ان الملف بتاعنا بقى فى اول صفحه وياريت يفضل كده على طول اسم مالك حلو اوى ياريت تصممى عليه
العاملة بكتاب الله انا اهو ياستى عامله ايه واخبارك طمنينا عليكى
انا رحت عملت تحاليل امبارح ولقيت عندى نسبه انيميا والسكر منخفض والنهارده ان شاء الله هاروح للدكتوره تقولى اعمل ايه

السلام عليكم ورحمة الله وبركاته
احب ان اشترك معاكم
انا مصريه وكنت مقيمه فى الكويت من حوالى سنه ونزلت من فتره علشان عملية الحقن المجهرى والحمد لله نجحت وانا دلوقتى فى اول الشهر الرابع طبعا مقيمه دلوقتى فى مصر وزوجى فى الكويت ومش ناويه ارجع انشاء الله غير بعد الولاده
دعواتكم يا بنات لى بتكملت حملى على خير لان الوسواس مش راضى يسبنى والله يتتملكم حملكم على خير يا رب
ويرزقنا جميعا الذريه الصالحه المعافاه
وقبلونى اخت لكم

سماء ممطرة الف الف الف الف مليون مبروك على الحمل ومن قلبى بدعيلك ان يتتم لكى ايام حملك على اتم خير ويرزقك بذرية صالحة نافعة لوالديها والمسلمين
وخليكى دايماً مع ربنا صدقين لو قولتلك الى بيعملة فى ابنى والمواصلات والشغل هتستغربى لاكن ( قل لن يصيبنا الا ما كتب الله لنا ) فسبيها على ربنا

واهلاً بيكى فى تجمعنا