بنات
كل عام وانتم بخير
اجعلوا دا دعائكم الثابت في كل صلاة وعلى الفطار وفي كل وقت لأنه دعاء شامل
(اللهم انا نسألك العتق من النار والمغفرة ذنوبنا وحسن الخاتمة والجنة بغير حساب)
واسألوا اي حاجة تانية انتم عايزينها بس دي اول واهم دعوة
وجددوا النية وطفوا التلفزيون شوية في رمضان وخصصوا الوقت دا لربكم اعرفوه اكتر وحبوه دا انتم كل ما هتقربوا ربنا هيقربلكم اكتر........
وافتكروا ان من نعمة ربنا ان رمضان يعود علينا كل سنة يعني ربنا يبارك في عمرنا الى ان يبلغنا رمضان........

ازيك ياشيروووووووووو
كل سنة وانت طيبة رمضان وصل عندك الأول يابختك
ربنا يقدرك ياحبيبتي ويكرمك على صبرك ان شاء الله
دعواتك لنا في الفطار اوعي تنسي....
الا صحيح انت هتفطروا ايه النهاردة؟؟؟

والله انا ياشيرو عملت سمبوسك ولازانيا وورق عنب مع ماما وشيلتهم في الفريزر
اهم حاجة الشوربة عند جوزي واي حاجة تانية مش مهم......
ثواني احضر الأكل لجوزي وارجع
ربنا بقويكي ياشيرو وكل البنات على الصيام

نسيت
السحور عندنا فـــــــــــــــــــــــــــــــول

ازيك ياشيري
عملت اية في الصيام النهاردة انا كنت هموت من العطش وعمالة اشرب في مية ومش عارفة اكل خالص تخيلي ميتة من الجوع بس عمالة اشرب ومليت بطني مية
انا كمان كنت ناوية اعمل شوية حاجات علي الفطار ورجعت امبارح من برة متاخر تعبانة كنسلت معظم الحاجة وعملت محشي ورق عنب وشوربة مشروم وفراخ بروستد والسلطة وطبعا العصير والحلو التمر
لولو
الصيام عندكم بكرة جوجو هتعمل اية انت عاارفة كوكي مش عايزة تاكل عاملة صايمة
كل البنات عاملين اية ربنا يقدرنا ويقوينا في الصيام ان شاء الله