مكرر

بخخخخخخ طبعا لسة مولدتش والله الاستاذ ده مغلبني وطلع عيني من قبل ما يشرف والنهاردة كان عندي موعد قالولي لو مولدتيش لحد الخميس الجمهة هنعملك دخول ونولدك بطلق صناعي ربنا يستر والله انا من ساعتها وانا هموت من الخوف

نور ازيك يا جميل الف سلامة عليكي مالك شدي حيلك كدة والدكتورة مش عارفة بيت ولا ولد لحد دلوئتي جربي اعملي سونار في مكان تاني عشان تلحقي تجيبي حاجة النونا قبل ما تتقلي ربنا معاكي ان شاء الله

شيري ازيك يا قمر والله الظاهر ان الاخ زعلان عايز يروح مصر اهو هييجي غصبن عنه يوم الجمعة بإذن الله انا مش عارفة ايه العيال اللي جاية بالعافية ده ..... موتيني من الضحك على ابنك الجميل ده ربنا يخليهولك وهية فعلا شكلها زي اللبان بس كويس انك خدتي بالك وكويس ان جوزك خد باله قبل ما تتهوري زيي يختي همة كانوا متجوزين قبل كدة دول ولا ايه اذا احنا مش عارفين النوع المهبلي ده ههههههه رجالة اخر زمن ولو على الطبيخ مش عايزة اقولك انا غاسلة ايدي منه من السابع لان رجلي ورمت وفيها ماية مش بقدر اقف كتير وشغلي بيخلص الساعة 4 تخيلي بس جوزي ساكت يا عيني ومستحمل غلبانين برضه ... ربنا يخليكي على النصيحة انا مكنتش عارفة بس ان شاء الله بكرة انزل اجيبها واجيب الكريم

ام شهاب انتي اللي منورة يا قمر والف سلامة عليكي وعلى فكرة الموالح كمان موجودة في انواع فاكهة زي المانجا والجوافة والتين بتهيألي خدي بالك انا الموالح ملتلي جسمي ماية وورمت رجلي ربنا معاكي ان شاء الله

ازيكم يا بنوتات
شيري والله ما تزعلي اصلي بجد انا طهقانه اليومين دول ومش عايزه ازود همك
بالنسبه للشفاط والله عندك حق رهييييييييييييب بيريح كتير بس انا اول مره اعرف انه ممكن يخزن بالفريزر ل3 شهور
شيري
معندكيش فكره اذا حسيت ان اللبن ضعيف ممكن يكون ايه البديل ؟؟؟؟؟؟
انا كل ما اتزنق ادي لبن صناعي بس مش بحبه بحس بخاف منه
تفتكري الينسون والكراويه ممكن يكونوا البديل لماالاقي اللبن قليل
اصلي مش عايزه اشرب حلبه كتير لاني مش ناقصه تخن ههههههههههه
كنزي
سمسمه
مروه
ام شهاب
نورازيكم يا قمرات

ازيك انتي يا جميل انا الحمد لله بس هموت من الرعب من موضوع الطلق الصناعي ده ربنا يستر

لا متقلقليش يا سمسمه والله انا اخدته مرتين والحمد لله علي كل حال
صحيح مؤلم بس بتخلصي بسرعه