السلام عليكم ورحمة الله
مبروك لكل حوامل مصر
احب انضم لكم رغم ان دخولي النت قليلا جدا جدا يعنى الجمعة والاسبت اسبوعيا ولمدة قليلة
بس اكيد هكون متابعة لكم
حامل فالشهر السادس وعندي ولد وبنت وان شاء الله ربنا يكرمني ببنت تانية على حسب كلام الدكتور
انا من سكان التجمع الاول
مش بشتغل ووالدتي في محافظة تانية غير القاهرة وكذلك حماتي وعاوزيني اولد عندهم وانا محتارة طيب زوجى ومدرسة ابني ؟؟ ابني فسنة اولى
على ما يكون جه ميعاد الولادة يكون حلها الف حلال
قولولى اللى منكم بدأ يجهز مستلزمات البيبي جبتو ايه وجبتوه منين وبكام
وهتحطوا ايه فالشنطة معاكم
صحيح ان ولدت مرتين
لكن لانى كنت الحمد لله اكتفيت وقلت خلاص كدا فتخلصت من كل الحاجات اللى عندي ولسه هعيده من جديد
مش عاوزة كله اشتريه مرة واحدة علشان زوجى مايحسش بالعبء و كمان لسه مصاريف الولادة وغيره
قريت موضوعات كتير فالمنتدى عن شنطة الولادة وكدا لكن مستلزماتنا احنا يا مصريات مختلفة
وبصراحة حاملة الهم لو ولدت لوحدي بعيد عن والدتي مش عاوزة انسى حاجة

فحملى الاولاني الاستاذ بودي كان مشكلة ماكنتش عارفة حاجة كانت اول يوم فالشتاء والجو ممطر عادة المطر بيسبب لي مغص هههههههه كان طلق وانا معرفش صاحبتكم لفت نفسها بالبطانية كويس ولا كفن الفراعنة ونمت صحيت الصبح عندي مغص برضه
زوجي قالى انت اللى حاطه فدماغك قعدنا فطرنا وكان بيكلم واحد صاحبه على الموبيل انا بتخنق من الراجل دا لانه بيطول فالكلام فبنادي على زوجى وهو متخيل انى بغلس عليه علشان يقفل فجأة نزلت علامة الولادة طبعا ما انا عندي طلق طول الليل لكن النوم سلطان
قفل زوجى وكلم الدكتور الدكتور كان عنده مشوار وهيسافر قاله هى تعبانه بقالها قد ايه فزوجى قال من ساعة بس
الدكتور قاله قدامها للمغرب اكون سافرت ورجعت
بقيت مش طايقة نفسى الطلق سريع وانا عندى امساك ااقولهم عاوزة ادخل الحمام وزجي خايف يقولي لا نروح لماما وهى تقولنا نعمل ايه رحت للست حماتي والدتي فشغلها ومتعرفش
ولدت بعد مكالمة الدكتور بساعة ههههههههههه ربنا يهون ولادتكم ويجعلكم ساعة سهلة زيي ما سهلهالي
بس الموقف المهبب بقى انى كان عندى امساك واول الدكتورة المناوبة فالمستشفى جت تكشف عليا ربنا سهلها من عنده ومش قادرة اكتبلكم ايه اللى حصل افهموها انتم يععععععععععع

السلام عليكم
ميرسى ياام ادهم على ردك وازيكم كلكم ام شهاب شكرا انك افتكرتينى وداريين يارب تكونى بخير وسمسمه اخبارها ايه ونظرة عتاب والله انا خايفه من موضوع الامساك ده خالص بس بيقولوا فى حقنه شرجيه بس مش عارفه تتاخد امتى بالضبط

ميرسي ام جميله 2 لردك ودا قدر حاجة مرت ومش هتتنسى عبدالرحمن وذكرياته
يا جماعة يا ريت حد يطمنا على سمسمة ان شاء الله تكون قامت بالف سلامة هى والبيبي

هاى يابنات

نظرة عتاب نورتىىىىىىىىىىىىىىىىى الملف

مدام شيرين دايما منتظرين نصايحك واللله افدتينى في حاجات كتيرررررررررر بارك الله فيكى


كنوزة انتى فين ياقمررررررر لعل المانع خير يارب


بقيه البنات فينكم واخباركم ايه واخبار البيبهات ايه

ساره
ام جميله
ام يوسف
دارين

سمسمه يارب تكونى قمتى بالسلامه يارب


انا حاسه ان عندى اكتئاب وقرفانه من كل حاجه مش بطبخ خالص كله ديلفيري وقرفت حتى منه بقيت عايشه على الجبن والفاكهه
حتى الجبنه الدكتور بيقولى تاكلى قريش بسسسسسسسسسسسسس علشان الضغط مانع اى املاح خايف يجيلي تسمم حمل والله اتعقدت مرة يقولى سكر حمل ومرة يقولى وظايف كلى وتسمم حمل وضغطى طالع في العالى اوى معرفش ليه
وبطنى كبرت بطريقه مضحكة حاسه انى بقيت عامله زى البلونه المنفوخة ووشي متنفخ
الحمد لله بس ربنا يخلى البيبي بصحه كويسه مش مهم انا

سمسم

ازيكم ياحوامل عاملين اية
وحشتوني كتير كتير
ربنا يخليكو وشكرا لكل الي سال عليا واهلا بكل البناتقصدي الحوامل الجدد
ادعولي يابنات احسن انا نفسيتي زي الزفت وهموت من الرعب والخوف
انا كان عندي متابعة يوم الاربعاء الي فات وكانت نتيجة التحليل كمان هتظهر وطلع في سكر في الدم والنسبة عالية لحد ما والدكتورة حولتني علي المستشفي للمتابعة هناك الدقيقة
وكمان قالتلي ان الضغط عالي حاجة بسيطة وسالتها عن المخاطر الي ممكن يسببها السكر قالتلي علي حاجات مرعبة منها الولادة المبكرة والتشوهات والموت المفاجيء للجنينين والاجهاض
ومن ساعتها وانا هموت مت الرعب وعندي اكتئاب فظيع ومش عارفة اعمل اية
وكمان كوكي كانت باقلها 3 ايام تعبانة ودرجة حرارتها مبتنزلش وكل ماديها الدوا علي شان الكحة
والبرد ترجعة وطبعا الحرارة مبتنزلش وربنا ستر الحمد لله ويادوب النهاردة اتحسنت شوية الحمد لله