مساء الخير على كل الكروشات والوالدات تعبت من الغربه انا في الاسبوع 39 ومالي صوت من الخوف قاعده استنى الولاده
ادعوا لي يابنات الله ييسر لي شكلي باصير زيك يانور عيني بعوشر

كلي خشوع ربي يهون عليك ويسهلها وتكون طلوقك مثل شربه المويه
عقبال باقي الكروشات الى صحيح شفيكم الموضوع صاير دايخ محد حوله يالله حركو الموضوع شوي حطو صور شي من مشترياتكم للبيبي ولا حتى لكم انا اجرب الكاميرا الجديده علشان اصور فيها اعراضي وانزلها

السلام عليكم بنات شخباركم واخبار الكروشات
انا كنت منقطعه عنكم من التعب والحاله النفسيه كانت مررره
المهم ابشركم اللهم لك الحمد والشكر ولدت وجبت بنوته تززززززنن وماكله قلبي اكل بسم الله عليها
الولاده عندهم حلوه ومهتمين وطيبين والله وانا اخذت ابرة الضهر لاني امووووووووووووووت فيه وماخذتها في بكري اما ولدي الثاني فديته رفضوا يعطوني في السعوديه ومت وحييت علشان كذا قرررت اي ولاده لازم ابرة الضهر ربي موسع علينا ليش نعذب انفسنا >>>>>مانعطى وجهه

المهم بسالكم كيف نفاسكم بالغربه انا احسه صعب مره مره وبعدين انا مااحب اجلس تلاقيني اتحرك كثير وارحم زوجي اساعده واختي تهاوشني تقول ضهرك مويه وومدري وشش وانا اكل تمام بس اتحرك ارتب خفيف وولدي صغير سنتين ونص اغيرله البامبرز وملابسه وكدا وبس

الله يبارك للي وولدوا ووويهون يااااارب على اللي لسه شايلين ويفرحهم بالطفل المعافى يااااااااااااااااااااااارب

الحره الف الحمد لله على سلامتك وتتربى بعزك البنوته يارب
ايه الحال بيصير من بعضه لان عندي بنتي وشكلي بنفاسي بقوم وبشتغل لان زوجي مشغول وقت ولادتي الله يعين وتتسهل يارب

بالنسبه لي

افكر اسوي حنيني ومحلى ومصابيب وقبابيط وششبرك وصينيه كباب وخبز الفرن بدون خميره واحطه بالفريزر اذا زوجي مشغول بنزل من الفريزر واحمي واكل


بالنسبه للفطور سهل يابنات بيض مسلوق وحلاوة طحينيه وعسل وخيار وخبز بر وحليب الي يجي طازج بس احطه بالمكرويف

واذا زوجي ماعنده دوام الله لايهينه بعلمه على العصيد سهله مرره وسريعه يسويها لي ولا كبده مع اني مو مره احبها بس مفيده
ولا مقلقل لحم ولا خبز مفروك

الغداء مابي احط لي جدول لاني مزاجيه في الاكل مره فبخلي على حسب مو مشتهيه

بس تراه سهل يعني ممكن شوربه ولا مرق لحم ولا مكرونه ولا مرقوق واذا مشتهيين رز كلو الرز الاحمر لقيته بول مارت

الرز الحساوي مفيد ولا يطلع كروشه وهو نفس الرز الاحمر ^^


والماش لاتنسونه ممكن على شكل شوربه او مع اللحم تسوونه

العشاء انا احبه خفيف لو ثقلت ماقدر انام

انا جايبه اكياس الشواء

بنظف الداجاج وبخليه بالفريزر واقطعه عشان زوجي بسرعه يسويها يتبل الدجاج ويحطها بكيس الشواء مع شوية خضار

ممكن بنفس الطريقه احط سمك السلطه الخضراء مهمه جدا

قشر قهوه طول فترة النفاس والمشد لاتنسونه

لاتنسون ...

يمدحون الحليب بالفراوله للاامساك للاامانه ماجربت بس بجرب باذن الله ..

والعصائر الطازجه مهمه بس لاتكون بارده ..

عودي نفسك كل يوم تفاحه بقشورها تاكليها مفيده وتخلي البشره نضره

لان النافس معروف وش تصير بعد الولاده ورده ذبلانه :(

وكمان المهلبيه بالنشاء حلوه ..

المويه مهمه بس اشربيه بدرجة حراره الغرفه ..