فراشة وروعة وامل
الله يسهل عليكم وتقومون بالسلامة يا كريم
شموخ
الحمدلله ربي سلمك
صراحة اكشنك يخوف
وبالنسبة للنوم ربي يعين شكل لا احين ولا بعدين مافيه شبعة نوم
الله يسهلها بس
والرضااااعة وما ادراك مالرضاعة
اني شايله هم...ما ادري بعرف ولا بخبص الدنيا
وانت وحنين ماشاء الله زودتوها شوي :)
وصراحة محتارة بين طبيعي بس ولا اثنين معا
وسبحان الله بعد ما قريت خبر تسمم الطفل
قلت ان شاء الله يارب ما ادخل الصناعي
يارا
الله يهون عليك فترة حبيبتي وتعدي
انا والله احيانا تتعبني معدتي مع الحرقان
ولا ينفع معها شي
اضع يدي على معدتي واقرا الاية اللي (وقلنا يانار كوني بردا وسلاما على ابراهيم)
واكررها كثير والحمدلله تخف معي
طبعا هذا ماورد في سنة ولا شي بس اجتهاد من نفسي و القران كله شفاء

حبيبتي ملا الف مبروك البيبي
بارك الله لك فب الموهوب وشكرت الواهب وبلغ اشده ورزقت بره
عزيزتي ام يارا لا تحسي بالذنب ولا شي بالعكس كتر خيرك حبيتي تفيديني بس الايس كريم ماناسبني
بتصدقي ان من يومين صار عندي اسهال واقياء متلك بس الاسهال ماطول معي لان الامساك عندي عادة حتى قبل الزواج والحمل
بس انا وحامي اغلبه غثيان وكره للاكل والاشخاص والروايح والاصوات كمان بس الاقياء قليل كتير الحمد لله
اختي المسكينة ابنها عمره سنة وحملت بالغلط والاقياء دائم عندها الله يخفف عنك وعنها وعن كل حامل ومريضة
بالنسبة للرضاعة نصيحتي اللي تعبانة من الرضاعة تشفط الحليب وتعطيه للبيبي لاني عانيت نفس الشي وابني ترك صدري بعد ما عطيته الحليب الصناعي بكم يوم...لو كنت بعرف بقصة الشفاط كنت استعملته احسن ما يرضع حليب صناعي
بالنسبة للطلق الصناعي عادي جدا ومابيخوف وماله اي ضرر باذن الله بالعكس بيساعد على الولادة الطبيعية احسن من القيصرية بكتير..عن تجربة..واستخيروا الله اولا واخرا

ياقلبي والله كلامك مره ريحنــي وساعدني كثيرررررررر ،،
يعني على طاري الم الحلمه وتشققها زين اللي طمنتيني انا ع بالي بقعد طول النفاس يألمني ،،
بس اللحين الحمدلله لامسكت الصدر وبدت ترضع يروح الالم بس اول ماتمسكه واااي صررررعه
وانا اسوي اللحين زي ماتقولين كذا كل ثلاث ساعات اصحيها ارضعها من صدري طبعا واخليها 15 دقيقه
هذا كلام اللي جات تعلمني الرضاعه قالت لاتخليها اكثر من ثلاث ساعات لومابكت صحيها غصب..


يسلمك ربي ياغلاهم ،،وااا ياتعبت اول من جا ببالي انتي اقول ياقلبي عليك عمليه وبالقوه تتحركين منها
وعانيتي مثلي تغيير حفاض ورضاعه وحاااااااله،،الله المستعان بس ،،
كله كوم والم الظهر كوم ثاني كانه جبل فوق ظهري
ان شاءالله اليوم بجرب اعطيها صناعي لكن بخليه بس قبل النوم عشان تريحني ومنها تتعود عليه
لان احس صعبه علي برضعها طبيعي عند الناس وبرا البيت باماكن عامه
يصير لودرست بعدين تقدر تتقبله ع قولتك..

الله يسلمك خيتوووو ،،ويارب نفرررح فييييييييييك انتي بعد..



الله يسلمك خلود،،ممكن خيتو تقولين لي البلاستيكه ذي وين القاها او اسمها ؟؟
ان شاءالله بجرب امسح الحلمه بالحليب..


الله يسلمك ام ليان ،،اي والله يارب اكتب اجرنا،،اللحين انا احط المنبه كل ثلاث ساعات يصحيني
مع اني اصحى قبل يدق خخخخ من القلق ،،لكن يوم اكون صاحيه ازيد ع الثلاث ساعات شوي ولاتقوم ولاتصيح ،،اتمنى هي تصحى تبكي تصحيني لان المنبه دايم يقلقني مدري ليه:44:


هلا عيوووش
الحمدلله ،،لالالا انا كنت اقول مثلك الحمام يتعبني والام الحمل وظهري ومااتهنى بالنوم
لكن هذا كله ولاشي يصير بعد الولاده ،،اللحين انتي مع الحمل ع الاقل تنامين بدون قلق خخخخ
مابي اسد نفسك واقلقك بس بجد ترى تعب الحمل والنوم فيه مايتقارن بتعب ترقب الطفل ورضاعته وتغيير حفاضته ..!! تكفين نااامي زيييييييييين بالذات لادخلتي التاسع خزني خخخخخخخخخخخخخخخخخخخخخخخ

انا والله مالي خاطر ادخل الصناعي بس مادري ليه طبيعتي حياويه بقوه افكر بعدين كيف لوطلعت برااا مول اوعند ناس اومستشفى،،ياختي انحرج اطلع صدري قدام احد ولاحطيت شال اوغطا اوشي احس حالتي حاله ،،وافكر لومرضت لاسمح الله او درست وقتها وش اسوي اجلس اشفط ،،عشان كذا افكر اعطيها مره وحده بس قبل النوم عشان تتقبل وماترفض بعدين..

بنات انا بنتي رافضه الصناعي

والمشكله صدري ينشف ايام

غيرت لها الرضاعه وحطيت حليب وحطيت يانسون وسكر نبات بس ترضع شوي بعدين ترجعه

كله من زوجي الي رفض اعطيها صناعي :(

ش الحل ؟ وصادقه شموخ اذا بروح سوق ولا اقضي اغراض البيت ولا بمطعم وتجلس تبي رضعه

انا عطيتها من المستشفى صناعي عشان تتعود علىه بس بعد ماجيت البيت صار زوجي يرفض :(

بنات لاااازم الرضاعة الصناعية لو كم مرة في اليوم
أولآ الدكتورة قالت لي انها حلوة تكون مثل المكمل الغذائي يعني مع الرضاعة الطبيعية يكون طفلك مستفيد مرة بأذن الله
ثانيآ راحة لك وقت المرض وفي السوق في المستشفى في أي مكان ماتضطرين تدورين مكان تجلسين فية وترضعين لا
انا الحمدلله عودت ولدي على الثنتين من اول ما أصحى الصبح على طول طبيعي لين الليل ولما اطلع برا صناعي على طول أريح بكثييير

حنين حاولي مع بنتك لاتيأسين شوي شوي وبتتعود