أهلا وسهلا حبيبتي ومبروك الحمل
أنا هاذا حملي الثاني والعام اللي فات كنت أقول أنا بكريه بس خلاص ههههه ههههههه صرت عجوز
الله يهون عليكي يا عسل

السلام عليكم

اخباركم

مبروك للي ولدو وللي حملو من زمان مادخلت لان انشغلت بعد الولاده والحين باقي لي خمس ايام واطلع

دموعي جرووووح
حرررررررررام اللي تسوينه بنفسك وببنتك

ليش كل هالتشائم وين الايمان بالقضاء والقدر
تذكري الايه (( وعسى ان تحبوا تكرهوا شيئا وهو خير لكم ))

ما تدرين وين الخيره في اللي صاا لبنتك. حطي في بالك ربي له حكمته
مثل انه لو ما جاها وكانت تدوام عادي ممكن صار لها شي اشد من كذا
بسم الله عليه وربي يحفظها مثل تنصدم
وش تبين تنصدم ويصير لها اعاقه دائمه والا مرض عادي مده بسيطه وتطيب باذن الله
بعدين ما عليك من كلام الاطباء

هالمرض قد بنات عمي ومو كلهم على انهم بنفس البيت
وحتى كانوا يزورونا والحمدالله محد فينا تعادى منهم وفعلا هو يروح من نفسه
الا عاد كانهم اللحين طلعوا له علاج
حطي على فمها طحينه السايله وقدامها العافيه
اقري عليها

حرام عليك تحسسينها بانها مريضه مرض معدي وتنحجر في غرفتها
شوي يا قلبي اللي كاتبه ربي بيصير. انت بس توكلي عليه وهو باذنه سبحانه بيكفيك همك

بعدين تعالي وش هالتشائم وانه بيجيك اكتئاب
ابشرك من اللحين فعلا بيجيك اكتئاب. نفسي توهمي
لانك من اللحين حاطه في بالك هذا الشي

هذا ابتلاء من رب العالمين ومقياس لدرجه ايمانك وين التفاؤل وين حسن الظن بالله

الله سبحانه يقول في الحديث القدسي
عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .رواه البخاري و مسلم

تعوذي من ابليس شاف ظروفك صعبه ولقاها فرصه ولعب براسك لعب

وبنتك من الومها يومها ما تاكل ولا تشرب وهي تشوف امها قدوتها منهاره وبس دمعتها على خدها
ما تدرين وش تفكر فيه ترى الصغييير حسااااس
يمكن تقول خلني ما اكل عشان اموت شكل مرضي مخوف اهلي وما يبوني
والله من جد لا تحقرين تفكير الصغار
عادي خليها تعيش معكم طبيعي وتقعد معك وباذن واحد احد انت بس وملي امرك له
مو جايك ولا جاي البيبي اي شي
ترى ثلاث ارباع العافيه من النفسيه

وهذا كلام علمي مثبت وشوفي نتايج خصوصا امراض الكانسر الله يحفظ الجميع منه

اذا النفسيه كويسه الجسم يستقبل العلاج ويتجاوب معه اسرع
فما بالك بامراض عاديه ومنها مضاعفات

الله يفرج همك ويوسع صدرك بعافيتك وعافيه بنتك
معليش قسيت عليك يمكن تقولين ما عاشت ظروفي وجت تبربر علي

يا عمري والله الدنيا شقاء ومحد عايش مرتاح وكلا يقول همي اكبر هم
وكل هذا لاننا ما نتوكل على الله حق توكله
ننسى حديث رسولنا الكريم محمد صلى الله عليه وسلم(( لو انكم توكلون على الله حق توكله لرزقكم كما يرزق الطير تغدو خماصا وتروح بطانا))

بنتك اقري لها في مويه او مثلا زيت زيتون. وامسحي فمها فيه تفائلي تفائلي تفائي
وبتشوفين كيف امورك كلها بتجتازينها بكل يسر وسهوله

يالله ياكوكه كلامك يشرح الصدر ويريح البال ماشاءالله عليكى الله يسعدك يارب ويرزقك من فضله ماتتوقعين كيف كلامك ريحني مع انى مالى دخل بالسالفه بس اختك بالله جاينى وسواس وخوووف وتوتر مو طبيعى اول مره يمر على بحياتى سبحان الله يمكن من هالجوو التعيس اكره الليل الله يعديها على خير يارب

تصحيح للآيه الكريمه(( وعسى ان تكرهوا شيئا وهو خير لكم))

استفغرك يا ربي خطأ كتابي كنت باكتب الايتين مع بعض وخليها على الجزء هذا بس
ونسيت امسح (( تحبو))

اختي الحره
الل تمرين فيه عادي وطبيعي وثلاث ارباع المغتربات ان ما صار كلهم جاهم نفس شعورك
وانا منهم
جاين من مكان بيوتنا باذن الله فيها امان والجو الايماني كل كم ساعه نسمع صوت الاذان والقران

نسمع من يرد لنا الصوت بنفس لغتنا

جينا هنا كل شي اختفى مره وحده
لكن يا قلبي انا الوقت اللي مريت فيه بهذا الاحساس كنت اشغل سوره البقره
اول يومين سبحان الله احلام مزعجه
وبعدها جتني راحه والحمدالله خف التوتر كثير

كل ما حسيتي بخوف شغلي قران وخليه
ولا تفكرين بانك خايفه او توهمين نفسك وتربطين بين الليل والخوف
خلاص انت باذن الله قاريه الورد
توكلي على الله ما راح يطولك اي شر ان شاءالله

معليش بنات التجمع قطيت معكم قطه مالها سنع
بس زميلتي بتولد ومالها خلق عالنت فدخلت عشان استفيد
واقدر افيدها بالمعلومات اللي اقراها منكم

الله يثبت حمل الجميع
ويقومكم بالسلامه انتم واجنتكم