safyfood @safyfood

عضوة

حواوشي او عيش باللحمة تعالواااااااوشوفواااااا والله مش حتندمواااااابدااااااااااا

اللحواوشي هي اكلة مصرية ايضا
واحنا دايما بنعملها في عيد الاضحي المبارك
باعتبار انه عيد لحمة
اعاده الله عليكم وعلينا وعلي الامة الاسلامية بالف الف خير يارب
وعلي فكرة هو برضو من الاكلات السهلة جدا اااااا والتي تتميز بمذاق حلو جدا ويارب يعجبكم بس لازم تجربوه كلكم علشان هو فعلا من الاكلات الخفيفة والجميلة جداااااااااااا

المقادير ::cook:
1/2 كيلو لحمة مفرومة
3بصلة متوسطة مفرومة
2فلفل اخضر مفروم
1كوب برغل منقوع في الماء لمدة 12 ساعة
1 علبة زبادي
ملح/ فلفل /جوزة الطيب/ بهارات
عيش اسمر (مصري) ممكن استبداله بالعيش اللبناني بس انا مجربتهوش بالعيش اللبناني
وعدد العيش متروك لكم علي حسب حجم العيش في كل بلد لانه بيختلف من بلد لاخري
الطريقة ::21:
1- تضعي اللحمة المفرومة في طبق وتضيفي اليها البصل المفروم والفلفل والزبادي والبرغل بعد تصفيته من الماء كويس جدا وكذلك تضيفي التوابل وبعد كده تتركي الخليط يتبل لمدة 6ساعات في الثلاجة لانه كل مايترك اكثر كل ما يحلو بس بشرط يكون في الثلاجة
2- تشقي العيش شقة بسيطة من فوق كانك حتعملي سندويتش بمعني ان العيش لا ينفصل عن بعضه علشان تحشيه باللحمة المفرومة
3- بعد ما تشقي العيش تضعي اللحمة في اللعيش وتوزعيها بداخله
وكمية العيش هنا متروكة لكل واحدة لان حجم العيش بيختلف عن بعضة فممكن هذا المقدار يعمل 5 ارغفة عيش وممكن يعمل 3 ارغفة يعني علي حسب كمية الحشو وحجم العيش
4- بعد الانتهاء من الحشو تبللي ايدك بقليل من الماء وتمسحي بيها علي رغيف العيش وهكذا حتي ينتهي المقدار
5- تحضري طاسة او صنية وتضعيها علي النار بشرط ان تكون النار هادية جدا يعني توطي البوتاجاز عليها زي ما بتسوي الارز علي نار هادية وتضعي فيها قليل من الزيت ثم تضعي العيش(الحواوشي)وتغطيه كويس جدا وتتركيه لمة 10 دقائق حسب ما يستوي
ثم تقلبية علي الناحية التانية علشان تستوي هي الاخري
وهكذا حتي ينتهي المقدار ويحمر العيش من الجانبين وتستوي اللحمة
وماتخفيش اللحمة حتستوي وحيبقي طعمة جنان جداااااااااا
6- بعد مايستوي رغيف من الحواوشي ضعية في كيس نايلون علشان ما ينشفش منك وخرجيه عند التقديم
ويقدم ساخن مع سلطة الزبادي او سلطة الطحينة
وبالهنا والشفا لكم اخواتي]:23::23::23: :21:

يلزم عليك تسجيل الدخول أولًا لكتابة تعليق.

تسجيل دخول

ام علاء • 21 سنة

الله يعطيك العافيه عزيزتى اsafyfoo القمرررررر

وتسسسسسسسلم الايدين ياسكررررررره

والف شكر على مشاركتك اللذيذه

وننتظر المزيد يا حلوووووووه

تحياتى
:21::21::21:

روشه طحن • 21 سنة

الله الله الله الله ايه الحلاوه دى طريقه جديده عليا وباين عليها رووووووووووووعه تسلم ايديك يارب مانتحرم من طبخاتك الحلوه
ههههههههههه كل شويه ااقولك انقل الاكلات فى ملف الطبخ المصرى طيب ما تيجى تنورينا وتتحفينا بطبخاتك الحلوه ياعسل

Traudel • 21 سنة

تسلم ايدك safyfood:23: بس ممكن اللف السندويتش في ورق المونيوم ثم اضعه في الفرن بدل مااسويه في الطاسة. شكرا لك

safyfood • 21 سنة

صباح الورد والياسمين عليكم احبائي انا اسفة جدا للتاخير
حبيبتي ام علاء متشكرة جدا علي كلامك الرقيق وتشجيعك المستمر دايما ليا فعلا اخجلتم تواضعنا
وجزاكي الله كل خير:24::26:
*******************************************************************
عزيزتي روشة طحن منورة والله :26:
طبعا انتي مش غاريبة وياحبيبتي انقلي الاكل اللي انتي عايزاه مفيش اي مشكلة في الموضوع ده
وزي ما قلتلك ان هذا فخر وشرف لي وانا ان شاء الله حزور الملف اللي انتي عملاه للاكلات المصرية
وما شاء الله علي ابنك ربنا يخلهولك ويطرحلك فية البركة وتشوفية دكتور ان شاء الله :24:

*********************************************
عزيزتيTraudel انا سعيدة جدا لمشاركتك معنا في عالم حواء وان شاء الله حتكوني مبسوطة جدا معانا لاننا كلنا اخوات وان شاء الله تقدملنا اكلات جميلة بمشاركتك معنا :24:
اما بالنسبة لسؤالك
مفيش مشكلة ينفع جدا انك تلفي العيش في ورق الامونيوم وتضعيه في الفرن مفيش مشكلة
بس الطريقة اللي قلتلكم عليها هي اسهل من وضعه في الفرن واسرع كمان
علي العموم بالهنا والشفا :26:
وانا في الخدمة

روشه طحن • 21 سنة

تسلمى يا قمر على الكلام اللى فى منتدى الرقه ربنا لايحرمنى منك ياقمر ربنا يخليكى على الدعوه الحلووووووه وانشاء الله ربنا يفرحك باولادك ويسعدك يارب:24: :26: