كم لك سنه وقفتي حوبتك يعني بعد كم سنه شفتي حوبتك
انا لي 8 سنين وللحين ماشفتها والمشكله دعاي مايستجاب والظلم مستمر عليه

لا تظلمنَّ إِذا ما كنتَ مقتدراً فالظلمُ مرتعُه يفضي إِلى الندمِ
تنامُ عينكَ والمظلومُ منتبه يدعو عليكَ وعينُ اللّهِ لم تنمِ

نعم شفتها ومع ذلك يشهد الله اني ندمت على الدعاء وتحديد العقاب تمنيت اني قلت حسبي الله ونعم والوكيل وفوضت امري لله يعاقبهم كيف ماشاء
تزوج زوجي على من أجل الأطفال وطبعا رفضت اني اتواصل مع زوجته ورزقه الله منها اطفال كانت مع كل حمل لازم تسوي حركه عشان اعرف بأنها حامل لان زوجي مايبلغني الا اذا رزقه الله الطفل ومره مقاضي مولود ومره اشعه وكنت صابره وغالبا نتهاوش مع زوجي بانها لم تقصد ونست الغرض عنده اخر مره قبل تسع شهور تحديدا وجدت لها تحليل حمل وتهاوشت مع زوجي واتهمني كذب ودعى علي اني ادور مشاكل فقمت من حرقة قلبي قلت يارب يحرق قلبها على الي ببطنها زي ماحرقت قلبي وكررتها كثير وحصل خلاف قوي بينا لانه ثار وخاف وبعد تسع شهور حمل وتعب الحمل وضعته ولاده متعسره ثم عمليه ويومين وتوفى يعلم الله اني ماكنت اتمنى لها هالشي لكنها حرقت قلبي بشي مو بيدي ولاهي شطاره منها رزق من الله يوزعه على عباده وعشان كذا اقولكم يابنات المظلومات لاتحددددون قولو حسبي الله ونعم الوكيل فقط

اعرف حرمه تشمتت ببنت فيها مرض اثر على شكلها وجمالها وتقول بضحك هذي مين بيتزوجها؟؟؟
والبنت تسمعها وانقهرت وانكسر قلبها قدام البنات اللي بعمرها 💔💔
وبوقتها دعت ان الله يبتلى اعز بناتها بنفس المرض والله انه المرض صاب بنتها الصغيره وكانت اعز واغلى بناتها على قلبها والى الان ما احد خطبها
الله يغفر لنا ويرحمنا ويكفينا شر ألسنتنا
ويكفينا شر اعمالنا ولا يجعلنا من الظالمين

اول شي الشماته شينه
ثاني شي احذري ظلم الناس او الاستهزاء بمصايبهم
لان كما تدين تدان والله بالمرصاد
؛؛؛؛؛؛
بذكر بعض قصص شفتها
١- اعرف وحده كانت وهي بنت صغيره في العطشات تستهزيء باللي يتأخرون بالزواج وتقول عنهم عوانس عمرها الحين على اخر الثلاثين ولا تزوجت
٢-اعرف لكم وحده كانت تغير. من وحده من جماعتهم غيره شديده وتشك فيها انها تكلم زوجها. ودعت عليها البنت المظلومه ان زوجها يتزوج عليها ويفضحها ربي لانها إذتها وزوجها تزوج عليها وطردها من البيت اللي هي مشتريته. بفلوسها والنَّاس يتهمونها بالسحر
٣-اعرف وحده اتهمت زميلتها اللي كانت تركب معها في نقل واحد يوديهم الكليه انها تناظر في زوجها وتكلم قدام البنات ان البنت هاذي مو محترمه تناظر في زوجها والبنت مظلومه ولا جابت خبر زوجها ودعت عليها ان زوجها يتزوج عليها وتزوج زوجها عليها فجاءه وبدون سبب وهي الحين مرميه عند اَهلها
٤-وكمان اعرف وحده لها صديقه تغير منها. ولدها مات بحادث قالت احسن تستاهل ومع كذا راحت تعزيها وهي فرحانه ان ولدها مات بعد سنه مات ولد الثانيه اللي كانت فرحانه بنفس طريقة ولد الاولى بالظبط جت في ولدها المسكين لكن هاذي تابت وندمت من كل قلبها
٥-وحده طلقت زوجة اخوها وزوجته وحده ثانيه. بعد فتره الأخت طلقها زوجها وتعيش في بيت وحيده مع عيالها نفس طليقة اخوها
٦- برضه وحده فرحانه ان ولد جيرانهم انسجن غيوره على هذولي الجيران وتشمت فيهم بعد فتره انسجن اخوها بنفس تهمة ولد الجيران وبطريقه غير متوقعه
وكثير قصص فيها عبره وانتقام من الله احس طولت
وحسبنا الله ونعم الوكيل فيمن ظلمنا
انتبهو من الظلم والشماته بسرعه ترجع على صاحبها