حبيبتي فرقي بين الشماته وبين تقصين لاخذ العظه والعبره


كيف عرفتي قصص الامم السابقه كيف اخذهم الله بظلمهم
والصحابه والانبياء
كيف عرفتي قصة ابولهب وزوجته هل كان الرسول يتشمت
لا هذي قصص لتعرف كل وحده تتظلم احد انه حق المظلوم بين يدي الله عزوجل في اي لحظه راح ياخذ حق المظلومه وينصره

قال رسول صل الله عليه وسلم- عن دعوة المظلوم: (تحمل على الغمام يقول الله جل جلاله وعزتي وجلالي لأنصرنكِ ولو بعد حين) رواه الطبراني وصححه الألباني

حبيبتي القصتين ماحبيت اطول وسترسل عشان ماحد يدري
لان القصتين معروفه عند اللي حولي

مو لازم يالغاليه تفهمين قصتي سمكن حاولت اني اوصل بس ماقدرت لان السالفه الاولى لو اكتبها صارت طويله من اول السالفه لاخرها
اما ربط ماربط زي ماتقولين ماقدر اقولها كلها اخاف احد يقرب لي يعرف وانا مابي انشر كل سالفه فحاولت انقص عشان ماحد ينتبهه من اقصد

الثانيه سالفه كبيره برضو ولو كتبتها بحذافيرها صارت طويله وبرضو نقصتها ولا لو قلتها كلها صارت قصه من طولها

الظلم اللي صار لي مو هذولي السطرين اللي كتبتهم لكم هم طويلات وسالفه طويله بس ننقص عشان ماتوصل لاحد من معارفي لان القصتين ذوليي معروفات عند كل معارفي

وحده تقرب لي مسكينه ع قد حالها وجمعت لحد ما بنت بيتها والبناي اخذ منها زيادة مبلغ ولما درت كلمته قال ما بيرجع الزايد وهي محتاجه للفلس، قالت حسبي الله ونعم الوكيل لو كنت ظالمني وان شاء الله تصيبك رصاصه في يدك اليمين ، والله وثلاث ايام والرجال يدور لهاذي الحرمه يستسمح منها ويده مربطه بضماد من بعد الرصاصه ، سبحان الله.

جدتي ام ام
كانت ارمله وعمياء وعندها ثلاث اطفال ولدها يلعب مع الاولاد بالشارع وتضاربوا عادي زي اي هوشة اطفال
دخل على امه خايف الا عمه لاحقه يبي يضربه ويدخل لبيت جدتي بدون استأذان وتجي جدتي تصده تقول وشدخلك بين العيال صغار ويلعبون قال ليش يضرب ولدي
قالت لاتتدخل بينهم وبزران يتصافون مع بعض قال الا ابضربه خليه يعرف قالت لا ماتلمسه هذا يتيم
ويدز جدتي وتطيح على يدها وتعورت ويضرب ولدها ويطلع
وتروح جدتي تشتكي عليه عند القاضي قال تكذب ماضربتها ولا لمستها ولا قربت لها قالت دخل بيتي ولا قال البيت له حرمته ودزني وعورني وضرب ولدي المهم القاضي قاله انت سويت كذا انكر قال حط ايدك على القران واحلف بالله انه ماصار شي من اللي قالته وحلف
بعد سنه بنفس التاريخ والوقت اللي حلف فيه على القران
كان يصلح مكيف مسكه الكهرب وضربه بالجدار ميت


جدتي ماتجي احد وملتزمه ومتدينه كثير يظلمونها لانه مسكينه مالها احد وضعيفه


ومره وحده من بنات خواتها ظلمتها اتصلت عليها قالت انتي تكلمتي بفلان وقلتي كذا وكذا وجدتي تقولها يابنيتي مايجوز تتهميني والله ماتكلم عن احد وجدتي الله يجعلها بصحه وبسلامه معروفه طيبتها ودينها ومعروفه ماهي راعية حكي بفلان وفلانه يحبونها الناس من طيبتها
المهم اتهمتها انها هي قالت الكلام وانك انتي تنقلين الكلام قالت عساي لو انا انقل كلام زي ماتقولين اني مامسي الليله الا ميته وان طلعتي كذابه الله يحرمك كل خير تتمنينه
البنت كل ماحملت يموت من بعدها ك ماحملت يموت وكبرت بالسنه ولا معها اطفال وزوجها طلقها وصارت وحيده بيت اهلها متوفين والدينها واخوانهت وخواتها كلهم متزوجين اتصلت على جدتي تطلب منها تسامحها وانها كذابه وظلمت جدتي واني ندمانه ومن الكلام جدتي سامحتها ودعت له بس مادري البنت لحد الحين زي ماهي عليه لاحول لاقوة الا بالله




بس ودي ادري ليش اذا سامحنا من ظلمنا من كل قلوبنا مايرجعون زي اول وتتعدل حياتهم
طيب من قلبي سامحت وادعي بصلاتي بسجودي لهم وش السوات اقول يمكن مو بس انا الشخص هذا ظلمني يمكن احد ثاني ظالمه يمكن هو ماسامحه بعد
والله اعلم يارب
يارحمن
يارحيم
احمينا من انه نكون ظالمين
اللهم لاتجعلنا ظالمين ولا مظلومين

انا انتظر النصرة من رب العالمين
فهو حسبي وكفى