حورية الدعوة تعالي أقوللك عن تتبيلتك للدجاج

انا ما أدري كيف اشكرك
والله تهبببببببببببببببببببببببببببببببل
جننتني هالتتبيلة
انا سويتها في اليوم اللي نزلتيها فيه على الغدا طبعا>>>>>>>>>>>>>>شفتي كيف التطبيق السريع:42:
والله من حلاتها قاعدة ادور على جلد الدجاجة علشان الحق الطعم الخيال:hahaha:
الله يسعدك يا أختي ويفرج همك ولا يوريك سوء
اللهم آمين
ولا بعد حلاتها ان مقاديرها جدا بسيطة
والله يا غالية جربت تتبيلات فيها مقادير كثيرة وكانت حلوة وكلها ماخذتها من هالمنتدى الله يعطيهن العافية لكن
مثل تتبيلتك ما ذقت روعة
وفي النهاية الناس أذواق
انا كنت ناوية ارد في نفس اليوم بس كنت طالعة عند أهلي
وتقبلي شكري الخالص
وهذي تتبيلتك
(((((((((((المهم مااطول عليكم ابكتبلكم طريقتي في تتبيل الدجاج وشويه بالفرن وطبعا" هي طريقة الوالده ومعتمده عندي وقسما" بالله كل من يذوقه يعجبه حتى زوجي صار يحبه واااااااايد ويطلب مني اسويه

وطبعا" تقدرين تقدمين معاه بطاط مقلي ومايونيز وكتشب مع الخبز او تقدرون تسوونه مع ارز ابيض مشخووول وتحطون فوقه بصل مقلي بزيت وبطاط وباذنجان وكوسا وزهره وجزر كلها مقلي وطبعا" هالاضافات على حسب الرغبه وممكن تضيفين اضافات من عندج ع العموم انا زوجي مايحبني احط ع الارز الا بطاط وبصل مقلي لانه مايحب باقي الخضروات

اليكم الطريقه


اولا" تاخذين لج دجاجه وتغسلينها وتنظفينها عدل ثم تقطعينها نصين وتسوينها فيها فتحات بالسكين اي بواسطة السكين اعملي شقوق حاده في قطع الدجاج ( انا بالنسبه لي اسوي ثلاث فتحات فتحه بالرجل وفتحه بالفخذ وفتحه بالصدر )

ثم تحضرين وعاء وتخلطين فيه ( عصير ليمونه وملح _ انا اكثره شوي_ من ملعقتين الى ثلاث ملاعق كبار معجون طماط وم. ص _ حقة الحلا_ بهارات مشكله مخلوطه مطحونه _وملء الغطاء خل _ وشوي كركم تقريبا" نص م.ص ) ونخلطها بالملعقه لين تصير شبه سائله

ثم تتبلين الدجاج فيها زين وتخلينها من ساعه الى ساعتين واذا كنت مستعجله ممكن تخلينها 45 دقيقه ثم تدخلينها الفرن ويكون ظهر الدجاجه لتحت واجزاءها الداخليه لفوق وتشغلين الفرن من فوق فقط وتخلينها على هالوضع لمدة عشر دقائق او ربع ساعه ثم تقلبينها وتخلينها ربع ساعه ثانيه وبهالوقت احتمال تكون استوت اذا ماستوت نخليها لين تستوي ثم نقلبه عشان تتحمر من فوق ( والفكره من تقليبها عشان ماتحترق لاني كنت اخليها على وضعيه وحده لمدة نص ساعه اي لين تستوي فكان لونها يصير غامق )

وبالهنا والعافيه))))))))))