لما تجيك دعوة الى حضور حفل زفاف لاحد الاشخاص,,
فان الحريم في المنزل يعلنون حالة الطوارئ في اليوم الموعود
فتلقاهم صافين طابور عند باب الحمام..من اجل اخذ دش بارد
<<<لانهم مؤمنات بالقاعده الفيزيائية
التي تقول:ان الاجسام تتقلص بفعل البروده
***************
ثم يهبون الى غرفة العمليات فتحصلهم ما يخلون مرايه في حالها,,
فتلقى منيره عند مراية التسريحة تتمكيج
و خلود عند مراية الدولاب تركب عدستها
و رقية عند مراية المدخل حق البيت تستشور شعرها
و فاطمة محتاره اي فستان تلبس
و كل ما اختاروا لها فستان..قالت:لا...قد شافوه على
و رغد تترجى اخوها:تكفى ود فستاني للمغسله
و قول لهم يخلونه مستعجل
و ابتسام متوهقه ما لقت الحلق اللي يناسب لون فستانها
و شوق تقول لاخوها: تكفى مر على جارتنا
و خذ من عندها الاكسسوار التفاحي
و هنوف...انفرط سحاب فستانها..و تبي الخياط يصلحه
<<<<<من السمنه الزايده
*****************
و صجه...و لجه...و حوسه
و كلهم في سباق مع الزمن
(يا عيني عالرجال..ثوب و شماغ..و انتهت السالفه)
******************
و يركبون السياره بعد ما انبح صوت ابوهم و هو يناديهم
و بعد عناء طويل يوصلون الى القصر و يدخلون
*******************
و من يوم تبدا الطقاقة بقرع الطبول
يتوافدون الى المسرح..و شف الرقص كيف
اللي تحط رجلها من شرق المسرح الى غربه و لا احد يدري ايش بلاها
******************
و تعال شفهم اذا غنت الطقاقة(يالتكسي)
و قالت:و خذ يمين و بعد يمين..
تلقا الحريم فعلا ماخذين اللفه يمين في يمين
<<<<<<من غشامتهم..يتصاقعون في بعض
****************
و الوناسه اذا قالت الطقاقة:(رقصه خاصه لاهل العروس)
تلقاهم يستعجلون اذا قالت:(كل آل"فلان"خياله)
<<<<و هم في الحقيقة..لم يركبوا حصانا قط..بس يالله لزوم المدح
اتمنى عجبكم الموضوع
منقول
يلزم عليك تسجيل الدخول أولًا لكتابة تعليق.
احلى نوارة
•
مكرر
الصفحة الأخيرة