(حوستي في جدة تاج توج وشلته)

السلام عليكم ورحمة الله وبركاته
طبعاً لأول مرة اكتب بهالقسم من حماسي قلت بفضفض واقول تجربتي وهي خاااااااااصة لبنات الرياض
طبعاً ياما وياما قرأت في المنتدى عن تقليد الماركات وينطون بنات جدة يقولون روحيلك القوافي وتاج توج وتوب تنواحنا بنات الرياض ميتين قهر ان ماعندنا مثلهم ونمني نفسنا بالروحة مالكم بالطويلة اختكم في الله راحت الاربعاء مكة وصدعت راس اهلي وانا اشحتهم جدة بس ابغى هالمحلات طلعت وانا اقول لاخواتي عنها ورحت وياليتني مارحت والله اني خسرت 150حق الروحة والرجعة والتكسي عالفاضي غير التعب لاني خذت عمرة ونمت قمت بوجهي على جدة قلت بتقضى للعيد والدوام وغيره والله العظيم يابنات مالقيت شي زين ابداً كل المحلات تيشرتات قطنيات مافي بلايز حركات زي الماراكات ولا شي قهرررررررر ولاشنط زي الناس في جنوب الرياض فيه احلى منهم بكثييييير والله لقيت شنطة اقدر اقول زوينة ب70ريال اشتريت في الرياض احلى منها بكثير ب45ريال عندنا ستي ماكس ايام التخفيضات الي توصل 70بالمية احلى منهم وعندنا سوق الوان مول في غبيراء شنط والله تهبل وللأمانة الاشياء الحلوة في محلات جدة الملابس الداخلية ورخيصة ب20قيمتها فيها ماتفرق عن نعومي وطقتها اخذت المشد ابوالاعمدة الي يوقف الفستان ب10ريال والبناطيل لابأس فيه كم قطعة لو دورت يمكن القى طلبي مااعرف العيب صدق في المحلات او ايش او يمكن حسب البضاعة يبغالها واحد يداوم عليها يشوف الجديد لكن والله مااتوقع لانه الحين عيد المفروض كل حلو يكون بالاسواق اخيرا لااحد يزعل مني وكامل احترامي لكل من كتب عنهم بس انا حبيت اكتب تجربتي علشان بنات الرياض مايتحسفون ويتقهرون انهم ماراحوا ويعرفون ان كل شي موجود مثله بس يبغاله تدوير وفرص والله الموفق ..