لما تحسين أن أي شخص لما يروح مكان ويذكرج فيه
وييبلج هدية معاه مهما كانت هذي الهدية صغيرة
أكيد راح تعتزين فيها وتحاولين أنج تبرزين جمالها
بطريقة حلوة تحافظين عليها فيها ..
هذي اللعب الصغيرة يتني هدية ..
وطبعا مثل ما جفتوها لازم تتعلق ..
ففكرت أسوي لها علاقة مبتكرة .. ، وما كان جدامي غير
علاق الملابس ، والله يعينهم علي في البيت عافسة ملابسهم
وملعوزتهم .. !
أخذت علاق الملابس الحديد وقصيته .. ، وحاولت بأكثر من
طريقة أني أثبته مع بعض ما نجحت معاي ألا هذي الطريقة
أني دخلت فيه الاسطوانات الصغيرة اللي تكون موجودة
داخل شريط الفيديو ..
وبعدين صبغته بصبغ سبريه .. ، وزينته بالورد والخرز ..
وعلقت فيه اللعب وطلع روعة ..
وأنا شايفة انه ينفع حق أشياء ثانيه ، اللي عندها أفكار
شنو ممكن نعلق فيه يا ليت ما تبخل علينا بابداعها..
و أن شاء الله الفكرة تعجبكم ..
وأن شاء الله دايما أكون عند حسن ظنكم ..
الله يعطيج العافية