حولي علبة التشيبس .. إلى حافظة للأشرطة والسي دي .. !

مرحبا يا بنات .....


جايفين يا بنات حالنا مع هـنــايا .. ، على طول عفسة ولعوزة
كل ما تبي تاخذ لها شريط لازم تعفسنا كلنا ، وتخلي حالتنا حالة
جوفوا الصورة وأنتم تعرفون حالتنا اللي تكسر الخاطر ..





وفي مرة من المرات كانت هـنـايا تاكل تشيبس (بطاطا ) ،
وطبعا عفستنا عفسة عشان تسمع الشريط اللي تبيه ، وبعد ما
خلصت على التشيبس كلها نست العلبة الفارغة وراحت
فأخذنا نشكي الحال لها ، فقالت لنا العلبة ولا تحاتون مشكلتكم
حلها عندي ..




وراحت علبة التشيبس واقترحت على هـنــايا انها تسوي
منها حافظة للأشرطة المسكينة لأنها حالها يكسر الخاطر
فسألتها هـنــايا شلون تسوي الحافظة ، فقالت لها اسمعي
اللي أقولج عليه ونفذيه معاي خطوة بخطوة ..

أول شي غلفيني بورق تغليف الهدايا على ذوقج ..





وبعدين سوي فيني فتحات مناسبة بحيث يقدر يدخل الشريط
فيني .. ، وراحت هـنــايا وخذت المقص عشان تسوي
الفتحات فقالت لها العلبة : لا يا هـنــايا بالمقص ما راح تقدرين
تسوين الفتحات لازم تستخدمين الشفرة ، وانتبهي لا تقصين ايدج




وألحين شغلي عقلج يا حلوة وشوفي شنو ممكن تسوين عشان
تزينيني ..
وراحت هـنــايا تفكر .. وتفكر .. وتفكر
وجافت سلوم الصغير عنده كرة صغيرة يلعب فيها ..




ففكرت ليش ما أرحم هالكرة من ايد سلوم الملقوف
اللي قاعد يحذف فيها ويلعب بخلقتها .. ، وخذت هـنــايا
الكرة وصبغتها بصبغ سبراي بلون البشرة ..
وبعدين رسمت عليها الملامح ..
وبعدين ركبت عليها الشعر الاصطناعي وزينتها
ببعض الاكسسوارات مثل الورود والأشرطة ..








وركبت الكرة بعد تزيينها على علبة حافظة الأشرطة ..


وصارت حافظة للأشرطة والسي دي وايد حلوة ..
وطبعا استانست الأشرطة ، لأن هـنــايا ما راح
تعفسها وتلعوزها بعد اليوم ... ، وبنفس
الوقت أنا بعد علبة التشيبس استانست وارتحت لان ما راح ترميني هنايا