حولي قفص العصافير .. إلى معلقة مبتكرة ..!

مرحبا يا بنات . . . . . . . .




لما انكسر القفص وتحرر العصفور الجميل سمعت هذا الحوار الطريف بينهم :



العصفور : جفت نهايتك يا قفص ... ، هذا إنت انكسرت وتخلصت منك أخيرا ..

القفص : إيه يا عصفور ... ، أنا إللي كنت شايلك كل هذي السنين بداخلي جذي
تسخر مني ...

العصفور : إنت ما كنت شايلني إنت كنت حابسني ، ولا ناسي نفسك إنك سجن ...!!

القفص : بس أنا إللي حميتك من الريح والعواصف والبرد والحيوانات المتوحشة ... !

العصفور : وإنت إللي حرمتني من الحياة الحلوة وحرمتني أطير ،
وألحين الحمدلله الله عوض صبري خير ، وانا إللي راح أكمل حياتي بفرح
وحرية وإنت مصيرك سلة المهملات . . !!

القفص : لا يا عصفور إنت غلطان وفرحتك ما تمت .... !!

العصفور : شلون ..؟!

القفص : تعرف هنايا ...؟!

العصفور : لأ ..

القفص : هذي نصيرة الأشياء المهملة ، وأنا بعد ما انكسرت سمعت إنها تبي تسوي
مني شي حلو وراح تستغلك معاي ... ، يعني إنت ما راح تخلص مني ...!!

العصفور : وشنو تبي تسوي هنايا قوللي ...، ترى قلبي قام يرجف .... ؟!!

القفص : هههههه ...، شوي شوي على روحك لايوقف قلبك ....
لا تخاف هنايا راح تسوي شي يسعدني ويسعدك .....
سمعتها قالت بتسوي مني معلقة ...!!

العصفور : شنو يعني معلقة ..؟!

القفص : يعني هذي إللي يعلقونها ويحطون فيها ورد وشغلات ثانية ..

العصفور : الله أنا أحب الورد والزرع ...، وشلون راح تسوي هنايا منك قفص مكسر معلقة ..؟!

القفص : أنا أقولك ...
أول شي راح تتخلص من هذي القاعدة ...





وبعدين من الجزء إللي فوق راح تقطع على مسافات متساوية حديدات وتثنيهم جدام يعني للأمام ..






ويصير الجزء العلوي كله بهذا الشكل ..



العصفور : إي وبعدين ...؟!!

القفص : بعدين تاخذ هنايا من الجزء إللي تحت حديده بين كل حديدتين من إللي ثنتهم فوق وتقطعها
وتثنيها بنفس الطريقة ...