بنات انتم مو بس تكتبون هوايتكم وتطلعون تنتظرون
تصفحوا الموضوع من الأول وشوفوا اذا لكم بنات من نفس الهوايه راسلوهم وشوفوا
أفكارهم ووزعوا المهام بينكم

هلا أميرة الضباب في بعض البنات ماعندها مواصلات ممكن تلاقي في المجموعه وحده عندها
وفي مشاريع صغيره مايبيلها ممول كبير تتقاسم المجموعه التكلفة
لاتصيرين تشاؤمية ما تبدا المشاريع بالنظره هذي

الخزامى والفل كل وحدة تكتب هوايتها يمكن تجي ثانيه تكون من نفس الهواية ولها دراسة وافيه وتتواصل معك

الاخت اميرة الضباب كلامها صحيح.

انا هواياتى اللى اجيدها فعلا : اعشق تصميم الازياء و التطريز و الجنط وهذى ابدعت فيها كثير و بعت منها و الحمد لله استفدت ماديا رغم ما عندى معارف و لا عندى صديقات لكن اروح المجمعات مالت الاقمشة و اتعرف و ابيع هناك من غير ما يكون لى محل و بعدين اعشق الرياضة و الرقص. بالنسبة لتصميم الأزياء مش سهل لانه بيغى لها دراسة اقل شي سنة و بدروس مكثفة و مش كل واحدة ركبت لها لونين او خامين و قالت انا مصممة المصممة الشاطرة و المحترفة هى اللى تعرف تصمم على طريقة المولاج و المانيكان يعنى تفصل و تركب اقل شيء ثلاث خامات بعدين الخام الرابع فوق المانيكان و حسابات و تخريج الألوان عن طريق الكمبيوتر و تصنيع الموديل النهائى عن طريق الكمبيوتر يعنى لازم تتعلمون هذا الشي برا الخليج و هنى بالكويت ما لقيت معهد يعلم لكن بالمغرب بلدى فى معاهد قوية و بها مدرسون خريجى فرنسا. السنة الماضية زرت المغرب و رحت أكبر معهد لتصميم الازياء و قابلت المدرسة قلت لها ممكن اتعلم التصميم بخلال شهر قالت لى تبغينى اخذ فلوسك و اضحك عليكى مستحيل هذا علم قائم بذاته زى اى علوم تدرسينها يبغى لها تفرغ و متابعة و همة و ارادة اول شيء لازم تتعلمين كيف ترسمسن الموديل بطريقة محترفة و مقاسات و تتعلمين كيف تأخدين المقاس على الزبونة وتركيب الالوان و تصميم البروفة على المانيكان اولا و ليس على الزبونة و وووو
وقالت اشايء كثيرة مانى حافظتها وورتنى اجهزة التعليم باقسام كثيرة بعدين قالت لى اقل شي 6 شهور من باب العلم بالمجال.
فخاب املى لانى متزوجة هنى بالكويت و زوجى ما يخلينى اقعد الا شهر او 20 يوم

طيبات المصممة السعودية فوزية النافع بدأت بالخياطة في بيتها في الشرقية وشوفي وين وصلت
وأحسن معلمين الشاورما ما أخذوا دورات من فرنسا
أنا ما أقول ان الشهادة مو مهمه اذا توفرت زياادة في الخير بس الشهادة من غير موهبه أو حب للعمل مااا تنفع
أهم شي الطموح وتطوير الشغل بالوسايل المتوفره للشخص شوي شوي لين يقدر يتخصص في الشغل

مساء الخير
انا من الرياض واشتغل بالتصميم والازياء من سنه وحابه اعرف بنات من الرياض ولهم نفس الميول او لهم علم بالخياطه لاني مااعرف اخيط بس كنت اتعاون مع خياطات اللي تحب تشتغل معاي بنفس المجال تراسلني :)

هلا اخواتي
الموضوع جدا رائع و الفكره أكثر من رائعة
الأخت التي كتبت الموضوع لا تقصد ان نجعل الهوايه مهنه و إنما تقصد ان تكون كدخل إضافي وإستغلال وقت الفراغ في شيء حلال لذلك لا تحتاج أي شهادة .

انا من المدينة ما خلصت الثانوي لكن أموت في تصميم الأزياء والخياطة قرأت كتب اجنبيه كثير ودخلت مواقع اجنبية كثير جدا ثم أخذت دورة بالمراسلة عن طريق النت و الان اعمل في تصميم الازياء كهوايه عن طريق النت من خلال موقعي وكمهنه من خلال المنزل ......
وبدأت لي سنه ونصف تقريبا في دراسة هذا المجال ...........

انا من المدينه المنورة
و اتمنى ان تكون هناك مجموعة نتعاون ونتبادل الخبرات حتى لو كنا من دول مختلفة ممكن نعمل مسابقات تصميم و دروس وهكذا .. ممكن ايضا نعمل موقع بإسمنا نعرض فيه اعمالنا .

الي حابه تشترك معايا في الموقع من اي دوله تراسليني على الخاص


لكن اهم شيء
الإلتزام
انا في الانتظار