حيآآكم كروشات>>قصة ولادتي

:biggrin:مرحبــــآ بكل كروشه دخلت والله يهونها عليكم ويجعل ولادتكم أسهل من شرب الماء:39:
http://forum.hawaaworld.com/showthread.php?t=3384407
طبعآ اذا تتذكرون موضوعي الي فوق يوم صار لي حادث بآخر اسبوع من شهري :44:ولدت بعده بست ايام بتاريخ 22ـ12ـ1433
طبعآ كنت يوم الخميس عند اهلي وكنت لابسه جلابيه مخمل وبصراحه احتريت ورحت انسدحت قدام المكيف ووجهته علي ونمت ويوم صحيت كانت الساعه 10بالليل الا بمغص خفيف قلت اكيد دخلني براد وجلست مع اهلي والاوضاع عندي طبيعيه ولا جاء فبالي طلق ابدآ ورجعت نمت ع الساعه2وبعدها بساعه الا اصحى من مغص خفيف والم بسيط بظهري وسبحان الله مستبعده الولاده المهم وحاولت انام وصحيت بعدها بساعه وبعدين صرت كل ماغفيت نص ساعه أقوم قلت اكيد الم ظهري من بعد الحادث وطلعت عند امي انام ع اساس مرتبتها قاسيه شوي وماامداني اغفي الاربع ساعه وصحيت قلت بنفسي خلاااص جاك الموت ياتارك الصلاه مرتبه سرير وغيرنا ولا صار البلاء منها واطالع امي وهي نايمه اقول مشاء الله ياحظك
المهم واطلع لغرفتي يوم دريت ان الدعوى فيها ولاده واجلس اتمغص وكل شوي رايحه جايه ع الحمام استنى اشوف علامه ولاده لان بولدي الاول نزل معاي دم المهم جاء الظهر دخلت امي عندي قالت شكل فيك ولاده وجهي طلع لونه اصفر وكل ماجتني الطلقه صرخت المهم سوتلي حليب وحطت معه زعفران وبالطقاق شربته يوم جت الساعه 3 دخلت سبحت بمويه دافيه وطلعت للمستشفى ووصلت ع الساعه4:30العصر يوم كشفت علي الدكتوره قالت رحمك مفتوح5سم قلت شلون ماجاني مويه ولادم قالت مو شرط تجيك علامه ودعت امي ووصيتها ع ولدي ودخلت لقسم الولاده
طبعآ اخذوا مني دم وبعدين نوموني ع السرير وشبكوا جهاز تخطيط نبض الجنين وجتني ممرضه مالها في الطب أبدآ سبحان الله من شفت وجها قلت ذي شكلها بتتعبث فيني وجتني قالت :ياللا مدام كشف وقعدت تحوس بي ساعه قالت7سم وتروح تنادي ممرضه ثاني وتكشف بعد قالت لا 6وانا صايرتلهم فار تجارب ويسحبوني بالسرير لغرفة الولاده وشوي كذا واستفرغ طبعا يقولون هذي علامة ان الجنين ينقلب
المهم ويجيني ذاك الدكتور السوري حسبي الله عليه معلم الشورما ويدخل يده كلها فيني يوم بغيت اطير قال لسى 5سم يوم تحطمت قلت انا حاسه ان ممرضاتكم ماعندهم سالفه ويجلس يوسع فيني وانا خلاص بمووت من الالم واصييييح :06:واترجاه يبعد عني قال مابدك تولدي اليوم
قلت لا مابدي بس فارق , ويروح وتعصب علي الممرضه السعوديه قالت خليه يولدك الحين بيروح يشرب شاهي ومتى بيجيك قلت كيف يولدني وانا 6سم وكشرت وطلعت عني واقعد اتالم واصرخ وادعي ربي يفرجها ومن قوة الالم اناديها ونادت الدكتور وجاء كشف قال صار7 وبفتح لها مويه البيبي وتجي الممرضه بتطلعله الحديده الي يفتحون فيها المويه قال لا أنا مابستخدمها بعمل هيك بأيدي ويقعد يحفر فيني بيده اتدكر اني بنص السرير مادريت الا انا ماسكه الجدار وفتحها وراح وبعدها بنص ساعه جتني الممرضه وكشفت علي قالت حاولي كنك تتبرزين طبعآ انا ماقدرت من الم ظهري بعد الحادث بس سبحان الله ربي يسرها بوقتها وشوي كذا واحاول ادف وجت كشفت الا وتشوف الراس وجو الممرضات يركضون ويشجعوني يالله مدام احنا نشوف راس بيبي واصرخ وادف بس مافي فايده وجتني طلقه ثانيه واحاول ولا قدرت اقول وسعي لي وقالت حاولي واذا احتجتي بوسعك واحاول يوم جتني الطلقه ادف بكل قوتي الا واحس براس ويقولون يالله الراس بيطلع دفي واكتم كل انفاسي وادف يوم شرفت بنوتتي (تــآلآ)ع الساعه 7 العشاء :icon28:آآآآه ي زين هذيك اللحظه يوم يطلع الراس سبحان الله تحسين جبل وانزاح من عليك ومن الفرحه اقولها خلاص مايحتاج تخيطوني ماصدقت اخلص من الولاده قالت لازم الراس يوم جاء يطلع وسعك واقعد استنى الدكتوره ماجتني الابعد ساعه
ودقيت ابشر امي وتقعد تزغررررط :icon28::icon28::icon28::icon28::icon28::icon28:خخخخخ
وتوته توته خلصت الحدوته
نصيحه لحد يستخدم خلطات او يتعبث بنفسه الولاده لها ساعه معلومه عند رب العباد انا مابقى خلطه بالنت ماكتبتها وتمرين للتسهيل ولا سويت شي فيهم
وغير كذا بعض الخوات الله يهديها تكتب قصة ولادتها حشى فلم رعب والله كرهوني بحملي بوقتها يعني النفسيه خلقه متأزمه وتتأزم زياده بس احنا مشكلتنا الفضول نقعد نقرا لين نتنكد
عمومآ الولاده سبحان الله تساهيل من رب العباد واللي متعوده ع آلام الدوره ان شاء الله بتهون عليها واتكلوا ع الله واستغفروا نية تسهيل الولاده واقروا سورة مريم وربي ماراح يردكم
وأخيرآ دعواتكم لعيالي بالصلاح والهدايه ولكم بالمثل