حياآتـي كتـآب مفتـوح .. ! !

السسلام عليككم ..
طبعا انا نن الجاالسات في هذا القسسم واعرف كل اللي فيه ..ولي فتره اقول اكتب هالموضوع او لا ..
بس بعد سالفة اليوم قلت اكتب ..

زوجي انسان طيب وحنون وكريم ومايحب يزعلني ابدا ولايرفض لي طلب الحمدلله .. بس عنده مشكله اعتبره عيب قوي والله مايحفظظ اي سر او سالفه لي انا وهو او خطه او مشروع  ..اجي اليوم الثاني اهلي يقصون لي او اهله لأننا قرايب مره ..
كل شي بيننا واللي يقول لي ليه ماقلتي لنا كذا وكذا اسأل كيف عرفتو ؟ قالو زوجك قالها…  اتمنى اذبحـه هذيك اللحظه ..
اعرف الحريم اللي يحبون السوالف وافشاء الأسرار مو الرجال !
صراحه بتجنن كل شي كل شي ينقال لاخوانه واهله وزملائه وكل من في الطريق !
اكره كذا انا طبيعتي كتومه وهو كتاب مفتوح… حياتي مافيها اسرار .. مشاريعنا مكششوفه للرايح والجاي ..والله تناقشت معه كثير كثير وباسلوب بس مانفع يوعدني وكذا وينسى…  وفي الفتره الاخيره احسه طفش كل ماقلت له لاتقول لاحد كذا والمفروض ما اوصيك يقول خلاص وش قلت لك ماني وعدتك .. يعني مايسمح لي اوصيه صار يقاطعني ويقول خلاص مارح اعلم ..
بنات تعبت وربي افكر بـ(الطلاق ) ..خمس سنوات من اول زواجنا ادرس فيه واعلم بكل الاساليب ولا تغير !
كيف تقولون ان الزوجه تقدر تغير زوجها والله ماقدرت من هالناحيه 😞..

ارجوكككم كيف اغيره بالله ..بحاول بشتى الطرق .. كل شي كل شي يقوله حتى اشياء تافهه يقولها اروح سوق او اروح زياره او اقوله سالفه كل شي ينقال لأهله او زملائه او اخواني الرجال والله احسه مسكين فقد هيبته في نظري واهلي صار عندهم معروف انه يفك اسراري ..نفسي اغير نظرة اهلي..اخوي متزوج له سنتين والله ماسمعته في يوم قد قال لنا سالفه له هو وزوجته حتى لو كانت عاديه ماشاء الله…  

راعيات الاسلوب الله يسسعدكم شورو علي 🌹🌹🌹