حياااااااااتي جحييم تكفوون انصحوني ساعدوني جزاكم الله الف خير

السلام عليكم ورحمة الله وبركاته

اخواتي عضوات المنتدى اتمنى منكم ان تساعدوني في مشكلتي لأني جد تعبت احس الدنيا صكرت ابوابها بوجهي
انا بنت في بداية ال18 غير متزوجه كويتيه من اسره تحكمها العادات والتقاليد اللي انا عن نفسي اسميها عادات غبيه
يعني مختصر الحديث بنت قبيله ابوي شخصيته قويه او اقدر اقول الحين كانت شخصيته قويه الحين صار الكلمه اللي تقولها امي هي اللي يقولها لدرجة ان حتى كلامه صار يفشل بين الناس نفس كلام الحريم وياريت امي انسانه يقتدى فيها للاسف انها عكس جذي تماما مع ان ابوي عطاها الحريه لابعد الحدود الحريه اللي كانت تحلم فيها وهي عند اهلها وماكانت تقدر تتخيلها يوم من الايام كان متفتح لابعد درجه الحين خلت ابوي انسان معقد مايتكلم الا بصراخ مايتفاهم ابوي الحنون قسى قلبه صارت تتضايق اذا شافته يدلعنا ويضحك معانا تحب كل شي حقها كل شي من كنت صغيره ماشفتها تضحك يوم من الايام دايمن صورتها في بالي مكشره ومعصبه لدرجة اني بعض المرات استغفر الله اتخيلها بصورة شيطان انا ولله الحمد الله خلقني باحسن صورة وعطاني من الجمال والانوثه مايكفي من كنت صغيره والكل يدلعني ويتكلم بجمالي ولما كبرت صرت اجمل واجمل لكن ولله الحمد ما انغرييت بس امي كانت دايمن تحط ابالها اني بشوف نفسي واي صبي بيشوفني بيتحرش فيني واكلمه على طوول لكن والله هالفكره ماكانت ابالي نهائيا كانت تشك حييل فيني من كان عمري 12 سنه تخيلوا فتحت عيني على اشياء واجد كنت لما اتكلم مع رفيجتي بتلفون البيت تجي فجأه وتسحب التلفون مني تبي تسمع انتوا قاعد تتخيلون الوضع ؟؟؟ بنت صغيره شلون تفكر فيني جذي كنت اتضايق حيييل واسأل نفسي ليش امي تسوي جذي كانت دايمن تهينا وتمد ايدها علينا حتى جدام الناس ماتحترمنا نهائيا حتى وانا كبيره مع الايام طبعا وانا عمري 15 سنه كانت كله تقولي الله يستر منج انتي وانتي مع ان والله يا اخواتي لي هالعمر وانا فيني براءة الاطفال مع اني بلغت حتى المسلسلات ما اعرفهم كله اطالع افلام كرتون وتوم وجيري وغرفتي كلها دببه وباربيات يعني مافي شي يفتح عيني على هالسوالف مرت الايام وانا كل يوم وركزو على كلمة كل يوم ابجي قبل لا انام من الضيقه اللي انا فيها والله تعبت ابي اتزوج بس عشان ارتاح منها ومن العيشه اللي انا فيها الناس تتمنى فلوووس عيال سيارات بيوووت وانا اتمنى المووووت من وانا صغيره
مادري شسوي معاها احترت وياها اتمنى اسمع كلااام حلو منها مستحيييييييل اسمع غير الذم والسب والله ياخذج والله يلعنكم وانتو هم على قلبي ويلعن السااعه اللي جبتكم فيها ياعيال ابلييس يا عيال .......... وحسبي الله عليكم طبعا انتو عبالكم ان مسويين مصييبه صح انتو غلطانين هذي صارت عندي مثل صباح الورد ومساء العسل وياحياتي وياقلبي وياعمري!!! لاحوا ولاقوة الا بالله
طبعا الحجاب لبسته غصب ابوي كان عادي عنده لان يبيني البسه بقناعه امي لا كل شي عندها غصب طبعا ياريت تقول غصبن عليج بس؟؟ هذي عندي مثل ياحبيبتي لبسيه لا تقول غصبن عليج وال......فوق راسج!!! شوفو الاسلوب الحلوو والتعبيرات الاروع!!!!!!!
لبسته وعمري 15 ورضيت بالامر الواقع عقب خلت ابوي يلبس خواتي العبايه غصب طبعا صارت مشاكل بس مو هذا موضوعنا انا كنت مو متحجبه وتحجبت و لبست العبايه غصب وانا مو مقتنعه فيها وما اعتقد ربي تقبل لا عباتي ولاحجابي لان مو عن طيب خاطر
كل هذا لاتفكروون انها انسانه متدينه لا والله تتحدث باسم الدين بس ماطبقت اخلاق الاسلام فيها كل اللي تسويه عشان تفرض شخصيتها وتحب تتحكم او عشان ترضي الناس اللي برا متقلبة بكل شي مره تقول اي مره تقول لا لدرجة اني اشك ان فيها انفصام بالشخصيه والله العظيم
خواتي تزوجو عشان يرتاحون بس امي كانت ترفض على كيفها بدون ماتستشيرهم واللي تبي تقولهم عنه وخواتي يبون الفكه ويوافقون بس اللي اكبر مني طبعا اللي اكبر مني نسخه مصغره لأمي تبي تفرض شخصيتها علي تفتش وراي ادور علي اي شي انا مليييت والله مليت والله مره استغفر الله استغفر الله مو بعد مره مرتين شربت ديتول عشان اموت والمره الثانيه شقيت ايدي بالموووس بس بالمرتين سلمت وماصار فيني شي جنه متكوب لي اتعذب اكثر
ادعيي بس احس ان ربي ماتقبل دعاتي
كنت شاطره بس محد كان يهتم ليما نزل مستواي ققعدوا يذمون فيني ماقامت تهمني الدراسه حتى الحين كنت اداوم لي اخر يوم بالمدرسه بس عشان ارتاح من البيت مابي اقعد في ويضيق خلقي لي بدت العطله حتى لو بنسافر ما استانس اصلن ماتفرق عندي دايمن اتخيل نفسي ميته واستانس حيييييل احس بعض المرات ان فيني مرض نفسي ؟؟ والله ياخواتي وانا قاعد اكتب الموضوع قاعد ابجي كله تبطل الباب علي وماتبيني اصكره واخوي يمي تصكر بابه وتقولهم وخروا لاتزعجونه نايم ؟؟؟ عفيه مو شي يعور القلب!!!! بيي اليوم اللي بترتاح مني فيه وماراح يبقالها غير هالباب !!! الامومه صارت اسم بعض المرات اتحسف اني اقولها يمه

يقولون الزواج تعاسه؟؟ انا اتمنى هالتعاسه واللي اتمناه اكثر الموووت

قولولي شسوي؟؟ منو عندها حل لاتقولون قعدي معاها حاولت وحاولت وحاولت ماكو نتيجه ابوي لاحياة لمن تنادي اخواني كل واحد لاهي بنفسه انا مابيدي شي حتى الدعاء كل ليله ادعي وابجي بس ماحس ان همي زاال اللي قاعد يصير كبييير حيييل حييييل علي ماقدر اتحمله فوق طاقتي بواجد حياتي جحيييييييم جحيييييم جحيييييييييم واتوقع ان الجحيييم اهوون حييييييييل من حياتي

اللي مهون علي شوي اللي احبه بس ما اتوقع اني بتزوجه لان مو من قبيله مع انه انسان طيب بمعنى الكلمه انا ما اتجهت للحب واني اكلم الا من اللي قاعد يصيرلي شفت عنده الحنان والحب والاهتمام والكلام المعسول بس للامانه ماخدعني بأي شي تعلقت في حيييل موشويه صار حياتي كلها والله هوون علي اشياء كثيره بس مابي استمر معاه لاني بتعذب بعدين كافي العذاب اللي انا في لكن مو قادره

انا جد مليييت ماعندي احد اشكييله واقوله اللي بقلبي عشان جذي كتبت هالموضوع لحد يبخل علي بالردوود جزاكم الله الف خير وعسى الله يفرجلكم ويوسع عليكم دنيا واخره ويسخر لكم خلقه ياااااااااااارب