حياااتي سارت جحيم واللي مخليها كذا كل شي ساعدوني لو بدعوه

السلام عليكم

كيف حالكم بنات

بنات حياتي سارت زفت زفت زفت

وربي طفشت مانى عارفه ايش اسوي

انا حامل في الرابع وعندي ولد عمره سنه

ومتوظفه في روضه

قسم بالله هذا كله تخيلوا اسمع رجه بزران وارجع البيت يبهدلني ولدي

غير انى اسوي غداء وانا ميته تعب

غير كدا ولدي ما ينام الا متاخر يعني على 2 في الليل يعني نومي كله من 2-6 الصباح بس لاني احطه عند امي وينام عندها

ووقت ما ينام في الظهر اكون دوبي راجعه ولازم اطبخ غداء

والمصيبه الكبيره انى اروح واجي بسياره بدون مكيف ارجع دايخه مرررررررره وتعبانه

والمصيبه التانيه

ان بيتي في الدور الثالث واخاف من الاصنصير قد سبق واتقفل عليا

ومانى قادره اطلع من الدرج مع الحمل وشايله الولد وشايله شنط وتعبانه مرررررررره

وارجع بعدها اطبخ


تخيلوا الزبده لا راحه ولا نوم وحمل وكرف

غير كدا ان زوجي بس يتفرج مقاطع في اليوتيوب يوميا يوميا يوميا يوميا ما يتعب هذا الرجال
غير انه سار يرجع يطلع السطوح

وغير كدا اصحابو في العمل يرسلوا له مقاطع سكس على الجوال

وماعرف اذا هوا يمارس العاده ولا لا غير كدا له فتره من يوم ما سار يتفرج كثير ما يصلي ابدا


الزبده انى عايشه الجحيم

وما ابغى اترك وظيفتي الراتب حلو واعطي امي منه بصراحه مرتاحه ماديا

بس متعذبه في كل شي

وبيتي مقلوووووووووووووووب ولدي ما يخلي شي في مكانوا

انا عايشه اللخبطه كلها

وكارهه زوجي وتعبانه من بيتي ومن سياره اهلي بدون مكيف
وتعب دبل صراحه


ادعولي اعتبروها فضفضه

وغير كدا معايا ماستر واشتغل بروضه شوفوا كيف حظي

الحمدلله