حيا الله الجميع كل وحدة بإسمها وياهلا ويامرحبا ..
يوم الاربعاء رحنا انا وماماتي للهزازي ناقصنا شوية أغراض للبيت طبعا معروف هالمحل ماشاء الله كل شي فيه مميز وبضاعته متجددة بشكل ..
وفيه حاجات مرة حلوة للبيت سواء للمطبخ او للحمامات أكرمكم الله أو غيره ... المحل ماشاء الله له كم فرع في الرياض وخارج الرياض وبالنسبة للفرع اللي أنا شريت منه
هو حي الملك فهد طريق الإمام سعود قريب مرة من طيبة والعويس وهو دورين كبير ماشاء الله..
موضوعي هذا أبغى كل وحدة تجي وتكب عفشها اللي من محل (الهزازي ) فقط لأن لو وحدة أعجبها شي مايضيع الموضوع كله بإستفسار عن المحلات يكون المحل واحد ومعروف و أحس كثيير الوحدة منا تستفيد من الأشياء اللي تشوفها لأنو ماشاء المحل كبير دورين
وبعض الاحيان تتعبين ماتحصلين طلبك ..
بسم الله بادئ كل ذي بدأ ...
هذي طقم صياني تقديم ثلاثة أحجام كبير ومتوسط وصغير مرة حلوة للعصير والمعجنات وسعرها 105 ريال ..
وهذي صحون لتقديم البيض وتكفي لـ 6بيضات وسعرها 12 ريال ..
وهذا الحجم الثاني وتستوعب لـ 12 بيضة إذا فيه ضيوف للفطور وسعرها 20 ريال ..
وهذي صورة للصحنين ..
وهذي قطااعة سعرها 20 ريال ..
<<< يتبع
وهذي ملاعق للتحريك وتوابعها وكل طرف وحدة منهم على شكل خضروات وسعرها 15 ريال..
وهذي علبتين قزاز سعر الوحدة منهم 5ريال مرة حلو شكلها إذا عبيتيها حنا إستخدمناها لصوص السلطات والكاتشب ..
وهذي زبالة أكرمكم الله فيه منها ألوان وأحجام حنا خذينا اللون السماوي لأنها تبع غرفة الأولاد وسعرها 10 ريال ..
وهذي صفاية حجمها صغير مرة تنفع إذا بتصفين في بيالة وحاجات صغيرة وسعرها 5 ريال ..
يتبع <<<