حياة الحقد والحسد.. ومعاناتي مع اقرب الناس اللي صار همهم جرحي وإهانتي!!

بدون ذكر أسماء :

مرحبا يا بنات والله يزكم الجنه. والله انا جداً محتاره معاها، انا ادري اني تغيرت لكن ما تكبرت أنا كنت احاول احط لها اعذار لأنه بوجهة نظري انه الإنسان لابد ما يبحث لصاحبة بدال العذر ألف عذر، كنت اقول يمكن هي ماهي مرتاحة في زواجها وبالتالي صارت تقارن وضعها مع وضعي، بعدين اكتشف انها طالعه تمشيه! ومره اخت زوجها قالت فلانه غريبه تشتكي انه ما يطلعها ورحنا كلمنا اخوي قلناله شفيك عليها ما تطلعها المره تحتاج منك تقدير قالهم ما طلبتني اطلعها؟!!!!!! ولا حتى ادري انه بخاطرها!!! احس عندها تناقضات غريبة بس ماني قادرة احط ايدي على المشكلة الأساسية وين!!! كل ما حطيت احتمال يطلع انه ما منه شي! مثال تشتكي من عملها وانه في العمل عندها صعوبات كثيرة! قلتلها طيب كلمي مسؤولتك قوليلها ما يصير كذا وكذا قالت والله عاد انا ماني مثلك لازقة بمسؤوليني!! (تنغزني لأنه علاقتي بمديرتي كثير مميزه تعزمني على بيتها واعزمها وتشكر فيني!! ) طيب ليه النغزات انا كنت اعطيها حل من كل قلبي عشان يساعدها، وكثير من هالمواقف لحد ما اكتشفت انها تشتكي للشكوى نفسها ماهو عشانها تبحث عن حل! وهذا جداً عكس شخصيتي لكن احترمت هالشي فيها وصارت لما تتكلم ما انصحها ولا احاول أوجهها!! بس مليت لما صرت اسمع لها مليت كيف نظرتها للناس وكيف تتكلم عنهم بحقد أو بكره ماعدت ارتاح كل ما رجعت من عندها احس بضيقة بصدري ما احب كذا ما ارتاح لكن عشرة عمر وقريبتي وين اختفي؟ المهم هي صار عندها ظروف عائلية ومشاكل داخليه ابتعدت ولهت ويا ظروفها وصارت حتى لو جينا بيت جدي وهي موجوده ما تقعد معي طبيعي انا ما زعلت بيني وبينكم نوعاً ما ارتحت! الآن هي صارلها مبتعده قريب السنه!!!!! ظروفها انتهت وشكلها توها فقدتني! فرجعت حليمه لعادتها وصارت كل ما شافت احد تقولهم هديل متغيره؟ ومتكبره ما عادت تكلمني نفس قبل حتى تجي بيت جدي واكون موجوده ما تقعد معي!!!! (طيب الآن صارلنا سنه انا اجي واسلم على الجميع واجلس بالمجلس وامشي). الآن انا عندي حيرة! اخاف هي تعتب عتاب محبه! واطنشها وهالشي ماهو عدل ويمكن يجرحها وانا ما احب اجرح احد!!! أخاف هي تشتكي للشكوى نفسها وانا آخر همها بس انها لقت موضوع جديد تعجن فيه وتبين اني احاول اهينها والسلام واروح انا اكلمها ومن كلامي لها تسوي قصة جديده !! (ترى هي كانت كذا لو نتجادل حول الأوضاع العربية بشكل عام) عادي ألقاها بكره تقول هديل بصراحه امس كانت جداً وقحه وما كان عندل منها تقول كذا وكذا. يعني النقاش معها دايماً يفسد للود قضية!!! وليس العكس. انا طولت عليكم بس جد وش تنصحوني! انا يهمني اني اكون قدام ربي مخلصه النية! فأرجوكم لا تبخلون علي بأي نصيحة

مرحبا يا بنات والله يزكم الجنه. والله انا جداً محتاره معاها، انا ادري اني تغيرت لكن ما تكبرت...