حياة الملل

السلام عليكم و رحمة الله وبركاته
كل عام وانتم بخير
اخواتي انا بدخل في الموضوع دوغري بدون لف و لا دوران ابوي متقاعد توه السنه هذي وجابنا غصبن عنا لديره وحنا طول حياتنا في الرياض مانجي لديره الا في العطل يعني حياتنا كلها في الرياض الله يعمرها قبل لا نجي الديره شرينا بيت في الرياض وقال بنقعد فيه لكن بعد ماصار ملكنا وشدينا فيه فجئنا باخبرالانتقال الى الديره وجينا واحنا ما نبغى حتى امي ........ انا اكبر اخواني درسة الكليه في الديره وتخرجت وتعينت فيها بس كل عطله كنت اروح للرياض هذي ثالث سنه في التدريس بس كارهه المكان يعني بالغصب عايشه في هذا المكان والحين انا واهلي في الديره .... طبعا ابوي مبسوط عشان اهله وحنا بطقاق .. اسفه على التعبير .. بس هذا اللي صاير .. ماعاد صرنا نشوفه الا أخر الليل و أمي مع أمها من بيت لبيت ولحمل كله على راسي .. عندي اربع خوات الي بعدي في ثالث ثانوي و الثانيه في 2\م والثاثه في 5\ب والصغيره في الروضه .. طبعا كل هذولي على راسي اصيح على هذي ذاكري وهذي شيلي اللي طرحتيه ... يعني انا امهم وابوهم .. ابوي من بداء رمضان ما أفطر معنا الا اول يوم ولا عاد شفناه وامي بعد الفطور نومه ولا سيره وانا شغل ولا عاد احضر دروسي زين مثل اول يعني مقصره في حق الطالبات والله يعين على هذي الحياه .... ولي زاد الطين بله ابوي يواعدنا ويخلف ... في الرياض يقول كل أسبوع بوديكم العليا وابها وبمشيكم ويوم جينا هنا لا شفنا عليا ولا حتى ابها ولا بر وحنا متعودين نطلع كل اسبوع في الرياض الحبيبه مع بنات خالتي الله يوفقهم .. قال في العيد بنعيد في الرياض ولحين يقول لا في الديره مع الاهل واديره ذي ما تنبغى بريال .... ابوي ما يقولنا الصدق وامي تحاول أنها تكلمه لمن مافيه فايده .............................
كل يوم نبكي على فرقا الرياض وبنات خالتي الحبيبه .... عسى اله يجمعنا بهم قريب في العيد .... امين يارب العالمين
انا اسسسسسسسسسفه على تطويل ولكن مافيه احد اشكيله همي الا انتم ياصديقاتي
ارجو الرد والدعاء لنا انا نرجع الرياض بأقصى سرعه:( :( :(