حياة بنت خالتي صدمتني ومالي وجه اقابلها🥲💔

بنات تكفون متفشله مره جد ليه حنا جيل يحب السلبيه ليه مانستوعب ان هذي تجربتي مو شرط تجارب كل الناس وان الرجال واحد خلوني اقولكم سالفتي الي خلتني استحي اكلم بنت خالتي انا اكبر منها بكثير عمري ٢٩ ومتزوجه وانا عمري ١٩ وهي عمرها الحين ٢٠ تزوجت وهي ١٨ وكنت انا اول معارضه لها تتزوج بهذا العمر وقعدت ادق عليها واقولها زواج مو حياه ورديه كلها تنظيف وهم المهم عطيتها ام السلبيه وكانت مره هي واثقه من الي بتتزوجه وهي اصلاً ماشاءلله ماتحب تسمع لاحد وتسمع لنفسها المهم قعدت احاول اوريها ان زواج مو كلشي وتوها صغيره لان حتى امها كانت متخوفه تتزوج بدري بالمختصر تدخلت بشي مايعنيلي لان انا حياتي زوجيه كانت شبه تعيسه وتزوجت بدري من شخص زفت وللحين مع بعض بس الحمدالله صار اهون عن قبل وتخيلت ان كل الرجال زيه عموماً ملكت بنت خالتي من هالشخص الغريب مايقرب لها ولا يقرب لنا كان شخص من خارج القبيله وماخفيكم انه صغير بالعمر لكن ربي رازقه الفلوس والجمال لكن قلت اكيد شخصيته زفت وبزران تزوجو لان حتى هو عمره ٢٤ فاا كنت اكثر انتقاديه لها واضحك عليها ان بتنصدمين وبذات انه بزر وحضرت ملكتهم وكان نظراتهم لبعض كلها حب ومبسوطين والواضح انهم يعرفون بعض من قبل وزواج كان هو مبسوط فيها مره ويحضنها ويرقص معها وقلت هذا حماس البدايه وبعدها مر تقريباً سنتين وحياتهم جميله ومبسوطين وكل ماقابلتها يابنات ماهي زينا نشكي ونفضفض من هموم الزواج كانت متحفظه وحتى ماتذكر زوجها الا بالخير وماشاءلله واضح محترمها ويحبها مره ويعطيها فلوس لكن هي فيها طبع ماتتفشخر عشان كذا مو مبين مره كلشي لكن واضح بعيونها السعاده وحبها له وحبه لها لان اصلاً كانو اهلها بمشاكل وكان حياتها قبل كئيبه والحين مبين فيها الحياه وشوي تكلمت قلت كيف الحياه زوجيه قالت احسن من الي كنتي تقولينه الحمدالله بنات حرفياً من موضوع هذا لا تقولون تجربتكم او معاناتكم وتحسبونها بتصير للكل ندمت مره مالي وجه اكلمها وكمان شوي مقهوره ان الجيل هذا واعي اكثر من جيلنا رجالهم من حريمهم كلهم يسبون بعض وكارهين بعض تمنيت اني زيها لكن الحمدالله على كل الحال.