يسعد اوقاتكم بكل خير اخواني ,,
أتنمى الكل بحال جيد ~
في البداية وقبل كل شيء ,, هذا أول موضوع لي بهذا القسم’
وحبيت أكتب عنه لأنه واقع نعيشه اليوم بكل بيت سعودي..
أنا بتكلم بالتحديد عن "العرسان" عشان نبدأ بالبيت من أول دعسه
أنا حمد .. طالب مهذب وشاطر في جامعة الملك سعود ~
كأي شاب عندي أحلامي وطموحاتي ,,
وجزء مهم من هذي الأحلام ,, هو أني أرتبط بيوم من الأيام مع إنسانة حلو وذكية نكون أنا ويها شيء واحد ! ونخلط أحلامنا وطموحاتنا بحلم واحد ,, ونعيش حياة وحده حياة كلها سعــادة نحاول نحقق فيها مبتغانا ~
ولكن واقع المجتمع أللي أعيش فيه ,, يكسر حلمي اللطيف هذا ,,
أقاربي كثير ,, وعدد المتزوجين منهم (يعتدى الخمسين شخص) !
ولكن للأسف الصدمة أن ما عمري حسيت أن فيه بيت تقدرون تقولون عنه بيت مترابط ..ومليان حب وحنان..بيت ناجح تم تسأسيسه من قبل شخص وشخصه كانوا متفاهمين !! ~
هذا بالنسبة لمحيط العائلة الصغيره
أما بالنسبة للعائلة الكبيرة ,, والمعارف الشخصية ,, والمجتمع المحيط
نفس الحكاية .. فيه جفاف وبرود غير طبيعي بالبيوت ..
ليش النماذج الثنائية الي ناجحه "عاطفياً" .. قليلة في مجتمعنا ؟!
هل هو ضعف في ثقافة الزواج ؟!
أو شيء ما تربينا عليه .. وما حسينا فيه ؟!!
ليش الشاب السعودي ,, تفكيره في الإرتباط أنه يجيب عيال..ووحدتن تهتم فيه وتطبخ له..وبس
والعاطفه والحب ينتهي بعد شهر العسل .. تقولون كن لهم 30 سنه متزوجين مو 30 يوم
معقوله يعني كل هذا جهل وقلة وعي ؟!
ثقافتنا العاطفية للأسف جنسية بس !
وياليتها جنسية سليمه ~
ياخي إنسى الجلافة أللي كنت عايش فيها طول عمرك مع مجتمع ذكوري !
صحيح ما تعودت تتعامل مع البنات ,, بحكم العادات
لكن ثقف نفسك شوي ,,
حاول تقرأ عن العلاقة بالجنس الآخر ..
حاول تكون قريب من أختك أكثر !
الحياة الزوجية تطلب منك كثير .. تبي إنسان صبور
عنده مشاعر واحاسيس ,, يحب بيته ,,و يحتوي زوجته وأولاده !
أنت مو مكينة صرافه ,, تقط فلوس وبس ..
ولآ عسكري ,, عشان تهب في هذا وتطق ذاك !
ولآ أنت بـ ضيف عشان تمر كل ثاني يوم تنام وتطلع !
أنت إنسان لك دور بهالحياة مجبور تأديه ..
وقدامك الخيار .. تأديه وانت راضي ومرتاح .. أو وانت متذمر
والبنت بعد .. عندها نقص في ثقافة الزواج
أحيانا تكون تربت في شحوح وقحط عاطفي !
لكن أنتي بفطرتك كلك عاطفه وحنان ,, دوريها بداخلك ورح تلقينها ~
واستغليها زين ,, يمكن يكون لك تأثير إيجابي في زوجك ويتعلم منك هالشيء~
وش حلاتها لما تشوف ثنين عرسان بالسوق .. ماسكين يد بعض ويمشون جنب بعض
ولا جالسين يتقهوون ويضحكون بالرياض قاليري عند البحيرة
وش زينها إذا فتحت باب السياره عشان تنزلها بنفسك !
وش وأحلى منها لما تقول لك حبيبي وقف فيه شعهر ناشبه بثوبك !
تفاصيل وأشياء بسيطة مدفونه ما نشوفها إلا في الأجانب,,
تلقاهم مع بعض يضحكون ويتمشون ومبسوطين !
حن الله يخلي السواق ..يفتح الباب..
والخدامه تنبسط مع الصغار !
حتى لو طلعنا أهلنا .. يله أخلصي .. مطولين ؟! .. بسرعه ~
وش هالزحمة .. قرف !!
ترى مليت خلاص بنتظر بالسيارة !
الغالطان أللي يجيبكم !
والوجيه شينه ومعفطه والنفس خاايسه
خلاصة الموضوع :~
الحياة بهالدفاشه مستحيل تمشي !