رهف طيف @rhf_tyf

محررة

حياة مول واليوم الوطني

السلام عليكم

بنات اليوم اخذت عيالي انا وزوجي ابغى اوديهم ملاهي ورحنا حياة مول
ولقينا دوريات بزياده ماليه المكان والانوار حقت المول
مغلقه وزحمه والناس برا السوق والكل طالع
ويستنوا الحريم السواقين وازواجهم برا المواقف
المنظر كان مريب ولاقدرنا ندخل
وكانت الساعه تقريبا 10 ونص المسا ماادري ايش صاير
احد راح اليوم يقولي ايش فيه
بزورتي قعدوا يصيحوا ويبكبكوا في السياره عشان مانزلنا كسروا خاطري:44:

يلزم عليك تسجيل الدخول أولًا لكتابة تعليق.

تسجيل دخول

أصبر على المقسوم • 14 سنة

وحياه مول هذا وين؟

أم نـــوف • 14 سنة

سكرو السوووق عشان محد يدخل يقوولووا زحمه داخل السوووووق عشان اليوم الوطني

وماقدروا فيهم وسكروو البوابات

هذا اللي سمعته مارحت انا

دانية الرياض • 14 سنة

قفلوه عشان الزحمة أنا كنت هناك

الكون الرايق • 14 سنة

انا من الساعه 9في الطريق لصحارى ماوصلت الا10وربع رغم اني ساكنه قريب ..والسوق ماكان مليان مره بس ماادري عن حياة مول اشوف زحمه برا ..

مـــلآمـح الشتــاء • 14 سنة

أكـــيد أعمال شغــب وطقــاق وهواش من الشباب والبنـــات اللي الوحدة تطلع الكبــت النفسي في هاليوم

البنــات هاليوم تطلع كبــت سنـــة كـاملة مدري ليش فاليوم هذا

اليوم في مهـرجان الزهـور قلـة حيـاء من البنـــات عين عينــــك شوي وتنـــط علي الرجـــال الشباب مساكين في حــالهــم

مير هالبنـــات اللي مأدري وش قصتـــهم في قــلة الحياء هذي فيه وحـدة وربي ماجلست بس وقــفة وتقزز في هالشباب

ومطلعها هاليدين والبلاك بيري بيد والكـاميرا بيد تمشي وتشـك تشـك في هالكـاميرا انا مدري وش قصـــة هالكاميرا

الا بيد كل حــرمة تمشي وتصور وربي سخفــــة المشكــلة لأنتي صحفيـــة ولا شيء تصورين ليــش

ولا اللي ربطــها راسهـــا بالأخضر كــأنهـا مصدعـــــة وربي تخـــلف واللي جايبـــها العــلم بكبره وحطتــها علي راسهــا

كــأنها مرت ولـد في بيت حمــولة هههههههههههههههههه المشكلة مأخذيت مقلب بأنفسهـــم أنــهم حــلوات وكاشخــات

والأدهي أنـــهم يقولون نحتفـــل بالوطن علشـان نحبـــها اي حب هذي حب لا والله مو حب الا أستعراض 100%100