سته شهور تقريبا هي الي اكتئبت فيها بعد الطلاق بس بعدين تغيرت رجعت مثل ماقبل لا اتزوج والحمدالله افضل من يوم كنت متزوجه ع ان تزوجت سنوات بس سبحان الله دايم ادعي ان ينسيني ويريحني وفعلا ارتحت وعادي تاقلمت بسرعه الحمدالله اهلي يعني هم الي خلوني اتاقلم ورجعوني كاني ماتزوجت كملت دراستي ورجعت اعوض الي فاتني من حياتي ومتطوعه بدار تحفيظ بحارتنا اروح لهم وقت حاجتهم لمساعده او حفلات رجعت اعوض ثلاث سنوات بعيده عن صديقاتي
صرت الحين معهم وجمعات وطلعات
دلعت عمري باللبس و انا صراحه اكثر نقطه اهتم لها جمعات صديقاتي لان هي المتعه وناسه والجامعه ماخذه وقتي خاصه لما اروح وارجع لها نمر كوفي نمر مطعم ..

عزايم بعد اطلع ولدرجة وربي الكل يقول مانعرف انك مطلقه


بالعربي حياتي ونفسيتي اهم من اي شي لو جاني الحين فرص زواج مع ان جاني خطاب مستحيل اقبل بالرغم لي سنتين ونص مطلقه مستحيل اقبل

نفسي لها حق قبل لا افكر بالزواج والرجال والمسوليه

توني احس وربي احس ابي اعوض مادري عشان تزوجت بعمري صغير وفاتني اشياء كثير مع اهلي وصديقاتي بذا العمر واحاول اعوض الحين

عموما الحياه توقف علي الشخص ونفسيته ي يخليهاحلوه وتستمر ي هو يضيقها ع نفسه ويكتئب
بالنهايه التفاؤل وحسن الظن بالله يغير كل شيء

الله يعوضكم خير ويرزقكم باللي تتمنونه والحمد لله على كل حال

هذولا هم الرجال يأخذوا الحرمه ويلعبوا فيها واذا خلص منها رماها هي وعيالها وهو يعيش حياته ويتزوج من جديد ويسافر ويروح ويجي على راحته حتى عياله مايشوفهم ولا يفكر فيهم ربي يأخذ كل رجال كذا تفكيره

حسبي الله عليهم ونعم الوكيل وبعد كل اللي شفتيه ترجعين لاهلك اللي ماتحملوك انتي مو بعد عيالك وتلقين الحجره على أصوله ممنوع الطلعات والوظيفة والعزايم والأسواق كل شي ممنوع إجلسي ربي عيالك نلقاها من مين الله يخلف علينا ويصلح الحال يارب العالمين

انا عانيت كثيييييييييير كثييييييييييييييييييييير قبل الزواج من اهلي امكن تستغربو
عانيت كثيررررررر من تسلطهم علي وضربهم وسمعوني كلام يسم البدن كانو يقولو لي كل البنات أتزوجو الا انت
واخويا يجي يقول لأهلي رايح ملكه أخت صاحبي مو بنتك المعنسه ورايح زواج اخت صاحبي مو زي بتك المعنسه .......الخ
وهي طبعا ماتقصر الوالده شوفي كل البنات انخطبو الا انت جالسه في حلقي شوفي ايش سويتي سمعتك صايره في الحضيض
هذا وغير تقومني بالعلاقه ماأشوف الا اللحاف مسحوب فوقي والعلاقه على جلدي وانا أبكي صرت أخاف أنام لاتجي بأي لحظه تضربني وأنا نايمه والوالد شوفي بنتك الساعه 4 العصر وهي لسه نائمه
ايش اقول كلام كثيررررر
وجاء نصيبي وانخطبت وفرحت كثيررررر وماكنت اقول لخطيبي علاقتي بأهلي بالعكس كنت مطلعتهم أحسن الناس وقد ايش هم ناس يحترمو كلمتي وتم الزواج ولأسف صار انفصال بناء على رغبة أهلي رغم اني ماكنت أبغا انفصل عنه كنت اقول مستعده اعيش مع زوج ......,ولا أرجع أعيش مع اهلي بس الموضوع خرج مني ووصلت لدرجة انهم يتبرؤ مني في حالة رجعت له ففكرت بعقلي ورجعت لأهلي وتعالو شوفو وساخة اهلي بدأت أوسخ من اول محروه من الطلعات والخرجات كلمتي في الارض طول الوقت يعايروني بزيجتي المتواضعه شوفي البنات اللي اتزوجو كيف رجالهم يدورو عليهم مو زوجك اللي راميكي عندنا ولايسأل عليكي وانتم عرسان شوفي اللي مسفرها ومهنيها
من هنا زاد الحمل علي ودخلت الغيره في قلبي من كل 2 مبسوطين وخاصة لو كانو عرسان لأني أنحرمت من هذا الشي
وادعي ربي أني ماأشوف 2 ماسكين بعض في مول او كافيه لأني وقتها أحس بإنكسار النفس وقلبي انكسر وانا لسه عروس لمن اتزوجت قلت خلاص الهم ومشاكل اهلي حقول لها باي باي بس للأسف رجعت لهم وهم ماصدقو يتشمتو فيني
يعني انا اتنكست ماعرف فين اروح البنت في السعويه ياتعيش في بيت اهلها ياتعيش عند زوج طيب اذا ماتبغا لاأهلها ولاتبغا زواج فين تروح
اتمنى تدعولي