المقبلات علي العمليه قبلها بشهرين انصح بالفيتامينات هذي لك
وفيه نوع لزوجك
تطلبيهم من النت وهذا الموقع
http://www.amazon.com/s/ref=sr_pg_1?...qid=1373994387
نصيحه لكل البنات المرجعات القلق وانواع التوتر والنفسيه اقولكم مبروك فشل العمليه غلط غلط اللي تسونه انا ٧ عمليات فاشله بس ارجع انهبل واتشايم وانواع التحطيم وظني السي يجسني وما احمل العمليه الاخيره وكنت متضاربه مع زوجي لو ما حملت بيطلق وانواع الانهيار وغيرت ستايلي صرت اقوم الليل واتصدق ولو رجعتوا لمواضيعي كاتبه التفاصيل والله بنات من رجعت ما خلوني اقعد الا عشرين دقيقه ومشيت وشلت جناط سفر وحاله ما يعلمها الا الله ورفعت عمي مسن من الارض صج كل شي غلط سويته بس قلبي معلق بالله وادعي بحرقه واقول ربيانت مراح تخيبني انا محسنه الظن بك وكنت اقولها من قلبي والله يا بنات اني حللت بيوم ثمانيه من الترجيع بان خطين خفاف واليوم التاسع هرموني وبين الحمل وكنت مستانسه مووووووووت من الفرحه صج طول حملي نزيف ونزل جنين بس ثبت جنين والله اكرمني ببيبي الله يخليه وعقبالكم والله يا بنات مراره الفشل مره بس ربي ما قصر فينا وانا من رجعت ابدا ما اركز عالاعراض بس استغفر واشتغل بيتي وادش المنتدي قسم الطبخ والديكور وكنت اخطط اغير غرفه المجلس والهي نفسي كل يوم بشي عشان ما افكر بالتحليل وبالليل اقوم ركعتين قبل الفجر وادعي بنات ارجوكم اتركوا القلق ارجوووووكم وتفايلوا والله بتنجح العمليه احبكم وانصحكم مو من قلبي الا من قلب قلبي بنات انا عندي جنين مجمد واحد واملي بالله كبير يحي العظام وهي رميم تكفوووووووووووون ادعولي برمضان انه تنجح عملية المجمد ارجوكم لاني كبرت ومريضه والله يزينها من عنده احبكم كثيييييييييير
حياتك بعد الترجيع
حياتك بعد معرفتك بالحمل
شوفن يا بنات ارجوكن ركزن معي
اول شي موضوع الطبخ مو كل الازواج متعاونين وبذات لسمح الله لو فشلت بيقعد يسمعك كلام
فانا اقولكم الطريقه
الحركة اول 3 ايام لا تعطينه وجه بالمره وفهميه من قبل العمليه انها ايام التعشيش وارتاحي قد ما تقدري مع حركة خفيفه هاديه بالبيت مثل تجيبي اكلك تروحي للحمام تتمشي بالبيت بشويش لو حسيتي نفسك زهقانه
الاكل والطبخ
ركزوا عدل
قبل لا تروحي ترجعي لازم تكونين مجهزه عدتك وش هي
اضغطي هنا لمشاهدة الصورة بحجمها الأصلياضغطي هنا لمشاهدة الصورة بحجمها الأصلي
مواعين سفري يعني كلش لا تغلسي مواعين وتعبي
نفسك اكواب ملاعق وصحون
ولخلصتي بالقمامه وانتهي الموضوع
الاكل الحين شنو والطبخ لا تعقدين الامور
لي ولزوجي طبعا هههههههه خليته ياكل اكلي للمرجعات
انا فطوري كان ( بيض مسلوق + خبز اسمر + خيار + 2 كوب حليب بارد )
الغداء
المرق دقوس او مرق خضار
مسويته بايام السحب ومفرزنته بالفريزر علي حصص يعني بس اطلع العلبه واسخنها بالقدر وبكره علبه ثانيه وهكذا ولا اوقف بالمطبخ ولا شي
واقط بالمرقه هالكور ( اسمها كفته المواشي هي ماركة كويتيه ولذيذه وصحيه )
واسلق كوبين رز بماء وملح وانهي الموضوع ب 15 دقيقه يكون الاكل جاهز
وانا قاعده علي طاولة المطبخ اسوي السلطة
وطبعا المواعين سفري اللي اغرف فيها الغداء
ممكن معكرونه بالهمبرجر او الكفته وطريقتها سهله ولذيذ
تحطي الماء ومعجون الطماط والملح وتقطي داخلهم الهمبرجر مع المعكرونه وانتهي الموضوع
او غداء
رز مع همبرجر __ رز احمر عادي اللي هي الكبسه بس بدال الدجاج همبرجر او كفته
طبق سريع يخلص ب 10 دقايق -- ممكن تحطي معه زبادي او المرقه اللي مفرزنتها
اضغطي هنا لمشاهدة الصورة بحجمها الأصلياضغطي هنا لمشاهدة الصورة بحجمها الأصلي
طبق بروتينى صحى سعراته قليله
اضغطي هنا لمشاهدة الصورة بحجمها الأصلياضغطي هنا لمشاهدة الصورة بحجمها الأصلي
عباره عن قرنبيط + جزر + فاصوليا خضرا + 3 كرات كفته المواشى المجمده
اسلق الجميع ف قدر
والطعم وايد حلو وخفيف
انا اخليه هالطبق غداء مع السلطه وكوبين لبن
اضغطي هنا لمشاهدة الصورة بحجمها الأصلياضغطي هنا لمشاهدة الصورة بحجمها الأصلي
اضغطي هنا لمشاهدة الصورة بحجمها الأصلياضغطي هنا لمشاهدة الصورة بحجمها الأصلي
كبسة الهمبرجر
الطريقه والمقادير :
افرم بصله صغيره مع قفشه زيت واحمسها عدل بعدين احط كوبين ماى واخليها تفوح وبعدين اطلع 2 شريحه همبرجر واكسرها واقطها مع الماى واخليها تفوح فوحه واكون مغسله كوب عيش ومنقعته اشخله واكبه عالماي لما يستوى العيش اقصر عليه وانجبه واقدم معاه روب وسلطه خضرا وقلاص لبن
العشا
اومليت بيض
او بيض مسلوق
مع سلطة
وكوبين حليب المراعي
بعد الترجيع ركزت عالاطعمه اللى فى الصوره
ادويتى كانت
جلوكوفاج مرتين باليوم لانه عندى تكيس
بيبي اسبرين مره
دفستون مرتين
تحاميل مثبته مرتين
ابره كلكسان مره وهذى عشان عندى فشل متكرر
حبه كرتزون مره
اضغطي هنا لمشاهدة الصورة بحجمها الأصلياضغطي هنا لمشاهدة الصورة بحجمها الأصلياضغطي هنا لمشاهدة الصورة بحجمها الأصلياضغطي هنا لمشاهدة الصورة بحجمها الأصلياضغطي هنا لمشاهدة الصورة بحجمها الأصلي
اضغطي هنا لمشاهدة الصورة بحجمها الأصلياضغطي هنا لمشاهدة الصورة بحجمها الأصلياضغطي هنا لمشاهدة الصورة بحجمها الأصلياضغطي هنا لمشاهدة الصورة بحجمها الأصلياضغطي هنا لمشاهدة الصورة بحجمها الأصلي
وادعولى بنجاح عمليتى اسالكم بالله الدعاء
وانا رايحة للترجيع مخذه بجنطتي هالشي واشرب
كل يوم اخلص 6 علب
فهمتوا بنات خلوه بالثلاجه واشربوا كثر ما تقدرون
كل شوي روحي للثلاجه واشربي ممتاز بنات ويساعد الاجنه عالنمو والانقسام
وكنت يا حلوات
كل عملياتي ال 7 الفاشله بس منسدخه مثل المشلوله
هالعمليه الناجحه قلت بغير بتحرك والدكتور قالي تحركي كانك حامل بال 9
يعني بشويش وهدوء
وكنت بنات والله اليوم الثاني للترجيع سافره بالطياره
واليوم الثالث اغسل ملابس عالغساله بشويش
والصبح ارتب سريري
وكنت اسوي شغلي اكثره
والعصر تجي خدامة بالساعات اجرتها
تغسل الحمامات وتخم الصالات
والمجالس وتكوي الملابس
وتطلع القمامه
ومشت الامور
وباليوم 8 من الترجيع سويت تحليل مزلي وبين خط خفيف وعرفت اني حاااامل وفرحت
ادعولي بنات
بعد رمضان بعيد التجربه
محتاجه دعائكم العمر يمشي
واتمني تجربتي عطتكم التفائل
واهم 3 اشياء
النفسيه الحلوه المتوكله
الطعام الصحي
قيام الليل لو 2 ركعه والدعاء والبقره يوميا والرقيه يوميا وماء زمزم والادكار