حياتك من غير سياررة و الاسرة اللي ما تدعمك

السلام عليكم و رحمة الله
كيف حالكمخواتيييي
مساء الورد <ع بالها تغازل
خخخخ لا امزح
معرفت وين احط موضوعي قلت ارميه هنا هع المهم ترى مشكلتي لا تقارن بمشاكلكم و ما عرف صراحة ليش القسم كله عبارة عن مشاكل زوج و زوجته ترى الاسرة فيها غير هالعنصرين في اخوان و خوات لول < احلفي بس لا تحذفون موضوعي و الله جد خخخ


المهم باختصار انا اعيش بشقة مع اخواني الثنين اكبر مني في بيت جدتي اما امي و ابوي و اخوي الصغير يسكنو بدولة ثانية ثانية اجبرتني الظروف اني اعيش كذا لاني اخترت اكمل مشواري التعليمي و ادخل الجامعة و الحمد لله الى حد ما قطعت مشوار بس كل يوم اقول اترك الدراسة و ليش اجبر نفسي على الشقاء اولا كون اني بنت وحيدة ببيت عزاب و الله ماساة الشغل كله علي و هم و لا همهم و الله العظيم اذا مرضت اني ارقد بفراشي ما حد درا عني اذا بغيت اسوي لي عصير ليمون او زنجبيل عشان اعالج مرضي ما اقدر و لا حد يعطف علي و اخواني يا عالم مو طبيعين مادري ليش من يوم انولدت و هم ما يتكلمو مع بعض و لما كبرت صارو ما يتكلمو معاي احس في عداوة بيننا من دون سبب المهم ما يهمني و الله لو كل واحد يسكر بابه عليه ما يفرق معي لو عايشين او ميتين المهم انا هاذي مو قصتي
اولا احب اوضح انا مو عايشة بالسعودية اشوف معظم اللي بالمنتدى سعوديات او عايشين هناك
مشكلتي الازلية يا بنات بالمشوار للجامعة نحن ما ندفع اجار الحمد لله عشان كذا ما يبغو يغيرو السكن و انا على كيفهم انا اقترحت عليهم اروح بداخلية بنات امان جنب الجامعة و ابوي كان موافق بس عمي مالت عليه مواقفه كلها مخزية معانا وسوس له و ابوي حلف و عصب يقولي ما تروحي و الا اتركي الجامعة و انا ضحيت و قعدت بالبيت مع انه كله مشاكل مع اخواني
المهم اني كنت اشترك مع طالبات و يودينا سواق بس بيوتهم مرة بعيدة من بيتنا و الله الجو يحرررررررق احيانا توصل 45 احس انه حمام ساونا على اخر درجة تخيلو مسافة ساعة او ساعتين حسب الزحم و المشكلة المكيف خربان معظم اللي يوصلون مشاوير بعيدة تكون سياراتهم قديمة الا اذا بغيت تاكسي اسعارهم نار و ما فيني ادفع بروحي و البنات اللي معاي ما وافقو م عندي حل ثاني
السالفة يا بنات ان امي اشترت لاخوي سيارة من سنة و نص و الشي الطبيعي البنات اخوانهم يوصلونهم الا انا طبعا اغبطهم ربي يزيدهم احسن و افضل بس احس نفسي مسدودة من كل شي اطلب منه يوصلني و الله حتى ما يطالع فيني يقول وش تقول هالمجنونة مافي احترام ابدا كلمت امي و قلتلها اني اتعب بالمشوار و احيانا يكون عندي يوم مهم بالجامعة امتحان او غيره و السواق يعتذر و الله اني اظل بالشارع ساعة كاملة لين ما احصل تاكسي و انواع الغزل من اصحاب السيارات و التاكسي و انا استحي و اخاف لين الله يفرجها المهم لي فترة اكلم ابوي يشتريلي سيارة يقولي ما عندس حكيت له ظروفي يقولي شكواك زادت من بكرة تتركين هالجامعه و اخاف اقوله لا خلاص انا اتصرف و انا و الله ما اعرف اتصرف من وين اشكيله اخوي اقوله ليش ما يوصلني بالسيارة ما يحب يواجهه لانه قليل ادب و يحرجه يقولي اذا مو مرتاحة اتركس الجامعة و لا تعورس راسي ارجعي عندنا و انا اسكت و امي نفس الحالة تقولي ما عندي لك شي اقولها ليش شريتيله و انا لا تقولي ما شريتله تنكر و انا اعرف انه كذب
و ارجع اترجا اخوي يوصلني ما يجاوبني اساسا المهم جمعت لي مبلغ و رحت امتحن امتحان السواقة و الحمد لله نجحت من اول مرة عادة الناس تعيد مرتين و ثلاث قلت بقتنع فيها ابوي عندي رخصة كذا يمكن يتشجع
تخيلو انا فرحانة و شريت شوكلت بهالمناسبة تعرفون شقالي ......ما رد علي و الله سفهني ابوي كني ما قلت له شي
و من يومها انا مكتئبة المهه الاسبوع اللي راح و الله امشي في الشارع و انا فيني الصيحة ابكي من قلب من الجو الحار و حجاب و مرة الجو فرن و ما اخواني ما عندهم اي حنية و لا حتى ابوي حاس فيني فتحت الجوال احصل درجة الحرار 44 و انا امشي و اقول ليش اتعب نفسي ابرك لي اركد بالبيت وش ابغى بالشهادة
المهم ادري حزنتكم معاي سامحوني شسوي هع 😑😟 انا اللي يقهرني انهم مو حاسين فيني احسهم فيهم عناد بس عشان اخترت اكمل الجامعه ما حد يدعمني


يارببببببب ترزقني بسيارة عاجل غير اجل و كل من قال امين
ترى و الله من غير سيارة صعب صعب صعب جدا تنجزين شي حتى المستشفى ما اتعب نفسي اروح اعرف تعب و مشوار اقول بلاها


الموضوع فضفضة لا اكثر لعالمي الحبيبببب