حياتنا الزوجيه والسكــــــــن المشترك ....مشاكل وحلول ..

انا ببدأ بنفسي ...

انا متزوجه صار لي اكثر من 19 سنه وساكنه معهم الى الان..والى ماشاء الله...انتقلت من بيت اهلي ورحي لبيتهم كاني انتقلت من عالم الى عالم آخر

طبعا قليل من يصمل ويعيش مع حمولته فتره طويله...

لكن اللي طلعت فيه انه الاحترام والتغافل والتغاضي والتضحيه كفيل انه يمشي حياتك..

والاهم هو احتساب الاجر والصبر على ماقسم رب العاملين..والنظر الى من هم اقل بؤس فكثير ممن يعيشون ببيوت منعزله لكنهم غير مرتاحين

غير كذا المحبه بينك وبين زوجك تنسيك كل المشاكل..


طبعا في كلام كثير بس بالبدابه بشوف تفاعلكم..وونحاول نتناقش بمواضيع تخص الجميع بكل يسر وسهوله وبدون تجريح

حيا كم الله

انا مو عايشه معهم
بديره ثانيه

انا كنت ساكنه معهم لمدة 3سنوات ولما خلص بيتنا الجديد انتقلت من عندهم
اما باالنسبه للعيشه بصراحه
اخذت راحتى اكثر لما طلعت عنهم قبل لما ابغي اطلع انا وزوجي احس انى مقيده ويشوفونا نبغي نطلع ويعزمون انفسهم علينا باالموت نطلع وطبعا صارت لي مشاكل معهم واما طلعت حمدت ربي علي هاالنعمه
واتحدي اي وحده تقول انها ارتاحت معهم .
تخيلوا يابنات ام زوجي تدخل علينا باالشقه بدون ما تطق الباب بتقولون لي طيب ليش ما تقفلينه اقول اقفله بس زوجي الله يهدي يدخل ولا يقفله وانا احسبه يقفله من وراي ما ندري الا وهي داخله علينا اذكر مره دخلت
علينا وتمشي وعلي طول زوجي انحاش وراء الباب عشان ما تشوفه لانه ماكان لابس شوفوا الي وين وصلنا !!
لي رجعه بعد المشاركات تحياتى لراعية الموضوع .

رفع لعيونك حبيبتي

هلا فيكم..

مشكوره ام عجره على اضافتك..

صحيح الوحده منا تكون مقيده وماتكون لها خصوصيه وهذا من اسوأ النقاط اللي نحصلها بالمعيشه مع الحموله..

ننتظر اضافتك القادمه..

ومرحبا بالجميع