حياتنا بعد 10 كيف ؟؟؟؟

السلام عليكم ورحمة الله وبركاته
يعلم الله اني مشتاقه للكل بدون استثاء وعارفه اني مقصره وكثير صديقات لي اشتقت لهم هنا وهم عارفين نفسم مع اني عتبانه على وحده عزيزه على قلبي ومقدر مااذكر اسمها (xxxx ) ارسلت لك رساله وكتبت عنك موضوع ومدري انتي قريتي ومطنشه ولاصاير فيك شي !😢
عموما لو انك قريتي ولارديتي الله يسامحك قد ايش مشتاقه لك وربي يعلم كل يوم اقول بدخل واحصل لها رساله صحيح انشغلت بالفتره اللي راحت بسبب الجامعه وانه مجتمع جديد علي بس بين فتره وفتره ادخل ...... عموما ردي لو تقري رسايلي وموضوعي ترى اختك اشتاقت لك ولسواليفك كيف بقضي رمضان بدون مااكلمك 😢😢😢😢😢😢😢
ادخل بموضوعي مصدومه يابنات صار عمري 20 والله قبل شوي دخلت على موضوع بالمنتدى واطالع والا هو سنة دخولي للمدرسه 1424 حسيت بغصه وحنييييين اتمنى لو ادفع ايش وارجع طفله لان خلال فتره انصدمت من امور واشخاص الله يسامحهم احس خلال ال10 سنوات صار تغير فظيع من كل النواحي من ناحية العلاقات الاسريه والزوجيه والاصحاب والاخوان المشاكل كثرت وقل الاحترام وقل الحب والود والوصل والكلام الطيب كل واحد مستغني عن الثاني ببعض الناس تعرف عليهم في النت يمكن يكونصارولهاهل له واخوه بدل اهله الحقيقيين والله العظيم اني اوقات اقول وش بعد هالنعيم اللي احنا فيه والامن والامان وفوق ذاكله نقابله بقطع الرحم ونكران النعمةوالمعاصي ياليت كل واحد يدرك النعيموالخير والصحه اللي هو عايشها قبل يجي يوم ويعرف قدرها صح ....
لان عندنا وبلامجامله وكذب نكران واسراف وترف وهذا على وجه العموم وان كان البعض محترم وغير مسرف لكن اللي اشوفه والاغلب انا زي ماقلت الله يرحمنا برحمته ياليت ترجع ذيك الايام بلانت وبلاهم حتى رمضان تغير مو مثل قبل كيف كنا نشتاق له من قلب وهذا كلامي عن قبل 10 سنين يمكن البعض يضحك ويشوفني صغيره لكن اقسم بالله الحياه قبل 10سنين ولو انها قريبه بس كان لها طعم احسن من اللحين بكثير ...... مع تويتر وانستقرام وبي بي وواتس اب ووووووو الواحد ماعد يعرف حتى يجلس مع اخوانه الا مارحم ربي اوقات يجيني كره للجوال مو طبيعي لاني حاسه بتغير في الزمن والناس تغير فظيع كل ماهو للأسوا بشكل عام صح ان البرامج ذي لها ايجابيات لكن لها سلبيات فظيعه .... الله يرحمنا برحمته مادري كيف بتكون حياتنا في سنة 1447 هل بنكون على نفس مانحن عليه ولا راح يزداد التقاطع والكره والبغض والحسد ونسيان الجميل والمعروف وعقوق الوالدين والعداوه بين الاخوه ولا وش رايكم؟؟؟؟ انا يمكن زودت الموضوع لاكن صدق صدق يمكن بسبب اللي اشوفه في الجامعه من اهمال وعدم اهتما في المحاضرات وتساهل حتى الجوالات معانا في المحاضره احس هالجوال نص الوقت لومو كله عليه حتى على الاكل واموركثيره غيرها هو اللي دفعني اقول كذا ....... ودعواتكم بالتوفيق لي دنيا واخره