هاي صبايا كيفكم
جمعةامباركة اكليله

نانا وين الغيبة خبرينا اخباريك كيف؟
وردتنا يعطيكي العافية يا قلبي

اميس وينيك وهج كمان وينيك

هل طقطقت العظام والمفاصل اثناء المضي من اعراض الروماتيد ؟؟؟؟؟؟؟


ارجو الاجابه بأسرع وقت حتى الفك تصير له اصوات اثناء الاكل او التاؤب ؟؟؟؟؟؟؟؟؟؟؟؟؟؟؟؟ظظظ

ولله خفت من الاعراض المذكوره

السلام عليكم ورحمة الله وبركاته

احلى وردة الله يكتب لنا ولك الاجر والمثوبة يارب وماشاء الله عليك نبغى هكذا روح عالية الله يسعدك يارب اضحكي وفرفشي ووسعي صدرك يااختي ترى الدنيا ماتسوى اهم شي الاعمال الصالحه والصبر على البلاء وان شاء الله تجدين معنا الانس والسعادة وكل ماهو مفيد يكفي ان تجدي احد يسمع لك ويفهم معاناتك ويرفع معنوياتك الله يجزا جميع البنات خير ويشفيهن اجمعين ويحقق لهن امانيهن اللهم آآآآآآآآآآآمين

امون باسند وجودي ووهج ومن كوكب اخر انجوانا ووردة جارة المصطفى ووروز اهلا بكن واخباركن

نانا اهلابك وين الغيبة

صفوفه الله يتمم حملك يارب وبالنسبة للروماتيد يتحسن في الحمل بنسبة كبيرة جدا وممكن بعد الحمل ينتكس المرض ويزيد يعني خليك متابعه له مع دكتورك


اكليلة كلام موثر ورائع مشكورة اختي وجزاك الله خير


جلكسي ممكن يكون وممكن لا انت حللي عن الرومايتد وسرعه الترسيب وان شاء الله مافيك الا العافية


هموسة وينك ياعسل طمنينا عليك

صباح الورد على أحلى حريم وأحلى تجمع ..

أحلى وردة تصدقين والله انك احلى وردة من صدق ههههههههههههه ياشيخة هذي علامة محبة الله وهذي انجوانا قالت لك انها قعدت على الكرسي مرتين وأنا كمان ياستي انعقت تماما مررره وكانوا بيحملوني سنة كاملة بعدين وقفت باعجوبة بالأدوية والعلاج واتحسنت حالتي واللي يشوفني مايحسب ان معي روماتويد سبحان الله لكني تراجعت بسبب المشاكل وسوء الحالة النفسية والطلاق وانعقت مرة ثانية لما سويت الحمية واتوقفت شوية شوية عن الادوية قبل كم شهر ومن وقتها لحد الحين مازلت بلملم نفسي وبان علي التآكل في المفاصل وحالياً ياستي بستخدم النحل بخليهم يلسعوني والحمدلله فيه تحسن بس العافية شوية شوية والله كريم ..

ولاتستحين مننا احنا خواتك الكبيرة مننا اختك الكبيرة وبيننا بنات صغار زيك بس كلهم بيظرون على حسب ظروفهم الله يستر عليهم كلهم ..

إكليلة كلام في الصميم احنا محتاجين حد يسمعنا كلام زي كذا مع الوقت بننسى ونتوه وكمان النكتة حلللللللوه مررررره بارك الله فيك اكليلة ..

باسند ألف لابأس عليك طهور ان شاء الله انتبهي لنفسك ياحرمة ولاتتحملي خليها على الله الله يفرجها ..

وردة أنا لو كنت اروح مدرسة وادخل المجتمع كنت اتعرضت كثير للي بتتعرضين له بس انا اشتريت راحة بالي والباب اللي يجيني منه الريح سديته والله اني مرتاحة كثير بس لي صاحبات مقربات مني بحبهم ويحبوني متفهمين وضعي واحوالي واذا غابوا عني كثير بيتصلون علي بين الوقت والثاني حتى اقاربي اللي من بعيد مااختلط بيهم عشان اتقي اي شر يجيني منهم يعني انا من النوع اللي بيسمونهم (بيتوتي) بحب البيت وعاد ظروفي الصحية خلتني احبه اكثر بكون مستورة فيه من عيون الناس اللي مامنهم فايده غير الأذية ..