كوبونات الراقية تسجيل الدخول

rose44
rose44 •
a7la flawer a7la flawer :
مشكوره روز على طريقة العلاج ان شاء الله بسويها بس بدون رجيم لاني نحيفه مره بسألك عن الحجامه تصلح في الشتاء
مشكوره روز على طريقة العلاج ان شاء الله بسويها بس بدون رجيم لاني نحيفه مره بسألك عن الحجامه تصلح...
حبيبتي انا ماني متاكدة بس امي تقول ان الحجامة ما تصلح في الشتاء

و *****الله البنات يفيدوكي اذا يعرفوا
و كثير بنات في التجمع سوى حجامة وارتاحوا لها
rose44
rose44 •
وردة في عالم حواء وردة في عالم حواء :
مساء الخيرعلى الحلوات باسندمافيه شي يزعل حبيبتي انا احب المزح خذي راحتك انجوانامشكورة على الكاريكاتير -- والله يعيننا على البرد روزحميتك ماشاء الله مفيدة والله يقويك تستمري انا قلت لك ان مكملات ترفع الانزيمات والله اعلم بس الدكتورخاصمني وقال كلي خضاروفواكه بكثرة افضل من المكملات بس استمري على الحمية انا جابت فايدة معي بس ماعادقدرت اواصل -- اللي مارديت عليها ولاذكرتها رجاء لاتزعل مني دايخة نوم وبكرة السبت تعرفون تتعب نفسياتنا بعدالخميس والجمعة تحياتي للجميع وتصبحون على خير
مساء الخيرعلى الحلوات باسندمافيه شي يزعل حبيبتي انا احب المزح خذي راحتك انجوانامشكورة على...
فعلا وردة الحمية ممتازة لكن متعبة و يبغالها ارادة
والله ليه شهر مخربة الدنيا و مقهورة من نفسي بس ايش اسوي طفاسة :42:
و المكملات مريحة جدا للالم و كمان للجهاز الهضمي من يوم ما تركتها انواع المغض و الغازات و انتفاخ بالبطن مزعجني جدا
والله اعلم بس مستحيل ارجع لها عشان الغدد
وعلى فكرة بنات كل مكملات دنيا العلوي موجودة عند ارمال GNC من شركات ثانية

اسال الله العظيم رب العرش العظيم ان يشفينا جميعا
أمووون
أمووون •
نوسلا انا ماعاد برجع للأسئلة بجاوب بحسب ماأتذكر بالنسبة للمرض بدأ عندي سنة 2001م كان عبارة عن ألم في الركبة اليسار مستمر مايروح أللا اذا أخذت له مسكنات وكل مرة أروح للدكتور يقولي التهاب ويعطيني دواء الظاهر انه مسكن بمجرد ماينتهي الدواء ترجع الآلام ..

واستمريت على حالتي هذه سنة وكم شهر الدكاترة بس يعطوني مسكنات وفي الإمارات كل مافحصوني يقولون لي فحووصاتك سلبية يعني ما في شي واااضح وسووا لي فحوصات حقت أمراض ثانية مشابهة زي الذئبة الحمراء ومابين شي وبعد سنة وكم شهر قالي الدكتور الاعراض تشير الى انه عندك الروماتويد المفصلي وكانت هذي اول مره اسمع عن هذا المرض وأنا كنت بفتكره روماتيزم، اللي حصل اني خلال هذي السنة كانت نفسيتي جدا تعبانة والمرض كان يزيد فيني وينتشر بعد كم شهر صارت الركبة اليسار وصرت أتعب يوم أطلع الدرج وبعدين انتقل للاكواع ..

أول شي عطوني اياه الكورتيزون شربته وحالتي انقلبت كأني ماكنت أعاني من شي لكن طبعا اتخبطت وكنت اتوقف ماآخذه لاني كنت احس نفسي بخير مايحتاج أستمر عليه عشان كذا انتكست صحتي وتدهورت لين انعقت وصرت طريحة الفراش سنة كاملة أبكي وأتألم يوميا أهلي ماعرفوا يسوون لي شي وأنا ماكنت قادرة حتى أفكر ايش أسوي ..

بعد كذا انتظمت على العلاج وصرت أشرب الميثوتريكسيت والبلاكونيل واستقرت احوالي شوية شوية واعتمدت على نفسي واشتغلت واتزوجت لكني تعبت كثير في زواجي خاصة ان زوجي ماكان يقدر ظروفي ووضعي واتطلقت لكني مع الحالة النفسية السيئة اتدهورت صحتي شوية شوية وزادت كثير قبل كم شهر يوم اتوقفت عن أخذ الأدوية الظاهر ان المرض كان نشط عندي وأنا غلطت اني وقفت الأدوية بسرعة الحينه رجعت آخذ الميثوتريكسيت بس صحتي ماهي زي اول لان التآكل بدأ في مفاصلي وأصبحت احتاج لمضاعفة الأدوية ومؤخرا لجأت للحجامة ولسع النحل لعلها تخفف من التآكل وهذا العلاج يحتاج وقت وأنا حاليا مااقدر أغادر البيت لاني ماأقدر أعتمد على نفسي دائما بحتاج حد معاي أخاف أطيح ماعاد بقدر أقوم لازم حد يشيلني ..

أدويتي حالياً حبتين سلفاسلازين يوميا واربع حبات ميثوتريكسيت اسبوعيا وحبة بريدنزلون مع الفوليك أسيد، وبستخدم دواء طبيعي مصنوع من عرف الديك عشان يعالج التآكل وكبسولات زيت كبد الحوت وباكل العسل والحبة السودا.
أمووون
أمووون •
على فكرة بنات أنا هالحينة المرض متركز اكثر شي عندي في مفاصلي الكبيرة أصابعي ماعاد تورم زي اول صارلها فترة طويلة بس التعب عندي اكثر شي في الحوض والاوراك والركب ومفاصل الأكتاف واليدات ..

وماأعرف ألم الفك مااشتكيت منه أبدا وكمان رقبتي زمان كانت توجعني لكن الحينه الامور طيبة ان شاء الله ...
*judy*
*judy* •
هاي صبايا كيفكم اخباركم ماشاء الله في جرجر واجد صديق انا مافيني رد عالكل هيك اعذرونيمشغولة كنت تعبانة كتيييييييييييييير اخدت ابرة ديبروفس امبارح
\
وين الاستبيان تاعي زي وردتنا يالله بستنى تقيموني مو تخربوها هههههههههههههههه
امزح خدو راحتكم يا عسولات بكل صراحة


1/ متى عرفت أنك مصابه بالروماتويد ؟
من قبل 13 سنة
2/ ماهي الأدوية التي تستخدميها ؟
بريدنيزيلون وافارا واحيانا مسكن عند اللزوم
3/هل مستمرة عليها أم فترة نشاط المرض وبعدين تتركيها ؟ وكم فترة الاستمرار عليها شهر أو أش
كنت زمان فترة نشاط المرض بس هلا ملتزمة بس ازا حسيتو نام بخفف دوا
4/ التحسن إذا كان هناك تحسن ؟ أم لا؟
الحمد لله التحسن
5/ أخف المرض أو أعراض الدواء ؟
بتسمعي بالمثل شهاب الدين اضرب من اخية هيك الاعراض والمرض ههههههههههه
معدتي فيها حرقان بس مو دايمامن العلاج وشعري يتساقط بس استعملتو حبوب خف وعيوني وبشرتي جافه رغم انها دهنية ويمكن جو الرياض بزيدها
حياكم خواتي واللي عندها زيادة في الاسئلة حابه تضيفها لايرده الا الكيبورد