كوبونات الراقية تسجيل الدخول

أمووون
أمووون •
والله شوقتوني بنات لليزر وعمايلة معكم الظاهر اني بفكر فيه بس لازم أجمع المعلومات عن التكاليف وياريت توصفولي وين بالضبط عنوان عيادة الدكتور ضياء هذا، أنا بجمع المعلومات واللي فيه الخير يكتبه ربنا ..

فتاة الشملي وافيني بالمعلومات بارك الله فيك ..
وهج المساء
وهج المساء •
أمووون أمووون :
والله شوقتوني بنات لليزر وعمايلة معكم الظاهر اني بفكر فيه بس لازم أجمع المعلومات عن التكاليف وياريت توصفولي وين بالضبط عنوان عيادة الدكتور ضياء هذا، أنا بجمع المعلومات واللي فيه الخير يكتبه ربنا .. فتاة الشملي وافيني بالمعلومات بارك الله فيك ..
والله شوقتوني بنات لليزر وعمايلة معكم الظاهر اني بفكر فيه بس لازم أجمع المعلومات عن التكاليف...
هلا امون
اللي يبغى ليزر ما يحتاج يجمع معلومات بالعكس يحتاج يجمع فلوس

وربي فلسنا علشان كذا رجعت الان لمستشفى الحرس حكومي

لكن الشهادة لله انا ارتحت على الليزر يمكن لأني عملته ببداية المرض بعد شهر من عرفت بالمرض

وان شاء الله يفيدكم كلكم يا بنات
خلو املكم بالله كبير
وهج المساء
وهج المساء •
جودي كيف وصفي ان شاء الله تمام

وربي اني حبيتكم كلكم
أمووون
أمووون •
جودي ياجودي ياجوووووووودي الاول خليني أعبر لك عن إعجابي بأجوبة وهوووووجة ماشاءالله عليها وعلى تعابيرها ههههههههههه عجبتني حكاية حبيبة الملايين ومعشوقة الجماهيرررررررر ..

أنا لو مكانك جودي كان نزلت الدمعة وبكيت اللـــــــــــــــــــــــــــــــــــــه ماأحلاه من شعور ان الناس توصفك بوصف طيب والله تغور الدنيا باللي فيها اهم شي الواحد يترك انطباع حلو والناس تذكره ذكر طيب وهذا باقي جودي ..


شوفي انت شخصية حساسة بس مش جداً زي وردة انتي شخصية حساسة ومتسامحة وبتعقليها وقوية ماشاءالله عليك بتتحملي وتصبري وتصابري وبتستمري ف الحياة، شاطرة ومطلعة وفي البيت كمان ست بيت شاطرة نشييييييييييييطة وفنانة وكلنا شفنا مائدتك ماشاءالله عليك .. ماأظن انك من عصبية كثير زي وردة لكن مايخلى الامر انك بتعصبي بس على اولادك احيانا لكن عموما مابيبين عليك انك من النوع العصبي مع الآخرين .. أكثر شي عاجبني فيك انك نشيطة ومواظبة خاصة على الرياضة وحبوبة بتميلي للفرفشة والضحك دمك خفيف ماشاءالله، شخصيتتك مع الناس هادئة ..

شكلك بالنسبة لي أنا طويلة انا طولي 153سم وجسمك متناسق ووزنك حلو متناسب مع طولك هذا واااضح وبيضاء أكيد حنطية مايلة للبياض بس فاتحة أكثر عني وعن وردة ههههههههههههههه ان شاء الله وردة بس ماتزعل مني يادي النييييييييلة ههههههههه المهم شعرك ناعم كاريه وانتب بتحبي اللون الكستنائي ذكرتي لنا ..

انتي كمان صديقة وفية زي وردة وأنا بحس انك عندك صفات حلوة نادرة زي انك مابتحقدي على حد ومابتبغضي حد أهم شي عندك بيتك عيالك وزوجك هم كل حياتك ..

قوية الشخصية انا بعطيك يووووووووووووه نسيت كم عطيت وردة، بس انا نقصت وردة في قوة الشخصية لاني اعتبرتها بتعصب ممكن تعصب بسرعة وبقوة وتاخذ مواقف قوية ممكن احيانا يكون مالها داعي لكن جودي ماتعصب مع الناس عامة يمكن عشان هي ماتعطي كثير زي وردة لان وردة قالت انها اذا صادقت بتعطي كثير عشان كذا اذا عصبت بتعصب بقوة وبسرعة حساسيتها زيادة شوية. اعطيك على قوة الشخصية جودي 7 من عشرة لاني بعتبر قوة شخصيتك في صبرك وتحملك ومثابرتك واجتهادك في حياتك عموما ..

جودي لاخلاف عليها عشرتها طيبة جدا وتتحب بسرعة ويفرحنا ويبسطنا انها تكون صديقتنا واخت لنا وأنا احبها كثييييييييرررر وبستفيد من صداقتها لي لانها بتعطيني طاقة وبتحمسني على الصبر والمقاومة وكمان بتدخل السرور لنفسي بحلاوة طبعها وفرفشتها وكمان بستفيد من علمها وخبرتها بصراحة صداقتها مكسب ..



وبغيت أعقب على وردة وكلامها عن نفسها هي وصفت نفسها زي ماأنا متخيلاها بالضبط بس هي زادت انها لما بتصادق بتعطي وتقدم كثيييييرررر ومن قلبها وياريتها قالت لي من اول كنت قلتلها خليك عاقلة فلاتبسطي يدك كل البسط عشان بعدين ماترجعي تندمي فالله سبحانه وتعالى خلق الشر 90% ، وكون شخصيتها معطاءة فهذي برضه ميزة نادرة.. وبالنسبة للعصبية فكلنا عصبييين وانا يوم اتعصب هنا في البيت بكره نفسي لاني ساعات ماأقدر أممسك لساني..

أمووون
أمووون •
ياحيتين وهوووووووووووووووووجة وصفك صراحة أبهرنيييييييييي عليك تعابير ياشيخة تهد الجبل ماشاءالله عليك لاقوة اللا بالله ...

بالنسبة لليزر اذا الآلام بترجع ثاني وثالث وبعدين مابتروح فبلاااااااااااه بتكون خسارة على الفاضي لكن اذا انتظمت في شي جلستين او ثلاثة لكن الآلآلام يروح على الاقل نصها والورم يخف وحركتي تتحسن واعتمد على نفسي فأنا بدرس الموضوع وبشوف الخسارة اذا أقدر عليها ..


على فكرة بنات أنا بغيت أبشركم أني اليوم بس حسيت بفرق في كتفي بس أيييييييييييه النحل اللي حطيته فيه لاتعدوا كثيييييييييررر ، كل مره احط واحس الكتف مكانه ماااقدر ارفعه فوق ولا اقدر استعمله لكن اليوم احس الموضوع أفضل خلوني اعطيه نسبة تحسن 50%، يعني اني عادني احتاج ألسعه كم مررره حتى اقضي على الخمسين في المية المتبقية بس لله الحمد انا كذا مبسوطة لانه كان مسويلي كوابيس انه خلاص اتآكل وماعاد بيطيب ..

واشوفكم على خيييييييير بكرى ان شاء الله ..

بااااااااااااااااااااااي