a7la flawer :

اهلين ورده حرام عليك ماحب التقسيط بس غدانا كاش مافيه تقسيط يعني بيروح علي المهم: عدت لكم وين وصلنا اممممممم ايه عرفت نكمل لكم ماتبقى من القصه اكتشفوا ان فيني فقر دم ونقص فيتامين ونقص كالسيوم ووووووووو الخ المهم مرت حياتي عادي لين صار عمري 16 في اولى ثانوي صار الانحناء واضح يعني كتفي اليمين اكبر من اليسار بشوي بعدين وداني ابوي لعياده ثانيه حقت عظام بس وقرر الدكتور انه يركب علي جبس حسبي الله على هذا الدكتور ان شاء الله كان صيف وحر وركبلي جبس لمدة 3شهور طبعا جلست شهرين و10ايام وفكيته إنا بنفسي بدون مايدرون اهلي الحمد لله ماصابني كسر والا شي بس عشان مااروح به للمدرسه ثم بعدها خلاص بدت فيني اعراض مثل إني اذا شفت الدرج في المدرسه يضيق صدري منه واني دائما جالسه او منسدحه بعد ماكنت نشيطه و(سوسه) عاد بختصر لكم عشان تعبت من الكتابه إني ركبت حزام مثل ماقال الدكتور السعودي الله يجزاه خير يوم كان عمري 13سنه ركبت حزام من عمري 15سنه لين18سنه عمرك18سنه وبعدين صرت اطيح في أي مكان مره في السوق ومره في الشارع كثير ....... المهم إني طحت في المدرسه قدام الطالبات والمعلمات بعدين نفسيتي صارت زفت والمعلمات يقولوا لي حولي انتساب عشان غيابي كثير ومستواي الدراسي نزل واتزوجت بنت علمي معي في الصف وفصلي في الدور الثالث وبعدين جلست عن المدرسه ثم دخلت مستشفى الى هو مدينه سلطان بن عبدالعزيز للخدمات الانسانيه كنت داخله امشي بعدين خرجت بكرسي متحرك عشان صار فيني مرض بالاعصاب وماينفع تجهدين الاعصاب ابدا وهم كل يوم يسون لي تمارين وعلاج طبيعي لين صارت الحركه صعبه علي يعني امشي مسافات قصيره بس وبعدين حاولت اكمل دراستي ماقدرت يعني في الامتحان يجيني مصيبه يعني اما اطيحوتنزوي رجلي او يطيح على شي المهم إني مصره اكمل لانه مابقالي إلا سنه الى الان وان ابغى اكمل وبعد فتره جاني الم في المفاصل واهملته وبعد فتره اتورمت وحولي دكتوري الي اعالج عنده للروماتزيوم وبعد تحاليل واشعه وسحبوا من كوعي عينه صار فيني روماتويد والحمد لله على كل حال هذي قصتي باختصار مره (اجل لو قايلتها كامله) وانا إلان على كر سي متحرك يعني معاقه عن المشي وارجوا منكم انكم ماتستاؤن مني وتقبلوني صديقه بينكم انفعكم وتنفعوني واهم شي الترحيب والقهوه والشاي ومستلزماتها يله منهي اول وحده وسلامي لكل وحده متابعتني والله يشفينى جميعا ويشفي كل مريضه ومريض

اهلين ورده حرام عليك ماحب التقسيط بس غدانا كاش مافيه تقسيط يعني بيروح علي المهم: عدت لكم وين...