حياتنا صارت خاليه من الفرح والمشاركه والبراءه بسبب الخوف من العين

هلا 00العين حق وذكرت بالقران والكل مؤمن فيها 000وهي حقيقه مسلم بها 000كل هالمقدمه عشان ماتجي واحده وتقول انتم ماتؤمنون بالعين وتحطلنا سالفه طويله 00لكن ابسا ل سؤال لاي درجه الخوف من العين مسيطره على حياتنا اللي لاحظته ان الخوف من العين ماخذ كل حياتنا ومسببه شلل بحياة كثير منا 00تلقون الواحده ماتتكلم باي شي مفرح بحياتها سواء مع زوجها00اطفالها00نجاحاتها00كله تخاف لاتجيها عين 00مجتمعنا طلع بهالطريقه مجتمع متكهرب مضغوط مليان عقد ليش لان الام تنبه بنتها انتبهي تتكلمين بخطوبتك 00الزوجه تحذرزوجهالاحد يعرف بترقيتك 00الاب يخفي تخرج ولده من كلية الطب 00اصبحت حياتنا عباره عن ممنوعات كثيره المسموح فيها قليل صارت خاليه من الفرح من البراءه من المشاركه بافراح الاخرين وحتى مشاركتنا بافراحنا 00الكل يفرح لوحده فرحه خاليه حتى بعض الاحيان من الاخوان والاخوات 00البنت اللي عمرها 7سنوات تخبي اي حاجه حلوه صارت لها تخاف من العين بتوصية امها لاتتكلمين لاتقولين 00ليش قتلتوا اجمل شي بهالدنيا اتمنى يوقف الخطا الكبير هالخوف اللي قيدنا بسلاسل وخلى مجتمعنا الصغير والكبير تتحكم فيه مخاوف رهيبه من العين زرعتها الام والزوجه 00يا ام يازوجه 00المجتمع قايم عليك خففي من مخاوفك 00توكلي على الله 00قولي اذكار الصباح والمساء مايضرك شي باذن الله عودي اللي حولك بقراءة هالاذكار 0خلوا عندكم ايمان بان الله هو الحامي وانه عطانا حل لمخاوفنا وهي الاذكار 00تكفون من اليوم ورايح تحرروا تكلموا باللي تبون عبروا عن افراحكم نجاحاتكم احلامكم 00خلوا عنكم ايمان بان المكتوب راح يصير حتى لو طلعتي حاطها نظام استخباراتي اشد من الموساد يضمن عدم معرفة الناس باللي تحققينه من نجاح سواء انت او عائلتك 00صح العين حق لكن العلاج بيدنا الاذكار 00والللي يخاف للاسف انسان ماعنده توكل صادق على الله 0