حياتنا فوق تحت انقلبت بسبب.......

مساء الخير كيف حالكم ان شاء الله بخير
بدل بالسالفه على طول من دون مقدمات انا الله يسلمكم بالبيت عندي بس اخت وحده والثانيه صغيره مره اختي الاولى اكبر مني جاء ذاك اليوم ودخل علينا اخوي وقال انا قررت اتزوج طبعا بعد زن وحنه ورنه طول الوقت عشان يتزوج اهو مو الولد الوحيد غيره ثلاثه اهو اكبرنا الباقين واحد بالجامعه والثاني يشتغل والثالث بالمدرسه
طبعا بدينا رحلت البحث عن هالابره لان من جد ابره في كومة قش يالله ياله نلقى كان البنات خلصوا امي من جه واختي من جهه وانا كذالك من جهه طبعا احكي لكم عن اخوي اخوي واختي الكبيره كانهم توام طول الوقت مع بعض بالغرفه على ضحك واستهبال واسرار اختي تعرف عن اخوي كل شيء واخوي مثل اخوي بالتسعه وعشرين واختي 21 يوم تزوج الللحين لا كبير اخوي مره طيب كانه ابونا الثاني اهو اللي يودينا ويسفرنا ويجيبنا جلسه من دونه ولا شيء ابدا لدرجه اننا ما نستحي منه بالليل تلقونا سهرانين اوقات مو دائما على رقص واستهبال وضحك ونحشات من البيت للمطاعم من ورى ابوي واهو اللي يقننع ابوي بكل شيء نبيه من غير سفرياتنا يعني تجمعنا ذكريات مره حلوه دائما كان يقولنا ابيكم احسن البنات واحسن البنات باللبس واحسن البنات اخلاق ما يحب احد يزعلنا




لقينا العروس تصير اخت صديقتي صار لي معها صديقات فوق العشر سنين قلنا له عن العروس وانبسط وصديقتي قال اذا عجبتكم اخلاقها وجمالها على خيرت الله توكلنا على الله وخطبناها وافقوا ومن بعدها صديقتي انقطعت علاقتي فيها صارت ما تدق ولا ترسل واذا دقيت صرفوني اهلها بعدها قلت بكيفها حره والله اللي ما يبيني ما أبيه
المهم فترة الملكه والخطوبه زادت علاقتنا فيه يشهد علينا ربي لما جينا نختار الشبكه قلنا له نبي احسن شبكة تلبسها عروستك يقول لنا هذا غالي نقول لا حرام عروس خليها تفرح جينا ناثث البيت شقه احسن أثاث حطيناه يعصب علينا اوقات يقول والله لوها اختكم ما دافعتوا عنها كذا يقول هذا الكنب غالي نقول لا حرام عروس جديده تحب الشيء الحلو من غير هدية امها وابوها يعني ما قصرنا اللي نتمناه لأنفسنا حطيناه لها باعتبار انها راح خلاص اخت رابعه لنا
حى اوقات نقول يا ربي متى يجي عرسه عشان نسهر معها ونطلع معها ونوريها اغراضنا وتنوم عندنا وننبسط مع بعض (يا ليتنا ما حلمنا )
تملك تملك من هنا انقلب الولد فوق تحت تغير مليون درجه علينا تخيلوا يوم الملكه يقول لأمي لا تدخلون علي ولا اشوفكم بالمجلس وانا اشبكها فهمتوا يقولها بعصبيه أحنا استغربنا وينه اخوي الي يقول ما اشبك مرتي الا وانتوا معي وجنبي قلنا يمكن تعبان نفسيا من الزواج عذرناه
جاء ذاك اليوم وانا توني راجعه من المدرسه الا أشوف اخوي داخل علي وعيونه نار وشاعله قلت وش فيك معصب من اللي مضايقك قال ليش تقولين لصديقاتك كم مهري ومن وين شريت شبكتي قلت له والله ماقلت شيء واروح ثاني يوم للمدرسه وأسأل وحده من صديقاتي قلت مين اللي قالكم كم مهر اخوي ومن وين شرينا شبكته قالت فلانه قال لنا اللي اهي اخت مرة اخوي اللي قبل كانت صديقتي انا هنا خلاص خنقتني العبره اثاري زوجه اخوي دقت على أخوي وقالت له ان اختك رايحه ودايره على بنات المدرسه ومعلمتهم بكل شيء قالها اخوي وش دراك قالت اختي تقوله يعني البنت كذبت وقلبت كذبتها علي وقالت انا اخاف من العين وليش اختك تروح تحكي جاء ثاني يوم قلت له رح تاكد واذا جائكم فاسق بنبا فتبينوا قال وش تقصدين قلت أسال زوجتك من اللي طلع الكلام صدق قالها ان اختي حلفت لي انها ما قالت شيء قالت اسفه ما كنت أقصد بس طلع الحكي اللي قالته اختي واختي كذبت علي وانو ابوي ضربها وقالها لا تحكين باسرارا اختك ليني انا خلاص تعبانه ايه اقولكم تراه مد أيده علي لا عرف بالموضوع لما طلع قال لامي انا اسف ما كان قصدي اضربها وقال لامي وش قالت زوجته ان اختها اهي الي طلعت الحكي سفهته وطنشت ولا جاء يتاسف لي قلت ما يخالف
جاء يوم الزواج وياليته ما جاء قالوا لنا ان اللاطفال ما يدخلون قلنا احنا اصلا عائلتنا ما يجيبون عيالهم هالحرمات ما يسووونها الا اللي ما عندهم ذوق قالت امها اشوى لما جاء الزواج 11 بنت طفله جايينا اسالهم انتوا من بناته يقولون احنا تبع العروس انا انهبلت اللحين وين الحكي اللي قالوه طنشت وقلت كلن يعمل بأصله فوق هذا كله لقينا نهم شايلين اسم امي ببطاقة الزواج وحاطين اسم جدتها بدل امي يعني البطاقات اللي توزعت على ااهلنا فيها اسم امي اما بطاقات اهاه ممسوح يعني كانهم اهم الي حاطين العرس
جت امه كلها شر من اول ما دخلنا وعيونها بفساتننا ولبسنا وطقم امي وتتكلم بغرور وكبرياء
قالت لامي ما تدخلين على ولدك مع بنتي امي قالت عيب مو هذي عاداتنا لازم ادخل اشوف ودي وابارك له
بعد محاولات دخلنا سلمنا قدمنا الهدايا وطلعنا وانا خلاص خانقتني العبره فجاه الا اخو العروس يدخل علينا واخنا بفستنا وعاري لبسنا لبس سهره جت اختي تتخبى ورى اخته الصغيره اخته الصغيره تسوي نفسها تستهبل وتبعد عن اختي طبعا هالحكي صار بالغرفه الثانيه اللي مو فيها اخوي قلنا ما يخالف ما عليه طنشنا وقلنا الله يعدي هاليوم عل خير
سوينا زواره كبيره عزيمه لها دقينا على امها وعزمنا امها وعماتها وخالاتها وقلنا لامها جيبي معك من يعز عليك طبعا اهلها سوو عزيمه قبلنا وما عزموا احد من قرايبنا بس انا وامي واختي وحتى الرجال نفس الشيء
العزيمه كل شيء حطيناه فيها قلنا نبي نبيض وجه مرت اخوي عند اهلها
دقت امي على امها وقالت من يبي يجي معكم عشان احسب حسابي بالعشاء والحلويات قبل العزيمه بيومين قالت بس عشر قالت امي اكيد قالت اكيد
قبل العزيمه بيوم جتنا العروس سالنها من بيجي معكم مره ثانيه قالت بس عشر ويمكن بعد سبع
حجزنا كل شيء على اساسا عشر بس الحلويات والكيك والمعجنات والموالح كثرنا كل ما كثر الشيء كل مارها واحلى والبوفيه يكفي اربعين حرمه احنا عزمنا من جهتنا عشرين حرمه
يوم العزيمه فجاه الا يدخل علينا من اهلها عشرين حرمه او اكثر شوفوا الصدمه
حتى القهوجيات يقولون لامي ليش ما قلتي لنا نجيب صبابات اكثر المجلس امتلى اهلنا طلعوا بى على العشب دقينا على المطعم وقلنا نبي الاكل دبل قال خلاص بس تدفعون لي اكثر من قيمته قلنا ما يخالف
طبعا خلينا الوضع قدام الناس عايدي ولا كان فيه شيء امها تناظرنا تبي تشوف عل وجيهنا مبين شيء احنا ما حسسنا ان فيه شيء امي عازمه ناس على مستوى تفشلنا عندهم
فوق هذا بناتهم الحمد لله ثنتين ثنتين بالحمامات وش يسوون الله واعلم ويناظروني انا واختي نظرات استحقار بنات عمها وخالها حتى عمتي سالتني وش يسوون ذولي بالحمام قلت يزينون مكياجهم قالت ما فيه مرايه بالحمام قلت مدري يمكن وحده منهم سحابها مقطوع واضحك
اهي امها انهبلوا على الصواني اسمعها تقول بنتها انتي قايله لهم اننا بنجيب عدد كبير قالت لا قالت اجل لي الصواني كثيره الحلويات قالت مدري يمكن كذا عاداتهم
لما دخلوا على البوفيه حث ولا حرج قرف تخيلوا صحونهم مقلبينها لما خلصوا من العشاء

طبعا بيدخل بعدهم عماتي وخلاتي واقاربنا لما دخلوا انصدموا عاد تشوف امها ختي واهي تطلع الصواني والمحشي الصحون الثاني من تحت الطاوله جت وطلت وقالت لاختها لا بوفيهم مثل البوفيه اللي كليناه بالله وش دخلها والا الطاولات حوسسه وعععععععععععععععععععع

جاء ثاني يوم دقت امي وعاتبت امها وقالت ليش ما قلتي لي حطيتني بموقف محرج قالت ما دريت ان اهم بيجون الا العصر قالت امي كان دقيتي العصر وقلتي لي هزئة امي سفهناه جاء اخوي الحريمه وقال ليش تسبون امها ليش تحكون فيها ليش وليش
قلت اقول خلاص عاد وصل لحد هنا وكفايه قلت له لو انت رجال ما سمحت لاخوها يدخل على اختك وانت ساكت ولا تحركت لو انت رجال ما ضربتني عشان كذبه كذبتها مرتك لو انت رجال ما جيت لامك وقلت تاسفي لمرتي لانك فلتي لها شعرك شوي وروحي لدكتور عشان يعطيك ادويه لشعرك وانت تعرف وش نيت امي بالموضوع تبي لها الزين اهو منصدم لان عمري ما وقفت بوجهه


من بعد ذاك اليوم اللي دخلت بيتنا توالت المشاكل اختي اللي روحها وقلبها خوي متضاربه اهي واخوي صار لهم سنتين بس سلام وامي بنته ولدت ما شفناها جلسنا سنه ما نعرف شكل بنته اهي محيناها من حياتنا قلنا معاد تدخل بيتنا وهي ماده يدها على امي واختي لا تنصدمون ماده يدها على اختي واتهمت اختي انها تضربها مع بطنها تبي تسقطها واختي ما سوت شيء تغار مننا بشكل مو طبيعي اي لبس تشوفه تجي لاخوي تقول ابي مثله لدرجه ان اخوي يقول لاتلبسون عندها شيء وحنا نقهرها ونلبس ونتشيك عندها من غير حركاتها الوسخه اللي ماتلح تسويها الا وحده بغرفتها مع زوجها تلعب الحلاوه قدام زوجها واهو يضحك واختي الصغيره تقلدها تحسبها حركه زينه
لبسها اللي يفشل عند الناس
من قوة عينها تحضر عزايمنا واهي ما تدخل بيتنا ولا فوق هذا ما تحاكينا على الاقل قدام الناس عيب الناس مستغربين مو العزاييم اللي ببيتنا لا مثلا عزيمه عند عمتي تروح واحنا صار لنا سنتين ما نحاكيها ولا تزور ابوي من ورى امي وتدخل بيتنا لين طلعنا من البيت ترى المشاكل اللي كتبتها نقطه ببحر مشاكلها اللي ماتخلص

بيتنا اللي الكل يتمنى دخلته والعيشه فيه صار ما ينطاق امي بتموت تبي تشوف بنته واهي ولا همها
جاب لنا بنته شفناها والله هدايا لها بثلاث الاف شرينا بس هدايا وذهب جاء العيد رمضان اللي راح رحنا شرينا لها من محل مره حلو للاطفال لبس لاننا نعرف ذوقها مو حلو قلنا بنشتري اللبس لان هالمره بتروح معنا البنت للعيد واهلنا اول مره يشفونها شرينا لبس بخمس ميه جاء العيد عطيته اللبس تخيلوا ما لبستهياه ملبستها لبس وععععععععععععع حتى الورد اللي بالبس معفط مبين ان اللبس مكروف ولبس البنات اللي بعمرها بعايلتنا يجنن اناظرها واناظر لبس البنات الثانين وانقهر حتى ذهب ما لبست ملبستها اكسسوار مع انها تدري ان اهلنا ما يلبسون بناتهم اكسسوار ما يلبسونهم الا ذهب والماس قلت لاخوي ليش ما لبستها طقم اللي اهدتهياه امي قال زوجتي باعته قلت ايش قالت احتاجت وانا مسافر وباعته يعني خلص الذهب ما لقت الا طقم البنت ولا اللي هديه من امي مع ان امي محلفه اخوي ما يبيعه وقدامها طبعا امس لقيت كيست اللبس مرميه بشنطة السياره وحتى ما فكت ورقتها حرام من العيد واهي بالسياره
بالله يا ناس وحده مثل هذي وش نسوي معها خلاص حسبي الله ونعم الوكيل فيك انتي وابوك اومك واهلك الله ياخذ حقنا منكم يارب تراها تتابع عالم حواء الله ياخذ اخذ عزيز مقتدر