حياتنا كلها صارت كلام الناس ,, كلام الناس ياربي وش هالأستغلاليه

الأسرة والمجتمع

السلام عليكم ورحمة الله وبركاته

صباح الخير
وحياكم على قهوة ريحتها تعدل مزاجك وتدخل كلامي في مخك

لانه موضوع يجيب الصداع والقهر والمغص ويرفع الضغط ويمكن تكفخين اللي بجنبك

ياناس انتم مثلي والا بس انا
صرنا نعاني كلام الناس وكلام الناس
لاتسوين لاتفعلين عشان كلام الناس
اسكتي عشان كلام الناس
لاتخرجين لا تلبسين كذا وش يقولون الناس
اسمعي والله ودي اسوي كذا بس الناس ياكلوني بقشوري


حياتنا لها ريموت كلام الناس كلام الناس

ياربي وش هالحال اللي عايشين فيه بس كلام الناس هو اللي يهمنا
حتى لو يضرك هالشيء اهم الشيء الناس ترضى
حتى لو مو بصالحك بس عشان الناس تسكت وتنقطنا بسكاتها


وربي اعطيناهم اكبر من حجمهم بكل شيء تدخلوا
بالصغيره والكبيره واللي يسوى ومايسوى
مابقى الا بطنك بعد وش تاكل وش تخلين
لا والله اظن حتى الاكل تدخلو فيه

وحده مسكينه فلوسها على قدها وحالها ماشي
تروح تتسلف وتتعب بس عشان تلبس اللي يعجب الناس للاسف يمكن عليها مو بلايق ويخرع وين قناعتك وشخصيتك التغت عشان خاطر حكي الناس

والا ذيك المسكينه تقولك وربي ماودي اتعب واسوي فرح كبير لولدي واهل البنت موافقين
وبودي فرح على قدنا لكن الناس ياكلوني بقشوري
وتعالي راح يعيبون على كل صغيره وكبيره ويخلوني حادثة العصر

وربي لو سويتي في افخم فندق وقاعه وافخم الحلويات وافخم البوفيهات
يالكلام صاكك صاكك وبيلحقك لو ترجعين بطن امك مامنه مفر:024:
رضى الناس غاية لا تدرك


تجي تصك امك الثانيه بهالسوالف اللي تزغلل عيونك:rotaeye: وتوقف قرونك:30: ودك تتضاربين معاها ومع هالناس:angry2:

والله يااختي انا عادي عندي تزوجت ماتزوجت وراضيه بنصيبي ولاني محتريته جاء جاء ماجاء وربي راضيه
لكن الناس وربي كاني فيني عيب بنظراتهم ونغزاتهم وكلامهم اللي يجرح ودي اتزوج وافتك:32: من كلامهم بس اي واحد يجي عشان اسد حلوقهم

لا بالله انكد عمري وعيشتي عشان اسد حلوقهم اللي مارح تنسد:08: لو تتزوجين اطلق واحد وربي لايطلعون العيب من اظفر رجلك الصغير
ولا تشوفين البنيه لغوا شخصيتها وطمسوها من جغرافية الكون بس عشان كلامهم
و عشان ترضيهم ترضي نفسها باي شخص خلاص ايه انا موافقه
ومين الخسران وربي هي وهم مادروا عن سابع جدها

لا اسمعي الثانيه مدري خبري القصه العاشره ذي معلينا
تصدقين ودي البس واتكشخ واتمكيج واخرج وازور الناس واصير اجتماعيه واسوي اللي ابيه بس خايفه من كلام الناس:a_smil17: ليه بسم الله
يقولون تطلقت ومسيكينه ماهي قادره تصبر وتقر في بيتها جالسه تدور لها رجال وماتستحي ومدري وشو
وش يعني تطلقت يعني خلاص ادفن نفسي وانهيها
والا عشان ارضيكم ارضى بالغم والهم مع ذاك الرجل لين اخسر شبابي بسبة كلام الناس لو تطلقت بس اهم شيء ارضيهم ومااتطلق
معادله مستحيلة الحل كلام الناس

والثانيه والله تصدقين مالي نيه اصلح بيتي واغيره الحمدالله جديد ومابه شيء وراضيه عنه بس يااختي جاراتي واهلي راح يدخلون علي معقوله لازم اغير عشان يعجبهم بيتي
لو تنفضين ابوه نفض وتجيبن ديكور اسباني متخصص
من عندي اسباني مدري خبره بالديكور وإلا لا المهم
يغيره لك مارح يعجبهم عجب والاصيام برجب

منهو عايش بهالبيت انا والا هم دام مريح اعصابك وش لك بالناس وكلامهم

ياربي صارت كل حياتنا ترسمها كلام الناس
وربي ماعادها عيشه ولا حياه
ومحسوبتكم صارت فيها هجمه مباغته عنيفه من هالكلمه:angry2:
كل ماجات سولفت معي وحده وجابت بس طاري كلام الناس
هبيت فيها تقولين وحش
وش لك من كلام الناس ياختي عيشي حياتك باللي يرضيك انتي عسى عمر الناس مارضوا عني
ولا عجبهم شيء فيني لانه مايملي عيونهم غير التراب وربي


هذي الهذره كلها وانا اختكم بوصلكم شيء
ليش انا وانتي واختي واهلي واخواتكم وعمانكم وخيالانكم والقبايل كلها سمحت للناس تتمادى بحكيهم ولا بعد يزعلون لو ماسمعت كلامهم

بالله ليش تسمحون الناس تتكلم والناس والناس
وربي ماكبر روسهم :024: غيرنا نحن نسمع لكلامهم ونجري وراه بعد
لأدخل في عين كل وحده تتكلم واسدها بوجها
واقلها وش دخلك فيها حياتها وهي حر فيها وهي تعرف وين راحتها
يعجبوني الناس اللي حكي العالم ورى ظهرهم وبعضهم يستاهل كلامهم تحطونه بكرامه تحت رجلك من تدخلاتهم ولقافتهم اللي مال امها داعي

يلا شاركوني وشلون نسد حلوق الناس:08:
ونصير انا وانتي ما يهمنا كلامهم

حياكم
11
2K

يلزم عليك تسجيل الدخول أولًا لكتابة تعليق.

تسجيل دخول

معلمة أحياء
معلمة أحياء
شكلي مابه احد غيري محتره من كلام الناس
من ديار المملكه
كلامك في الصميم100%
m_h_r
m_h_r
أنا ألاحظ أنو الناس اللي كل همها تكلم بغيرها ايش حطوا, و فلانه تطلقت وفلانه ماتزوجت و مادري ايش ألاحظ أنو المستوى الفكري و الثقافي عندهم متدني جدا جدا. أنا أقول هذا الكلام من واقع عايشته, كل الناس اللي من هذي الفئة تلقيهم فارغين, ما عندهم اهتمامات ولا قراءات و لا أي محاولات لتطوير أنفسهم لذلك أحاول قدر المستطاع ما أضيع وقتي أنو أعرف رأيهم فيني أو ايش قالوا عني.
دنيتي انا
دنيتي انا
والله انك صاااااااااااادقة .. انا اعاني من ام زوجي حياتها كلها عشان الناس حتى بيتها فارشة دور كامل من اكشخ الفرش للناس وهي ساكنة بالملحق بعفش صراحة ولا العزوبية يسكنو فيه ... :mad:

كلام الناس لابيقدم ولا يأخر .. كلام الناس ملامة وحيرة مش اكتر ترررم تررم ترررريييرييي

هههههههههه انسجمت وانا اغني:42:
ابنائي احبابي
طز والف طز باللي يحكي من الناس خصوصا لتشويه سمعه او تشهير بس تكسب اثم وعدم ثقة اللي قداما
بينما لو تركت الناس بحالهم كسبت اجر وارتاحت من همهم

يانااااس دعوا الخلق للخالق

حسبي الله ونعم الوكيل
والله المستعان