حياتها الزوجيه على المحك!!

من فترة كنت اشتكي من كون زوجي ما عنده اية اهتمامات او هوايات عدا التسمر امام التلفزيون ولما يطفش يطلع من البيت وكنت اتمنى لو عنده هوايه يمارسها بدل ما يقلب علي من الطفش!!!

لكن رايي هذا تغير 180 درجة بعدما اشتكت لي وحده من جاراتي والي ما عمرها جابت سيرة لمشاكلها الزوجيه لانها من النوع المتكتم حول حياتها الخاصة بان زوجها مدمن انترنت , تقول مو مشكله انه يدمن النت لكن المشكله انه كل اهتماماته هي البحث عن المواقع غير النظيفه فقط !!!

تقول انها تحس انها بلا قيمه في حياته وان مجرد نظره للمشاهد الخليعه تعتبره خيانه لها ولا يمكن انها تسامحه عليها لدرجة انها صارت ترفض تشاركه الفراش اذا بغاها لان الصور الي تكتشف انه شايفها تحسسها بالبرود معه وكل تفكيرها انه يطلبها للفراش بتاثير من هذي الصور!!!!

تقول انها كلما تفتح الموضوع معه يهددها انه يقفل على الكمبيوتر في غرفة المكتب عشان ماعد تستخدمه هي كنوع من العقاب لها!!!!!! ويسميها الشكاكه ,ويتهمها انها هي الي تبحث عن هذي الامور عشان يقهرها مع العلم انهم عندهم اطفال يعني ما يستخدم النت غيرها هي وزوجها .

سالتني اش تسوي مع زوجها عشان يتعدل, لكني ماااااااا عرفت ارد عليها ! والله فشله اول مرة تصارحني بمشاكلها ولا اعرف كيف انصحها!

فكرت انها تزعل عليه عند اهلها بس هي قالت انها قد سوت كذا في مشكله قبل هذي وما فكر يرجعها لدرجة انها رجعت من نفسها! وبعدين بعض الرجال اذا تركت زوجته البيت يخربها ,وزوجها ممكن يخونها مادام هذي كل اهتماماته!!

احترت , ونفسي اساعدها لانها بالمرة متعذبه لدرجة انها صارت هي و زوجها ما يكلمو بعض من شهررررر ولا هو سائل فيها! وكلما شافها زعلانه قفل على الكمبيوتر وطلع برا البيت ..المسكينه صارت نفسيتها عدم!!

بصراحة حمدت ربي انه زوجي ما له اية هوايات,لكن من جد حزنت عليها ونفسي اساعدها وابغى نصيحتكم كيف تتصرف وايش الشي الصح الي ممكن تسويه عشان تغير من عادة زوجها هذي بدون ما يكون له عواقب وخيمه عليها , مع العلم انها تحب زوجها ومتمسكه فيه وتاكد ان زوجها يحبها لكنه بالمرررررررة عنيد وراسه ناشف وطبعه مستحيل يعترف باخطائه على العكس ينكرها ويستمر عليها!!!!!!!!!!!