السلام عليكم ورحمة الله وبركاته
صباحكم / مسائكم خيررر
كيفكم اخواتى ابيكم تشاركونى حزنى:44: وتساعدونى
مدري من وين ابداء لاشعوريا من ضيقة الصدر فتحت قلبي بهالصفحه
مشكلتى باختصار حياتى مع زوجى:arb: واهله
زوجي طيب وكتوم حياتنا ممله طول ماهوبالبيت يكون عالنت او الTVاو نايم
يصحى ويداوم يرجع يقيل يصحي يتغداء يصلي العصر يطلع لاهله يتقهوى ومن العصر الين العشاء يدخل دقايق ويطلع يسوي نفسه جلس معي يبي يسكتنى يسهر برا لين ينهد حيله ويرجع يقلب القنوات وينام
حاااااااااااااولت بكل الطرق اغيره جهزت القهوه العصر قال مابي قلت بنسهر برا قال مشغول
ناقشته بوضعنا قال انتى بس تنقين سكت عنه طنش وتمادي بطلعته
مليت من جلست البيت لحالي فقمت اطلع برا مع زوجات اخوانه
وبدت المشاكل ابوه مايحبنى ويحب ينرفزنى ويذلنى ويعاير ابوى ولو ماطبخت له :angry:ولا تاخرت عليه بشي يجلس يدعي علي ويقول المفروض زوجك يعرس عليك ويهزء قداام عياله وزوجي ساكت واحيان يضحك علي
واذا جيت ازور اهلي لازم مايشوفنالانه بيتحسب علي يقول ماتخلين ولدي يجلس عندي كل يوم مسافرين مع العلم انى ماروح الي بعد شهر
ويمدح سلفاتى لو سوله شي تافه وانا الي اخدمه ويهاوشنى
نجي لاخوان زوجي يحبون يدخلون بحياتناوجودهم ينذر بقوم المشاكل ليش حريمكم مايطبخون ليش ماينضفون ليش يروحون وليش وليش مع انى احب النظافه ولا احب احد يخدم زوجي واناموجوده
مايقدرون خصوصية الحرمه اذا زارونى ببيتى يتطفلون علي حتى غرفة نومى اذا بغو يصحون اخوهم يدخلون فيها يبونا بس نشتغل لهم طول الوقت طلبات واي شغله ماتعجبهم بزوجي يقولون خايف من المدام حتى السفريات يسافر برا معهم بس مايبيهم يقولون بتجلس عشان زوجتك
انارافضه سفرياته براوحرمت نفسي عشان وضعنا المادي ومابي يطلع برا مع ذلك كل سنه يطلع ولما يرجع يحلف يمين اخر مره ويكذب يحرمنا من المصروف ونضغط علي انفسنا ويروح يتمتع مع اخوانه
واذا اجتمعو بس يتكلمون بالحريم وهذاتزوج وانت ليش ماتتزوج
مواذا تكلمو فينى مايدافع عنى وانا اخاف ماقدر اواجه احد نفسي اقابل الي يتكلمون فينى واسئلهم ليش وانا ماضريتهم
مره تهاوشت مع اخوه الصغير قال اصلا هو اش شاف منك غير القلق خليه يسافر وانا بساعده يتزوج
ويحاولون يخربون علاقاتنا مع سلفاتناواي كلمه محسوبه
تخيلو مره ابوه يسولف عن سفرهم وهو زعلان وجلست اقول بيندمون بعدين لما تخرب اخلاقهم
واقوله قصص شباب ضيعهم السفر جاء زوجي معصب لان اخوانه قالو زوجتك تسبب مشاكل
ولا مره خربو البنات المطبخ وجلست اهاوشهم انتو كبار ليش تلعبون بالنعمه وين متربين قالت امهم لو انا عندهاكان ربيتها صح مع ان بناتهم غلطانين
هالوضع خلانى حقوده علي اخوانه غيوره من الي مرتاحين بسبب قوتهم
مهمله لنفسي كثرت الغيبه بسبب معاملتهم لنا كاننا اذااجتمعنا بنقلب او نقوي عليهم اناوسلفاتى
صارت بحياتى اشياء حطمت الوازع الدينى عندى مع انى قبل اتزوج كنت ملتزمه نوعاماء
كنت اتمنى حياتى الزوجيه مثاليه بقوة الايمان والخوف من الله والثقه بالنفس
بس اهله هزو لي ثقتى بنفسي :(
كنت متحدثه جيده ومقنعه باسلوبي لاكن الان صرت احس انى ممله احيان اقطع السالفه
احس انهم ملو من كلامي مااقدر اوصل افكاري من الخوف
الشي الوحيد الي ماغيرته انى مااجامل كذذذب حتى لو طلبو منى لانى استحقرنفسي لو كذبت بمجامله اسكت احسن وهذاالي كرهم فينى يبونى احب الي يحبون واكره الي يكرهون وكلا كلامهم لازم اقول صح وحلو يبون يلغون شخصيتى
اذاجلست ببيتى مليت وطلعت حرتى بولدي وبنتى واذاطلعت نكدو علي
كلامي كثير بس من الغلقه اكتب ماحس
سامحونى عالاطاله ودلونى وادعولي براحةالبال
ادعولي اصير داعيه وبنتى معي :26:
برحمتك استغيث @brhmtk_astghyth_2
عضوة نشيطة
يلزم عليك تسجيل الدخول أولًا لكتابة تعليق.
قووووووووووووووولي
إستغفر الله الذي لا إله الا هو الحي القيوم واتوب اليه
داومي على الاستغفار ياأختي الغاليه إن شاء الله.,,ربي يصلح حالك إنتي وزوجك
أقري هالموضوع عن الاستغفار
http://forum.hawaaworld.com/showthread.php?t=2381619
إستغفر الله الذي لا إله الا هو الحي القيوم واتوب اليه
داومي على الاستغفار ياأختي الغاليه إن شاء الله.,,ربي يصلح حالك إنتي وزوجك
أقري هالموضوع عن الاستغفار
http://forum.hawaaworld.com/showthread.php?t=2381619
الصفحة الأخيرة
:)