مشكوريين يا اخواتي بس والله انا مجلسني عنده العيال وبس

بس حاولت عاه كثير كثير كل شوي يقول انا مقصر مع اهلي مع انو اذا طلبت منه قال ما وقته وما في داعي

واذا اعطى اهله فلوس ما يحاسبهم واذا عطاني سالني وين رحت فيهم

يعني المعاملة زي الزفت معي ومع اهله مثل العسل طيب ابغا اسال هل هذا صح هل الدين يقول كذا

لانه على ول يقول انا مقصر مع اهلي ياخذها من ناحية الدين

يطبق الدين مع اهاه وانا معي لا


زهقت وتعبت معه يعني غير اللي اخذت نصيبي من اهله يعني اختوا ما قصرتا ولما كنت اقول كان ما ياخذ بحقي لو هيه غلطت

وما يعترف بانها غلطت يعني انا اول ما تزوجت ما كنت احط بقلبي بس بعد ما شفت انهم يحطوا بقلبهم ويتذكروا كل شي قلته او عملته صرت احط بقلبي وما انسا شي
وابغا اسالكم انو اذا هما ب حبوني؟؟ انو انا اعرف اللي يحب ينسا وهما ما ينسون وبعد ادكم من الشعر بيت يقولون لابنهم بجلسة مغلقة على كل اخطائي وعثراتي

في مرة كنت اسمعهم والام ذكرت امور من قبل 3 سنين ذاكرتهم واذا هي سكتت الاخت ما تقصر

وهو يسمع وبس انا ما قلت انو يرد على امه بس اخته والله عندها اغلاط اكثر مني ومتحملتها عشانوا على اساس كذا بس اندم على كل شي سكتت لاهلوا او اله عليه

لان معاملتهم لي مو شي على حسب انا ما عاملتهم

الله يكون في عونك اختي دعواتي لك

مرحبا ..
والله أنا ماعندي خبره في هالأمور لكن ودي ارد بالي يطلع معي ..

اول شي حبيبتي قولي " أعوذ بالله من الشيطان الرجيم " ..
حبيبتي أنتي ذكرتي أنك بالأول ساكته على الوضع وكان عندك عادي لأنك كنتي تحسبين انه " هو أصلا كذا " .. لكن تغيرت النظرة بعد ماشفتي تعامله مع أهله مع أمه وأخته ..

ليش تقارنين ؟ .. والله العظيم مافيه شي يتعب أكثر من المقارنات ..!!
وصدقيني إلّي مافيه خير لأهله مافيه خير للناس ..

الوضع اكيد فيه خلل .. فيه شي !! .. هو زوجك اجلسي معاه كلميه صارحيه بالي الي يزعجك بالهداوه مهو بالصراخ
اسأليه وش الأشياء الي مضايقته فيك ؟؟ وش الأشياء حاب يغيرها فيك ؟ .. اسأليه وشي مواصفات الزوجه الي الرجال بصفة عامة يتمناها ؟ وشي المواصفات الي زوجك بصفة خاصه يحبها ؟ اسأليه بطريقة غير مباشرة
افهميه احتويه اعرفي وش وجهة نظره ؟

خليك انتي الشي الإيجابي في حياته ! ابدئي بالتغيير لا تكونين سلبيه !! شفتي تعامله كذا وبس بروح بيت أهلي !!
لا يابعدهم مهيب كذا الحياة تمشي .. الحياة بتمشي إذا انتي حاولتي تقارنين نفسك مع الشخصية الي يحبها زوجك - مهوب مع أهله !! - .. قارني وابدئي غيري .. غيري بنفسك في بيتك بعيالك .. الشي الي يزعجه ابعدي عنه الشي الي يحبه احرصي عليه
وصدقيني الرجال مايبي إلا الحرمة الي تدور راحته .. ابعدي عن المقارنات ولا تبينين له ابدا انك منزعجه حرصيه على أهله وعلى أمه هذا دليل اخلاقك ورفعتك وبتكبرين بعينه صدقيني ..

انتي ابخص بنفسك وبزوجك دوري عن الخلل وعالجية .. لا تكونين امرأه عاجزة ضعيفه ماعندك غير الاستسلام .. ترا بكذا إذا صرتي مطلقة محد بينفك : ) !! .. وبعدين لا تقعدين تقنعين نفسك انك جالسة عشان عيالك واهو اداء واجب وخلصنا !! .. لا ياحبيبتي العيال وش يبون بجلستك إذا كان الجو في البيت فيه خلل ومهو مريح ؟؟ إذا امهم ماهيب مرتاحه كيف بتحسسهم بالراحه ؟
صدقيني فاقد الشيء لا يعطيه .. اشعري نفسك انك جالسه عشانك وعشان زوجك الي جلستي معه عشرة عمر 9 سنين ماهيب سهله وثم عشان عيالك .. ابحثي عن سعادتك بيدك ! واكرر - لا تكونين انسانه مشلوله سلبيه عاجزة - استغلي فرصة انكم مقبلين على السنة العاشرة واحرصي على بداية عقد جديد من الحياة : ) ..

طبعا ماانسى اذكرك باللجوء لرب العالمين ليل نهار والاستغفار كثري منه .. ويارب مانسمع منك إلا كل شي طيب .. : )

.. سبحانك اللهم وبحمد استغفرك واتوب إليك لا إله إلا أنت ..