بصراحه ماني فاهمه
وش علاقه اهلك واهله في بيتكم ؟
انتم ساكنين عندهم ولا ايش مالكم مكانكم وخصوصياتكم بعيد عنهم !
ليه فتحتوا لهم المجال وتركتوا لهم حريه اللعب على كيفهم بحياتكم الخاص !

ثاني شي
وش علاقه تشجيعك له ع الزواج من اخرى بحل هالمشكله !
مافيه اي علاقه يعني إذ تزوج وحده ثانيه بيتك واطفالك وانتي راح ترتاحون
وهو بيرتاح بين ثنتين وحده ام اطفاله والثانيه مدري وش بتكون شخصيتها واطباعها !

وضحي لنا ياقمر ربي يهدي سرك :26:

..

.

توني انتبه لردك الثاني !

وش هالكلام راضيه انتي بالوضع هذا ؟
وين شخصيتك وتحكمك في بيتك وخصوصيتك !
كذا بتضيعين حياتك وسعادتك ومستقبل اطفالك لاجل ارضا صديقات اخت زوجك
وراحة اخوانك الي بيجي يوم يتزوجون وينسونك اصلا ً

اتمنى ان تفيقي مما انتي فيه قبل فوات الاوان
وقفلي باب بيتك ولا تفتحينه ولا تستقبلين الا من ترغبين به ومرحب فيه وزوجك يرضى باستضافته ,, وفي بيتك عيشي خصوصيتك واسعدي نفسك وزوجك ووفري له الجو المريح السعيد

اما باقي المتطفلين للاسف ابقي معهم على الود والاحترام لكن لازم توصلين فكره انه الاولى في حياتك بيتك واطفالك وزوجك ونفسك ومن بعدهم ياتون هم

وابعدي عن هالسلبيه وهالتشائم وهالاستلام وهالضعف الي ممكن يضيع حياتك ومستقبلك
ومستقبل اطفالك الابرياء

إذ مو علشان نفسك فكري في هالاطفال الابرياء لا تحرمينهم من عطف ومحبة ابوهم علشان خاطر مين ؟؟؟

علشان خاطر ناس ماهمهم الا انفسهم ولو لقو مايسعدهم ويشغلهم نسوووك تماما ولا اهتموا لمشاعرك !!

اصحي يالغاليه لنفسك ولبيتك قبل يوم ماينفع فيه الندم!

بالتوفيق :26:

..

.

ابعطيك حل هو الي بيوعيك لوضعك الي انتي عايشته عباره عن اختبار كلمي على اختك الي دائما عندكم وقوليلها انا تعبانه اليوم وبتجيني وحده من صاحباتي وعزمتها عندكم لاني تعبانه اذا تقدرين تسوين لنا شي حلى وحركات حلوه وشوفي الرد ونفس الحركه مع اخت زوجك وشوفي مدى الترحيب اتوقع الرفض لانهم ماتعودوا هنا يصحى عقلك شوي سامحيني على الكلمه لكن فيه فيه ناس ما تتوعى الا بفعل ويمكن هنا يكون عندك ردة فعل من تلقاء نفسك
اذا تبغين الموضوع ينحل تدريجي بدون صجه ولجه اعتذري اول مره انك خارجه من البيت وابوكم مايسمح احد يدخل بيته وهو مو موجود المره الثانيه قوليلها تجيب اغراضها معها لانك تعبانه واذا جت روحي غرفتك وخليها تصلح كل شي حتى التنظيف يمكن تسمعين في البدايه كلام جارح بس طنشي عشان زوجك ومومهم يحبونك رضا الناس غايه لا تدرك
اذا مافيه استجابه ولافهموا عطيهم في الوجه والي يزعل يزعل والي يرضى يرضى
قبل كل هذا تخيلي وضعك عند اهلك وضعك عند زوجك وفكري بجديه وبعدين هو تمسك فيك لا تبيعينه لازم تقوين من شخصيتك عزيزتي والله محد ينفعك بكره لا تزوج عليك .

حبيبتي وش ها الطيبه الزايده

ترى الناس يسمون اللي زيك ضعيفه آسفه على صراحتي بس هذا اللي قاعد يصير

تحسبين اللي تسوينه راح يكبرك بعيونهم لاوالف لا بالعكس كذا بيعتبرونك ما تسوين شي
وان اللي تسوينه واجب عليك مو تكرم منك

اذا بغيتيهم يحترمونك قوي شخصيتك وعيشي حياتك زي ماتبين انتي وزوجك مو مثل مايبون
الناس لان صراحه اهلكم ما عندهم ذوق مع احترامي
يعني مهما سويتي ماراح يبين في عيونهم

احزمي امرك وسكري بابك عشان اذا جو لازم يستاذنون ولو بدق الجرس تاخري شوي قبل تفتحين لهم واذا قالو ليش ما فتحتي بسرعه قولي كنت مشغوله بشي خاص عشان يعرفون ان لك خصوصيات وهكذا كل مره تاخري اكثر عشان يملون ولاجو لاتقومين تعدين وتسوين اللي يريحهم لا حبيبتي سويلهم مثل ما يسوون لك لا زرتيهم عامليهم مثل ما يعاملونك
وخلي جميلك لزوجك اللي عزك واحترمك وهو اللي يستاهل

اما كلامك عن زواجه فما له داعي ليه تبين تحرمين نفسك من الانسان اللي حبك لشخصك
ومنهو اللي بينفعك عقب ماتاخذه وحده ثانيه اخوانك او خواتك واللهما يتحملونك ولايوم

الله الله في عيالك حاولي تسيطرين عليهم وتكثرين من الوقت اللي تقضينه معهم وحسسيهم بالحنان

الله يوفقك ويصلح لك امر دنياك وآخرتك


ما عليش اختي انا متحمسه بزياده لاني اعرف وحده نفس حالتك واشوف كيف الناس يعاملونها
وشلون يحترمون اللي ما تعطيهم وجه .........

السلام عليكم.:.:.:.:.
حبيبتي:.:.:. بالوقت هذا مافي شئ اسمه طيبه لاتن الطيب مطمعه والناس مراح يقدرونك بالعكس تحسبينهم يناظرونك نظرة الطيبه والحنونه اللي تخدمنا لا والله بالعكس يضحكون من وراك على هالطيبه وهالسذاجه الزايده واعتذر على هالكلمه بس من شد مني منقهره ومتحمسه.

ارمي الطيبه وراء ظهرك وخليك العكس الطيبه ملها محل بالهلأيام وانا مع كلام اختي شمعة الجلاس والله لو كنت بمكانك غير اقول:
بررررررررررررررررررررررررررررررررررررررررررررررررررراء
من غير مطرود زعلو او رضو كيفهم عندي سعادة زوجي تسواء الدنيا واهم من اي سعاده وضحكة اطفالي بيني انا وابوهم تسواء الدنيا ومعليها.

انتي سالفتك زي سالفة جاره لنا سكنت جنبنا وعندنا جاره من الجارات بالمررررررره طيبه طيبه المهم طمعت بها هالشيطانه الجديده وراحت كل يوم والثاني ترسل لها سوي لنا غداء واللي بعده سوي لنا رشه واللي بعده سوي لنا منسف ومره سوي كبسه وزوجها والله مظلمه مكان يدري عنها كان يجي من الدوام متأخر الساعه 4 العصر ويلقى الغداء جاهز وكل يوم وطورت السالفه صارت اذا طلعت ترسل لها سوي لنا قهوه وكيكه ومره حلى والمسكينه طايره تخدم لها وطفش زوجها المسكينه لين طفح الكيل معاه ومره سوت سهره نادة اهلها وحريم اخوانها وحمياتها كانن عندها عشر حريم ذاك اليوم ودقت على جارتنا الطيبه المسكينه وقالت ابغاك تسوين لي سهره عندي حريم ابغا منسف قالت افتحي الباب الحين ارسل بنتي معها اللحمه وفتحت لين اخذته لمريها كيس صغير اللحمه شويه ودقت عليه وقالت والله يفلانه عندك نسوان كثار واللحمه متكفي قالت لها: اذا عندكم بالفريزر حطي وتروح المسكينه تحط ولا زياده على كذا كل يوم وهي ماخذه كمبيوترها المحمول ويوم حطة رقم سري عليه اتصلت تسأل عنه كم الرقم السري؟؟!!!!!!!
لا وتدق الباب وتاخذ شغالتها وهي متدري وتخليها تشتغل لها والمسكينه تدور بالشغاله وهي عندها؟!!!!!!
دقت علي ثاني يوم طفشانه وتبكي وقالت والله مدري شو اسوي علميني عندك حل ؟؟

قلت الحل عند
ك مو عندي تستاهلين ليش من البدايه فتحتي بابك له ليش طمعتيها في نفسك انتي شغاله عندها مهي جايبه شغاله علشان تخدمينه انتي وتكونين شغالته والله انك متفهمين والا والله غير امسك اللحمه واقرطها بالسيب بالله انا متزوجه اخدمك والا اخدم زوجي واطفش زوجي علشان وحده زيها وتالله متدخل بيتي واني لاعلمه من اكون زي مهي مستقويه علي اعلمه قيمتها .
والله ترست راسه بالخناق واللمعايير.

المهم وتجيها همه ولا تفتح لها الباب ولا تدخل بيته وقطعت علاقتها نهائي معها وصارت تعرف من هي المره ولا جرأت تعمل شئ .
انتي نفس الحكايه بلا طيبه بلا خرطي طيبتي لزوجي واولادي وببببببببببببببببببببس.
اما اخت زوجك ان مقدرتي تكلميها خلي زوجك يوقف معاك او هو يتكلم عليها والله صارت شقتك فندق خمس نجوم او مقهى .
انتهي الحل بيدك قبل ميدمر بيتك بحق وحقيقه..

ابي لاسألك سؤال ؟::؟:؟:؟

انتي ودك ترجعين لحياتك اول ملك كلمه ولا راي مثلك مثل الخدامه لا بعد الخدامه لها راتب .
(آسفه على بعض اللفاظ لكن من شد مأنات منقهررررررره عشانك)
اذا وهذا اكيد جوابك :لا فأنتبهي لان زوجك راح يتركك والمهزله ويدور وحده تسعده وتعرف قيمته واولادك راح يضيعون ويفلتون من يدك ويصيرون لعبه بيد الصغير قبل الكبير لاتربيه مثل الناس ومحرومين من ابوهم ولا كمان امهم تخدم الناس ومض