السلام عليكم :
يعطيك العافيه على الاطراء بس والله العلي العظيم لني اتكلم من جد واني سهرانه افكر بك وش سوت يارب وادعيلك والله من قلبي شغلتي بالي من ادش النت علطول لموضوعك اتمنى تكونين رديتي وحليتي مشكلتك .
بس كان لي تعليق بسيط .
بالله لاخوانك وخواتك وحماتك خذو موقف مخذو موقف الباب يفوت جمل واللي زعلان يشرب من موية البحر اهم شي حياتي وصدقيني بالله لو كانت اخواتك وحمياتك مكانك لسوو زي متسوين اذا من البدايه معلموكم اللي لكم واللي عليكم اما اخوانك بكره تجي الحرمه اللي تاخذ عقله ولو تعملين ادنى حاجه كبرة الموضوع وعملت من الحبه قبه وجا البطل يخانق ويزاعق عليك اتخذي موقفك والباب اللي يجيك منه الريح سده واستريح وعلى قولت الاخوات اعقلها وتوكل.

اما بالنسبه لابوك وامك وعمامك .
فهناك طريقتين لارضائهم .
الاولى:
انتي اتخذي الموقف واحزمي امرك وشوفي احد الاثنين:
1: انا مضنهم بيزعلون اذا درو ان هذا رغبة زوجك وان بيتك في طريقه للانهيار فعلا لان مافي بالدنيا كلها ابو وام يتمنون خراب حياة وبيوت عيالهم وبناتهم .
2:نفترض انهم فعلا زعلو انتي شو بتسوين؟ اقولك: انتي تروحين لهم بالبيت وتجتمعين بأبوك وامك والافضل انتي وزوجك ان كان ماعنده مشكله وتحبين على راسهم وتقولين والله السالفه ومافيها اني كذا وكذا ضيعت بيتي وزوجي واولادي واهمكلت نفسي وزوجي صار يتضايق ويتذمر مني ومن حياتنا حياتنا بتخرب انتو بتزعلون مثل زعلكم الحين لو تيزوج علي ترضون طبعا الجواب :لا قولي وان تركت الحال زي مهي عليه راح يدور المره الثانيه اللي تسعده وتعلمه قيمته ومن هو بالدنيا وتربي عياله مو اللي فاتحه بيتها مقهى لريايح والجاي وتكلمي من هاي المنطلق وصدقيني بيرضون.
3: لنفترض انك رحتي وتكلمتي ومنفع وش تسويين. اقولك: لاتتراجعي خطوه ولا تضعفين اي كان الموقف الي اتخذوه طاعة زوجك مقدمه على طاعة امك وابوك ولا تنسين اياكي تضعفين لا والف لا هذا عمرك وهذي حياتك وهذي مستقبلك اياكي اياكي تنسين اخلصي لله بهي الامروصدقيني الاب والام مراح يتمون بزعلهم هذا قلب الام وما ادراك. اقولك: لاتنسين حتى لو زعلو لا تقطعينهم روحي وصليهم حتى لو هم طردوك من عند اللباب كذا انتي سويتي الواجب اللي عليكي ووصاتي رحمك والباقي على رب العالمين.
اخيرا: اذا كنتي تعنين بعمك ابو زوجك فنفس الموقف الللي مع امك وابوك انتي وزوجك وهذا لازم روحو حبو راسه وزقولي لزوجك يحب رجليه وتكلمو وياه وفهموه الموضوع وان تم على زعله اهم شي حياتكم وهذا الشي يبقى على زوجك اهم شي لاتنسون لاتقطعون رحمكم.

اخيرا : والله ان قلبي مشغول بك لاتنسين علميني وش سويتي بالله رديلي وربي معاك .

اتمنى اعرف شو صار حبيبتي.

السلام عليكم

جزاكم الله الف خير

اختي هواجيس احب ان اشكرك على اهتمامك

واخر اخباري الان خرجنا انا وزوجي يوم الثلاثاء الماضيه ووالله خرجه خاصه

حاب ياخذ راحته معايا لااانه مو قادر ياخذ راحته بالبيت

اول مااخذت الاولاد وجهزتهم قالت لي اختي على وين قلت لها وين رايحه

قالت طيب قولي لنا والا احنا مو مهمين وزجي كان واقف عند السياره يستناني

وكان عنده اخوه الا اخوانه وقالو له وين قال طالع مع الاهل

قالو له طيب استناني بروح اجهز اخواتي ونجيك بنروح معك

انا كنت في السياره ومعي اخواتي واولادي علي جالسين

واهل زوجي الحقونا

زوجي رفض يروح لكن انا ترجيته انه يروح

لكن يااخت هواجيس انا خايفه قال زوجي كلمه قالي خليهم ينفعونك

ويجيلك يوم

بعد الليله هذي جلست افكر في حياتي واسترجع كل شي قدامي

وسالت كل وحده من اخواتي واخوات زوجي وطرحت علييهم مشكلتي على اساس انها

من النت واستغربت انه كل وحده تقول من هما اللي يستاهلو اني افضلهم على اولادي وزوجي

هذه اكيد مجنونه

صدقيني بعد الكلام هذا تغيرت نفسيتي

وراح اكمل كلامي لاانه الان لي اربع ايام وانا انسسانه ثانيه

ودمتي لي اخت

الحمد لله انا متابعه لهاذا القسم بس علشان موضوعك

انا قلتلك راح تنصدمين في يوم من الايام فيهم لاني انا اعرف كثير كذا
الحمدلله دامك تغيرتي استمري وبيني لزوجك اهتمامك به وصارحيه بالموضوع قولي والله انا معك عالخير والشر واللي تبيه يصير واللي تسويه ابد عالعين والراس انت بس آمر واهم شي لاتزعل لولا انك حبيبي والغالي متغيرت وابد انت آمر وانا انفذ والله لو تبيني اوديهم للجحيم علشان سواد عيونك وتتداركي زوجك دامه قال هالكلمه اعملي اللي قلتلك عليه اللي لو اخته وخواتك مكانك مبطي سووه .
اتمنى انك تتلبسين وتتزينين وتتلبسين العيال وتقولين نبي نتمشى او نروح لاي مكان انت تحبه ولو قالو الربع نبي نروح لتوافقين قولي هاذي رحله عائليه خاصه واعتذري.
ولما تروحين انتي واياه ضميه بقووووووووه وابكي وعلميه وحسسسيه انك نادمه وصارحيه وقولي له اللي تبيه يصير ابد .
شبيك لبيك جاريتكم بين ايديك
انت بس آمر
وعلميه انك انجرحتي من كلمته وانك تحبينه وانه هو كل شي وهو الكل بالكل وانهم والله مراح ينفعوك وان ملك بالدنيا الا هو .
من هاي الكلام وبس انتبهي وقفي قدامهم وقولي هاذي تمشيه خااااااااصه عائليه لي ولزوجي ولعيالي .ز

ربي يوفقك والله اني كل يوم اشيك عالموضوع واتمنى اعرف اخبارك بالله بالله غير تقولين لي كل شي اذا ممكن والله ان موبس قلبي معك والله ان تفكيري وعقلي وكياني وروحي معك بالله خليكي قويهوواثقه من نفسك وكلمتك هي اللي تمشي لانك انتي ست البيت واجهي الدنيا علشان حياتك وزوجك واولادك الله معك .
بالله لاتنسيني انا انتظرك بأحر من الجمر.

اذا مو عالعام عالخاص ارسلي بس انا بدش الموضوع كل يوم انتظر ردك بالله لاتنسيني .

اعتقد فيه شي ناقص في الموضوع ماذكرتيه -- لان لو اهلك لهم بيت لازم في اوقات يكونو في بيتهم وانتي في بيتك -- لازم يكون فيه خصوصيه مهما كانو اهلك --- الا اذا ناوين يطفشو زوجك وانتي شايفه وساكته --- طيب ليه ساكته؟؟ وليه يبغو يطفشو الزوج وانتي تستسلمي لهذا الامر؟؟ يااخي مايبغالها كل هذا الهم والغم -- قفلي بابك على زوجك واولادك وقت ماتحبي بدون تضخيم للمواضيع --- ووقت ماحبيتي تستقبليهم الله يحييهم --- بس يمكن البيت اللي ساكنين فيه انتي وزوجك تابع لاهلك صح؟؟ او يمكن ماتدفعو اجار وهذا اللي مضايقكم لأنه مخنوقين ومو عارفين تتصرفو -- بس كيف اذا انتي تقولي انك عرضتي عليه زواجه بأخرى ؟ معناته عنده فلوس للزواج -- طيب ليه يتزوج بها؟ انتو واولاده اولى بها --- بس اختي سؤال -- هل ابنائك هم ابناء زوجك ؟ ام من زوج قبله او متوفي والدهم ؟ بعد الشر عليه طبعا اذا كان هو والدهم -- بس انا قلت لو هو والدهم وانتي زوجته وهذا بيتكم فين المشكله اجل؟؟ انا قلت كمان يمكن متزوجها في بيت اهلها وهي عندها ملحق لها او دور لها وماتاخذ راحتها فيها وهو جا يسكن عندها -- ايش اسوي قلبتها في مخي لين تعبت ابغى اساعدك وابغى اعرف الوضع لأنه غير طبيعي